Dicono di noi

-Impressioni scritte di un allievo dopo la prima lezione di tango

il giorno 24 settembre 2009

BALAR EL TANGO.

El tango xe un balo fato de caminade...

La copia camina avanti e indrio,zercando de schivar i altri balerini,fasendo,di tanto in tanto,dei gropi co le gambe...

EL CORSO.

I maestri xe ssai cocoli: i gà tuti e due el codin.La maestra xe quela più picia...

Gavemo cominciado co le caminade: tuti in fila,sù e zò,zercando de portar el peso prima su una gamba e dopo su l'altra.

A un certo punto iera un pochi de alievi che andava in sù e un pochi in zò...Alcuni i xe rivadi in parochia che la xe la vizin...

Se gà quindi formado le copie che,tenindose per i brazi le gà cominciado a caminar insieme ...I maestri poi gà impizza el stereo...

Bisognassi,gà dito la maestra,girar tuti in senso antiorario e che xe una regola importante quando che se andarà a balar fora..

Mi gò centrà tre copie,i me gà investì due e,ala fine,i maestri gà ciamado i vigili quei de via Locchi per iutar un poco...

Per finir in beleza i maestri ne gà fato provar l'abbraccio.Alora,la spiegazion de la maestra xe stada che,la teta dela dona deve star tra le tete de l'omo.Non bisogna strucar la dona e la man drio solo apogiata,legera... La dona la pol meterla dove che la vol...

Tuti i alievi e anche qualche alieva se gà trasformado in folpi e i maestri coinvolti anche lori nell'insalata i gà partecipado al festin caminando,tuti insieme per festeggiar questo belissimo inissio corso :o) !!!!

ALA FINE.

Xe una roba strana, una energia che te entra dentro e che no te lassa e anche tornando verso casa buto el peso prima a destra e poi asinistra...A destra e a sinistra ... e me ripenso all'emozion che me ga lassà tutti quei abbracci....