Tales of a Gnasher

So for like 1 year now everybody dey bis about what in particular ego down for congress last year. Everybody dey act like ejust be learning dem go learn for that side, but deep down we all know it’s not true. They stupidly make the phrase ‘What happens in navorongo stays in navorongo’

Well this extract is basically to let our ‘no goers(chobo eaters) know about what exactly went down last year. No be say we dey come sellout oo, we just wan make people understand. Sekof the way we all dey laugh when we hear ya landi and some people are quiet deir eno nice…or how you dey see am?

Be like we dey keep gbeley some keys or?..

So here we go;

Day 1:

Your people lie we say the bus dey move at 8pm, the person he talk that thing deir hm

We come tap lef go chop come tap then bus no arrive sef…

As we dey wait, then adey see say the killers dem go congress before all start dey catch demma partners, somebody start dey get sitting partner, roaming partner; then charley, me ano dey barb. Sekof me ado ma mind say ow, ebi mowing we all dey go mow so we be all this partners…

So finally, Dr. Quaye come, he give some speech wey he start dey mention bus directors. He mention 1^st person everybro go quiet, he mention second everybro go quiet, norrr asee say dem mention the asst. general secretary ein name norr everybro start dey shout ‘Presto! Presto!!....’ ago like a what dey go on… or he be nike presto ambassador or something??

We finally sit for the car inside, foolish me went to sit alone in the bus [you see the vip inside the seats for the right dem do am single single nu? Ahan]. Ago guy guy atap take some earphones choq ma ears inside kraa dey soak ma Medikal… so the bus start Violet give opening prayer… we move. So then ebi gb3k3 as we move so aclose ma eyes try bed small sekof charley then your mans really taya…

2 hours into the trip, atinop open ma eyes say make asee what dey go on aa come see killers for the bus inside… Then like ano dey barb sef. The 2 2 seats, ano know if dem plan am or something, nbs cuddling then people dey cuddle. Agbeley ma eyes small dey watch. Somebody do like he then ein woman bed wey dem cover demma body plus cloth but asee say dem dey move plenty for the cloth ein under… hm people really get sleeping skills.

So ajust try watch ma back small norr some girl bi too dey ma back, hm ano wan mention ein name so echill but the way den she bed open ein moff er God…. Sleep catch you deir slay queen no dey inside oo… so then ado ma body say ow make a kot picture sekof then ma boy bi dey hype am plenty say she dey go on waa…. Me then awan dem see say charley slay queen slay queen she narr this oo nana…. So acomot ma cell do like adey come kot norr wey asee something….

Then l300 boys some… be like your mans bed go fall for some 400 girl bi ein back… Wey the way then the girl too bed nu areally dey doubt say charley, then she dey feel what dey go on… How people dey fit bed like this?

So we dey go we dey go as we try enter Kumasi inside norr wey one of the buses come do over speeding for one side… asee killers for inside.. wanna ‘former biochem ashawo’ he den ein white friend no be small vibes dem dey vibe the women for the bus inside… that moment wey ehit me… congress er if you no get paddies charley, EBI GNASHING YOU GO GNASH!...

Sekof me ano say ano fine like that but charley ano dey ugg.. ahia maybe vibes ano get but say vibes ego make you trost me dier ow, cool down for me…. The problem be the approaching sekof charley, adey shy women.. unless you move to me first; that one deir ago dey cool. But say if we start dey vibe you start dey wan do sugar daddy things for ma top deir ohemaa ebi blocking ago block you.

Aforget wer den areach sef for the story….

So ahan then ebi like we go reach some rest stop be like so dem say make we gidown refresh wanna body the stretch wanna legs… so then ebi like more killers gidon dem go piss than things. Then the place try cold so then more killers dey wear sweater… you dey kai the killer den asay he dey plus the woman for the cloth ein under? Ahan…. Asee say hm your mans dey gidon but he cross ein legs some funny way dey give some funny walking… but charley that’s a story for another day…