Luns, 4 de xullo de 2022

O grupo de 1 ESO A, gañador dos "Xogos Olímpicos dos recreos" e do "Entroido", xunto con 2 ESO E, gañador do concurso "Aula limpa", puideron gozar dunha mañá divertida e deportiva navegando en kayak polo río Miño.

Luns, 4 de xullo de 2022

O alumnado de FP Básica de electrónica realizou un traballo para dar a coñecer os beneficios e as claves para ter unha vida activa e saudable. Incrementar a actividade física é fundamental.

Mércores, 29 de xuño de 2022

Aquí temos ao equipo gañador dos Xogos Olímpicos dos recreos posando co seu merecido trofeo. Parabéns!

Martes, 28 de xuño de 2022

O pasado 22 de xuño todo o alumnado do IES puido gozar dunha xornada deportiva. As disciplinas foron: brilé, bádminton, tenis de mesa, fútbol tenis, equilibrio, discos voadores e pelota divertiva.

Mércores, 22 de xuño de 2022

Fotos da entrega de trofeos e medallas do deporte dos recreos e do campionato de Campo a través por clases disputado en novembro.

Mércores, 22 de xuño de 2022

Fotos da entrega de trofeos e medallas. Hai que lembrar que os trofeos e medallas dos campionatos dos recreos os deseñaron e imprimiron o alumnado do departamento de tecnoloxía.

Martes, 21 de xuño de 2022

O que facía a impresora 3D eran os trofeos e medallas dos Xogos Olímpicos dos recreos. A entrega farase o mércores 22!

Martes, 21 de xuño de 2022

As compañeiras de Educación plástica visual e audiovisual, Nerea e Uxía, fixeron este vídeo sobre hábitos de vida saudables. Fagámoslles caso e disfrutemos da vida.

Martes, 21 de xuño de 2022

Unha vez impresos en 3D os obxectos tivéronse que realizar traballos de acabado. Pero, que será o que se imprimiu?

Martes, 21 de xuño de 2022

Xa está listo o trofeo dos XX.OO. dos recreos para o grupo que máis participou e mellores resultados acadou.

Venres, 17 de xuño de 2022

Xa temos preparados os trofeos para os gañadores no campionato de axedrez que tivo lugar nos recreos deste último trimestre e que foi organizado polo departamento de portugués.

Mércores, 16 de xuño de 2022

Estes días temos instalada na sala multiusos do instituto a impresora 3D. É ben seguro que está traballando arreo, pero no todos sabemos que estará imprimindo. Que será?

Mércores, 16 de xuño de 2022

Están dispoñibles en conserxería dous xogos de tenis de mesa compostos por rede, dúas palas e unha bola. Podedes pedilos para xogar nos recreos. Ademais tamén temos discos voadores cos que podedes practicar as vosas habilidades.

Mércores, 16 de xuño de 2022

Debido á falta de tempo para rematar o torneo de bádminton, xa fixemos o reconto da participación e resultados nos torneos xa rematados do primeiro, segundo e terceiro trimestre. Co que xa temos gañador dos Xogos Olímpicos!. E a clase gañadora foi.... 1 ESO A!!!! Parabéns a todo o alumnado participante nos torneos e en especial ao grupo gañador que poderá disfrutar dunha xornada deportiva en kayak a semana que vén.

Mércores, 16 de xuño de 2022

Este traballo pretende remarcar a importancia da práctica do deporte e do desenvolvemento dunha vida saudable ao longo da nosa vida. Ao tempo que da relación mente/corpo: o pensamento, a vontade, os estados de ánimo poden influír cara a consecución das metas que nos marcamos na vida e/ou na superación das dificultades. Exemplificamos esta temática cos xogos paralímpicos mostrando casos de persoas que conseguen medrarse nas situacións máis adversas.

Sobre a historia das paralimpíadas

E algo máis que evidente que unha das funcións primordiais do deporte é o desenvolvemento da deportividade. O cumprimento das regras propias de cada deporte así como o respecto cara ao contrincante. Unha boa deportista é, ou debe ser, recoñecida por ter acadados os seus trofeos sempre dentro do ámbito da legalidade deportiva. E isto ocorre dende que se establece o deporte regrado no que os Xogos olímpicos da Antiga Grecia a partir do ano 776 a.C. foron un exemplo.

