Xustificación

Son moitos os obxectivos que se poden lograr con esta experiencia. Algún destes obxectivos son:

• Integrar aos alumnos no  traballo de equipo, como práctica de convivencia e apoio entre os alumnos e alumnas, xa sexa na lectura do diario en grupo ou redactando as novas que máis tarde vanse emitir.

• Fomentar a responsabilidade individual ante o programa libremente escollido.

• Poñer en contacto directo aos alumnos e alumnas e o ámbito escolar co barrio, pobo e sociedade.

• Fomentar e motivar a observación, sintetización e análise de feitos cotidiáns coma o funcionamento do observatorio meteorolóxico da escola, a escritura diaria da prensa e comentario da nova, análise dos feitos culturais e deportivos no ámbito local, rexional e nacional, análise dos programas de televisión, etc.

• Acostumar aos alumnos a utilizar o seu tempo libre en actividades culturais.

• Conseguir que os rapaces se desenvolvan entre institucións e organismos establecendo o diálogo coas persoas maiores.

• Aprender a exercer a liberdade de expresión.

• Potenciar a implicación e investigación sobre o entorno socio cultural no que se desenvolven os alumnos e alumnas.

• Utilizar a linguaxe como medio para a comprensión da realidade.

• Desenrolar a capacidade de inferencia comunicativa.

• Recoñecer e utilizar os elementos formais do medio radiofónico.

• Desenrolar métodos de pescuda de información manexando diversas fontes, escritas e orais.

• Participar nas tarefas de grupo .

Expresión oral

• Utilizar a linguaxe oral como medio para as diversas situacións comunicativas a nivel interpersoal.

• Aprender a pronunciar correctamente, adecuando o ton de voz ao contido da mensaxe.

• Corrixir a entoación, dicción, vocalización y recoñecemento da propia voz.

• Practicar diversas formas de expresión oral: conversas, exposicións, entrevistas.

• Empregar e ampliar o seu vocabulario activo, con palabras de distinto campo semántico.

• Capacidade para narrar, describir e explicar ideas e observacións seleccionando rasgos característicos

• Iniciarse na crítica destacando aspectos positivos e negativos.

• Adquirir dominio e control sobre a expresión verbal.

Expresión escrita

• Resumir informacións.

• Redactar informes, entrevistas, noticias.

• Confeccionar guións radiofónicos.

• Desenrolar a capacidade creativa mediante a elaboración de producións textuais propias.

Metodoloxía 

• Visitar unha Radio.

• Buscar un nome para o seu programa.

• Desenrolar unha idea, para o que se lles pide que elaboren un guión.

• Gravar a súa produción radiofónica cun fin dobre: que dispoñan dun documento sonoro propio, o cal poidan levar a súas casas e que poidan realizar unha análise crítica das súas habilidades e, doutra banda, a progresiva construción dun banco sonoro como rexistro da actividade e do material producido para o seu posterior uso.

• Cada grupo elabora un programa. Preténdese que os alumnos sexan o centro do acto educativo e que sexan eles mesmos os que vaian descubrindo a necesidade de adquisición da aprendizaxe a partires da propia experiencia.

• O mestre actúa entón coma un mediador no acto educativo; é o que proporciona elementos de traballo aos alumnos.

Actividades radiofónicas:

• Formato:

- informativos

- musicais

- dramáticos

- reportaxes

- debates

- culturais

- simulacións

- etc

• Tarefas:

- locución

- guionización

- manexo de aparatos radiofónicos

- emisión e gravación

- producións

- audicións

- organización da emisora.

• Actividades pedagóxicas:

- presentación de temas

- actividades de motivación

- presentación de traballos

- desenrolo de actividades

- avaliación

- autoavaliación