بما ان الاسم شدك ف يبقي اكيد عرفت احنا هنتكلم عن ايه بالظبط بس يا تري بقي تعرف ايه هي لغة الـ c++؟ ليه اتعملت وايه علاقتها بلغة الـ c؟ اتعملت امتي؟ وليه معظم كليات حاسبات وهندسة كمبيوتر بيدرسوها للطلبة في أول سنة؟ كل ده هنغطيه بشكل سريع وموجز.

لغة c++ تعتبر ثالث أشهر لغة برمجة حاليا بعد الجافا والـ c طبقا لموقع tiobe اتعملت سنة 1985 يعني من 35 سنة كدة طب يا تري ايه علاقتها بلغة الـ c ولا هو مجرد اختلاط أسامي؟ الـ c++ بالفعل تعتبر لغة محدثة من الـ c اللي اتعملت 1972 يعني بعد 13 سنة من الـ c واللي كانت تفتقد حاجات كتير زي الـ classes ولو مش عارفين ايه الـ classes ممكن نبقي نغطيها في بوست قريب بإذن الله المهم بعد ما عرفنا اصل الـ c++ وايه علاقتها بالـ c نخش في ليه تتعلم c++ اولا معلومة بسيطة لغة c++ لغة متوسطة الصعوبة مش هتتعب في تعلمها طب ايه أشهر استخداماتها؟ الـ c++ أشهر استخدام ليها بيكون في برمجة الـ embedded systems بس بردو ليها استخدامات تانية زي الـ desktop applications والألعاب وسيرفرات محركات البحث وطبعا من أشهرها جوجل وأكيد الـ c++ زيها زي أي لغة عددت بتحديثات كتير لحد ما وصلت للشكل الحالي فيها.

انهارده هنحكي حكاية ال c# و ازاي بدأت و ايه هي اشهر استخدماتها باختصار

تعتبر ال c# خامس اشهر لغة و اكثر اللغات شيوعا بين المبرمجين (Visual Studio magazine)

ال c# تندرج تحت مظلة عيلة ال c اتعملت سنة 2000 من مايكروسوفت و اللي قام ببرمجتها اندرس هيلسبرج و فريقه ك لغة من لغات تانية كتير في ال net framework.

طب ندخل بقي في استخداماتها؟

ال c# ملهاش استخدام واحد هي لغة متعددة الاستخدامات تقدر تستخدمها في برمجة التطبيقات علي windows بالاخص و برامج الموبايل سواء ios او Android

و بتستخدم كمان في برمجة الالعاب زي في Unity

من الاخر كدة دايسة في كل المجالات ان جاز التعبير.

من 25 سنة في سنة 1995 جيمس جوسلينج برمج لغة ال java و ع غير المنتشر اوركل مش هي اللي برمجت اللغة و لكن اوركل اشترت sun micro systems اللي كان شغال فيها جيمس

الجافا تشبه في طريقة الكودينج بتاعتها ال c و ال c++ يعني لو انت عارف اي لغة من التلاتة هتعرف تتعلم الباقيين بسهولة

تعتبر لغة الجافا high level language رغم انها بتعمل run بنفس سرعة ال low level language ع معظم ال platform

الجافا لغة متعددة الاستخدامات :

تستخدم في ال برامج اللي بتشتغل ع ال web browser و بتستخدم في ال server side applications زي ال stores و ال online forums

بتستخدم بردو في برمجة ال mobile application و ال micro controls و ال sensors و ال gateways و في ال remote Processor

تعتبر الجافا تاني اشهر لغة في العالم و تتنافس معاها ال python بفارق بسيط مبينهم ( tiobe index )

و ايوا عارفين انكم مستنيين المعلومة دي بس جافا ملهاش اي علاقة ب الجافا سكريبت و مجرد اشتباه اسماء مش اكتر.

حكاية واحدة من اشهر اللغات حاليا و اللي شهرتها في اخر فترة في تزايد مستمر

اتعملت سنة 1991 ع ايد الالماني guido van rossum

ال Python من اسهل لغات البرمجة و لذلك معظم المبرمجين بينصحوا بيها للمبتدئين لسهولة تعلمها و سهولة استخدمها و لانها كمان لغة high level بتستخدم في حاجات كتير زي ال web development و ال game Development و ال Software Development و اهم استخدام ليها و هو في ال AI و ال machine learning و استخدمات تانية كتير

و دلوقتي تعتبر البايثون تاني اكثر لغة استخداماً من المبرمجين (tiobe index)

و احنا كمان طبعا ننصحكم بتعلمها لانها فعلا من اسهل اللغات للمبتدئين :)) و احنا السيزون اللي فات نزلنا سيشن تعلم ال python تقدرو تشوفوها علي قناتنا في اليوتيوب https://www.youtube.com/watch?v=Q8naCk483DU&feature=youtu.be