A historia dos Xogos Paralímpicos empezou en 1960 na cidade de Roma. Antonio Maglio, director do Centro de Lesionados Medulares ( INAIL) de Ostia, propuxo que os IX Xogos Internacionais de Stoke Mandeville (denominación oficial dos Xogos Paralímpicos de Roma) celebrásense aquel ano na capital italiana, coincidindo cos Xogos da XVII Olimpíada. Os Xogos comezaron seis días despois de que finalizasen os Xogos Olímpicos de Verán, e contaron co apoio da INAIL e das autoridades italianas, tal e como o demostra o feito de que fose a primeira dama, Carla Gronchi, a encargada de inaugurar ese acontecemento no Estadio Olímpico de Roma. Un dos momentos de maior resonancia daquelas “Olimpíadas para minusválidos” (o termo Xogos Paralímpicos non foi aprobado polo Comité Olímpico Internacional ata 1984) foi a audiencia privada que concedeu o Papa Xoán XXIII a todos os participantes. Nunha audiencia posterior, Xoán XXIII eloxiou o labor de sir Ludwig Guttmann e dedicoulle unha frase memorable, na que lle comparou co fundador dos Xogos Olímpicos da era moderna: “vostede é o Coubertin dos discapacitados”.

Os Xogos Paralímpicos de Roma foron os primeiros Xogos Internacionais para discapacitados que se desenvolvían nas mesmas instalacións e sedes que os Xogos Olímpicos, polo que o Comité Organizador tivo que efectuar varios acondicionamentos técnicos para a accesibilidade dos deportistas.

Consideramos que se motivou e sensibilizou ao alumnado cara a incorporación de hábitos de vida activa e consumo de actividade física e exercicio físico no seu día a día.

O traballo realizado polo alumnado valeu para fomentar, dende o centro, a adquisición de hábitos de vida activa e saudable. Un hábito recomendado para todos os membros da sociedade con independencia das súas cualidades físicas e/ou psíquicas de cada persoa. Ademais se considerou a importancia da relación mente/corpo no sentido de remarcar o papel da vontade cara a consecución das metas que nos gustaría acadar nas nosas vidas así como a superación das adversidades coas que toda persoa se pode atopar na vida.

Xoves, 2 de xuño de 2022

O equipo ganador do torneo de 1° e 2° de ESO (1 ESO A) e o ganador do resto de niveis (CMIT) xogaron un partido final a modo Súper copa. A pesar da diferenza de idade entre os dous equipos, o partido estivo moi igualado e rematou 21-18 para o Ciclo Medio de Instalacións de telecomunicaciones. Parabén!

Martes, 31 de maio de 2022

No 1º trimestre, desputamos nos recreos unha competición de brilé. O grupo vencedor resultou ser 2º ESO A, polo que os alumnos deste grupo, Érika Benade e Juan Gentil, pasaron pola radio do instituto,Radio Mocidade, para contar a súa experiencia. Xunto a Lara Álvarez e Martín Mosquera, compartiron impresións deste evento e opinaron sobre o deporte escolar. Na cabina de son, acompañounos o alumno Juan Manuel da Cuña, do Ciclo de Electrónica.

Se queredes descubrir máis, podedes picar no seguinte enlace e escoitar o programa:

https://radiomocidade.gal/brile-no-ies/

Martes, 31 de maio de 2022

Durante este mes os estudantes de 4ºESO A e B convertéronse en publicistas creando unha campaña en francés para promover a práctica do deporte. Fixeron un gran traballo!

Venres, 27 de maio de 2022

Chegaban á fase final de fútbol tenis por parellas Diego/Lucas (1ºB), Xoel/Edgar (1ºA), Pablo/Iván (1ºA) e Diego/Álvaro (1ºC). As semifinais colocaban a Diego/Lucas e a Xoel/Edgar na loita polo terceiro posto, resultando gañadores Diego e Lucas por 2 xogos a 1. A final deu a medalla de ouro a Pablo e Iván de 1ºA mentres que a de prata foi para Diego e Álvaro. Parabéns!

Venres, 27 de maio de 2022

Á final de fútbol tenis por parellas unicamente chegou o alumnado de CM de Telecomunicacións, enfrontándose Javier e Samuel contra Pedro e Santi. Resultaron gañadores Pedro e Santi por 2 xogos a 0.

Venres, 27 de maio de 2022

Aquí están as clasificacións finais. Para ampliar a información consultade a páxina web de Agrudebam no enlace https://www.agrudebam.es/horario-extraescolar/b%C3%A1dminton/

Venres, 27 de maio de 2022

Durante parte de abril e todo o mes de maio disputouse o campionato de bádminton organizado por Agrudebam. O noso centro enviou unha expedición de infantís e cadetes. Os clasificados tiveron que enfrontarse ao alumnado de Tui na xornada final do 25 de maio.

Xoves, 26 de maio de 2022

Dende hoxe (26 de maio) e ata final de curso, tódolos xoves e venres nos recreos e na pista de baloncesto, poderedes xogar ao bádminton. Se o desexas podes levar a túa propia raqueta!

Mércores, 27 de abril de 2022

Segunda semifinal entre Xoel/Edgar de 1°A e Diego/Álvaro de 1°C.

Sábado, 23 de abril de 2022

Cartelería realizada polo alumnado de Educación Plástica e Visual do IES Antón Alonso Ríos anunciando as actividades de Deporte Escolar que terán lugar os mércores a partir da próxima semana e que se levarán a cabo fora do horario escolar.

NOTA: Estes e outros carteis realizados polo alumnado de plástica os poderedes ver nos pasillos do centro.

Venres, 22 de abril de 2022

Hoxe comeza a fase final de fútbol tenis. En xogo a primera semifinal entre Diego/Lucas de 1°B e Pablo/Iván de 1°A.

Venres, 15 de abril de 2022

Á volta das vacacións de Semana Santa comenzará a competición de Bádminton organizada por Agrudebam. Esta competición constará de dúas xornadas clasificatorias e unha xornada final.

A categoría cadete xogará o mércores 27 de abril e o mércores 11 de maio. Mentres que a categoría infantil o fará os mércores 4 e 18 de maio. A final para todo o alumnado clasificado será o mércores 25 de maio.

O horario está aínda por determinar pero previsiblemente será de 16:30 a 19:30, a excepción da final que seguramente se alongue un pouquiño máis.

Para participar pide unha folla de inscrición en conxersería e entrégaa cuberta na caixa de Deporte Escolar que hai en conserxería antes do venres 22 de abril.

Venres, 8 de abril de 2022

Xa temos os resultados da xornada de atletismo en pista na que participou o alumnado de 1º e 2º da ESO o pasado día 25. Gran actuación do noso alumnado, parabéns a todos e a todas!.

Tendes os resultados completos na páxina de Agrudebam, a entidade organizadora do evento, https://www.agrudebam.es/horario-lectivo/atletismo/

Venres, 1 de abril de 2022

O alumnado de 1º de ESO C e D realizaron un análise do azucre que inxiren no seu almorzo a diario. O feito de ver en sobres azucre, a cantidade del que leva un zumo ou un iogur foi impactante para eles. Ao rematar, fixemos unha reflexión da actividade física que tiñan que facer para consumir o azucre que inxiren de máis a diario.

Venres, 1 de abril de 2022

O pasado venres 24 de marzo leváronse a cabo as probas de atletismo das que compartimos as siguientes imaxes.

Mércores, 2 de marzo de 2022

O pasado mércores 24 de novembro foi a quenda de 1º da ESO no Campionato de Campo a través por clases no CEP Pedro Caselles Beltrán. O noso alumnado tomouse moi en serio a competición e fixeron o quecemento todos xuntos. E parece que a cousa funcionou porque os tres equipos que levamos quedaron entre os catro primeiros clasificados. Unha mágoa que 1ºA finalmente non puidese acudir e esperamos que sí o fagan en próximas competicións. Parabéns a todos e a todas!

Mércores, 2 de marzo de 2022

O pasado venres 29 de outubro tivo lugar o Campionato de campo a través por clases para 2º da ESO no CEP Pedro Caselles Beltrán. O noso alumnado tiña que dar dúas voltas a un circuíto de 600 m. As saídas, por mor do covid, fixéronse separadas para cada grupo, marcando o tempo do grupo o alumno ou alumna que entraba no oitavo lugar. 2 ESO D consegui chegar ao podio. Tendes toda a información na web do organizador www.agrudebam.es. Aquí vos deixamos un vídeo e a foto dos resultados. Parabéns a todos e a todas!

Martes, 1 de marzo de 2022

O torneo de fútbol tenis por equipos introduce cambios na clasificación dos xogos olímpicos. As sancións impostas por non acudir a xogar nin arbitrar fixo que 1 ESO B caese á quinta posición. Colle o primeiro posto 2 ESO A e aparece nos primeiros clasificados 2 BAC B.

Martes, 1 de marzo de 2022

Unha vez rematado o torneo de brilé, e despois do reconto de puntos, esta é a clasificación dos Xogos Olímpicos, lembrade que o grupo gañador dos xogos (unicamente o alumnado participante) poderá disfrutar dunha saída xunto co grupo gañador da aula limpa. De momento 1 ESO B, a pesar de non gañar o torneo de brilé e grazas a xogar co mesmo número de rapaces que de rapazas, é o equipo que lidera a clasificación.

Martes, 1 de marzo de 2022

Aquí tendes os resultados do campionato de fútbol tenis por equipos. Finalmente foi un campionato con pouca emoción debido á gran cantidade de ausencias, tanto de árbitros como de equipos xogadores. Por ese motivo non haberá fase final e darase por gañador a CMIT2 no grupo de cursos altos e a 1 ESO A1 no grupo de cursos baixos. Parabéns a estes equipos tanto polo xogo como pola responsabilidade que demostraron acudindo a todos os partidos e a todas as arbitraxes.