حكاية خفيفة للغة تم برمجتها من جوجل و هي Go

لغة Go اتبرمجت سنة 2009 على يد مجموعة من المبرمجين وهم Robert Griesemer وRob pike وKen Thompson

لغة الـ Go هي لغة high level مزيج بين مميزات لغات كتير زي الـ runtime efficiency في الـ c++ واللي بيشتركوا في الـ syntax format كتير؛ و سهولة القراءة والاستخدام زي python

ورغم إنها تعتبر لغة حديثة النشأة ولكنها دلوقتي في المرتبة الـ 14 في الاستخدام بين المبرمجين ( GitHub - stackover flow)

و بما إنها زي ما قولنا إنها مزيج من لغات تانية ف هي لغة متعددة الاستخدامات زي في الـ back end والـ desktop applications والـ system programing.

هنتكلم على Elon Reeve Musk بعد ما خلص جامعته في pennsylvania و أخد بكالوريوس في الفيزيا والإقتصاد وبعد ما قدم في جامعة stanford علشان ياخد دكتوراه في الفيزيا سابها علشان يأسس Zip2 سنة 1995 واللي إتباعت لـ compaq بـ 307 مليون دولار وبعدها عرف لنا بمفهوم الـ online banking في أول مرة في X.com واللي إندمجت مع confinity سنة 2000 ومن خلالها كان عمل paypal اللي أتباع لـ ebay بـ 1.5 مليار دولار في 2002.

من هنا إيلون ماسك كان جمع ثروة وشعر لحظتها إنها كفاية إنه يتجه لحلم طفولته إنه يزرع عالمريخ ومن هنا أسس SpaceX ولما راح لروسيا علشان يشتري صواريخ قابلة للسفر في الفضاء حس بإستهزاء من الحكومة الروسية وخصوصا إن ثروته ساعتها اللي كانت 100 مليون دولار مكانتش تسمحله إنه يشتري صاروخ بـ 8 مليون دولار مع التعديل اللي كان هيعمله ونسبة الفشل الكبيرة فبعدها قرر إنه هيعمل كل حاجة من الصفر مع عدد كبير من المحاولات والفشل ومع آخر 4 مليون دولار في ثورة إيلون أخيرا آخر محاولة إن الصاروخ يطلع من الغلاف الجوي نجحت ومن هنا NASA أعلنت سنة 2006 إن SpaceX واحدة من الشركتين المسؤولين على ISS وبعدها CRS program ومن هنا نجاح الشركة إبتدى في نفس الوقت إنه واحد من مؤسسي شركة Tesla وأكبر مستثمريها اللي كان بيمولها في خلال أذمته المالية في سنة 2004 والشركة اتجهت لأزمة مالية كبيرة مع تأخيرها في إنتاج أول عربية ليها لحد ما إيلون بعد نجاح شركته إدى لـ Tesla قبلة الحياة بتاعتها سنة 2008 اللي من هنا بدأوا ينتجوا أول عربية كهرباء ونجاح الشركة بدأ.

بما إننا اتكلمنا قبل كده فى حكاوي الجمعة عن لغة c

ف تعالوا النهاردة نتكلم عن دينيس ريتشى

نال دينيس ريتشي مؤسس نظام يونكس ولغة سي مكانة كبيرة جدًا في تاريخ صناعة وبرمجة الحاسب الآلي، وده بسبب اختراعه لغة سي بالاشتراك مع زميله كين تومسون وتصميم وإنشاء نظام التشغيل يونكس.

درس دينيس فى جامعه هارفارد وحصل على شهادة فى الفيزياء والرياضيات التطبيقية.

وبدأ حياته العملية سنه 1967 فى معامل بيل التابعة لمركز علوم الحاسب والأبحاث وهو أحد أهم مراكز الابتكار الرقمى على مستوى العالم.

وحصل على الدكتوراه فى مجال الحاسوب سنه 1968

وكمان عمل مع كين تومبسون الذى يرجع الفضل إليه فى كتابه نظام يونكس الأساسى واستطاع دينيس أن يعمل على ترقيته وتطويره حتى يتناسب مع جميع الآلات.

وفي بداية السبعينيات ابتكر دينيس لغة البرمجة C

كلغة تطبيقية مخصصة لنظام التشغيل يونيكس، والذي كان واحدًا من أهم عوامل نجاح هذه اللغة، إلى جانب سهولة وبساطة إنشاء المترجمات فيها.

وفى عام 1971م ألَّف كتاب دليل مبرمجي يونكس.

وفي 1978م اشترك دينيس مع بريان كيرنيغهان في تأليف K&R كتاب لغة البرمجة سي ويُشار إلى الكتاب بالرمز

وهو اختصار لاسم كلا منهما

وكمان لعب دينيس ريتشى دورا كبيرا فى تطوير لغة limbo

وهى التى تستخدم فى تطوير تطبيقات النظام inferno