Luns, 28 de febreiro de 2022

O vindeiro 8 de marzo comeza o torneo de fútbol tenis por parellas. Os martes xogará o grupo 1, os mércores o grupo 2 e os xoves e venres o grupo 3. Lembrade que se faltades dous días seguidos quedaredes eliminados do torneo. Consultade as normas específicas para este torneo. Podedes ver a qué grupo pertencedes no taboleiro de deporte escolar.

Luns, 21 de febreiro de 2022

A semana pasada, por mor da choiva, non se puideron disputar os partidos de fútbol tenis por equipos que estaban previstos. Todos os partidos que quedan da fase de grupos xogaranse esta semana. Aquí tendes o novo calendario.

Luns, 14 de febreiro de 2022

O noso centro tivo esta fin de semana unha representante no Campionato Provincial de Campo a través. Natalia foi a única que se atreveu a enfrontarse a rapazas de distintos clubes de atletismo. Parabéns Natalia, es todo un orgullo para o noso IES!

Luns, 7 de febreiro de 2022

Primeiras imaxes do torneo de fútbol tenis por equipos.

Luns, 31 de xaneiro de 2022

Calendario provisional para o segundo trimestre. Neste calendario unicamente se contempla o campionato de fútbol tenis por equipos, o torneo por parellas comenzará o 15 de febreiro e non está reflectido neste calendario.

Luns, 31 de xaneiro de 2022

Finalmente anotáronse un total de 15 equipos para o torneo de fútbol tenis por equipos, 9 deles pertencentes a 1º e 2 da ESO e o resto a cursos supeiores. Polo que haberá 3 grupos para 1º e 2º dos que se clasificarán os 3 primeiros e o mellor segundo para a fase final. E nos cursos superiores haberá 2 grupos dos que se clasificarán os dous primeiros de cada grupo. Lembramos a todos os equipos a obligatoriedade de arbitrar e que en caso de que noon arbitren algún dos partidos quedarán automáticamente eliminados da competición.

Os grupos quedarán da seguinte forma:

GRUPO 1: 1 ESO A2, 1 ESO D e 1 ESO C2

GRUPO 2: 2 ESO A, 1 ESO A1 e 2 ESO B

GRUPO 3: 1 ESO C1, 1 ESO B2 e 1 ESO B1

GRUPO 4: 1 CMFOR, CMIT1 e 1 BAC B

GRUPO 5: 3 ESO C, 2 BAC A e CMIT2

Martes, 25 de xaneiro de 2022

Convocouse o Campionato Provincial de Campo a través. A data límite para entregar a ficha de inscrición é o xoves 3 de febreiro ás 12h na caixa de Deporte Escolar que hai en conserxería. Adxunto a ficha de inscrición e a continuación un resumo do máis destacado da convocatoria:

NORMATIVA

Art. 1.- Data e lugar. Esta competición levarase a cabo o domingo 13 de febreiro na Azucareira de Portas (Caldas de Reis).

Art. 2.- Categorías. A proba está destinada ás seguintes categorías: benxamíns (2013 -2014), alevíns (2011-2012) infantís (2010-2009) e cadetes (2008-2007) nenos e nenas. As carreiras organizáranse por categoría e por sexo, facendo saídas cada 20” por quendas dun máximo de 20 participantes cada unha. Na categoría cadete haberá unha única saída para nenos e outra para nenas.

Luns, 24 de xaneiro de 2022

Interesante final a que xogaron 2 ESO A e 1 ESO B2, con varias baixas en ámbolos dous equipos, finalmente fíxose coa victoria 2 ESO A. No partido polo terceiro e cuarto posto certificou o terceiro posto no torneo o grupo de 2 ESO D. Parabéns a todos e a todas!

Luns, 24 de xaneiro de 2022

Luns, 17 de xaneiro de 2022

Este venres remata o prazo para anotarse a dous novos torneos que puntuarán para os Xogos Olímpicos. Serán fútbol tenis por parellas e fútbol tenis por equipos. Lembrade que tendes que entregar a folla de inscrición na caixa que pon Deporte Escolar que hai en Conserxería. Animádevos a participar!

Novembro 2021

Xa comenzaron os partidos de brilé deste primeiro torneo dos Xogos Olimpicos do curso 2021-2022. Como pode observarse nas imaxes había moitas ganas dun pouco de "normalidade"...

Outubro 2021

Xa está aquí o primeiro dos torneos dos recreos que puntúan para os xogos olímpicos. Durante o primeiro trimestre xogaremos a Brilé. Formade os euipos e entregade a folla de inscrición na caixa que pon Deporte escolar que hai en conserxería