DataLAB (Nafarroako Datuen Laborategia) Nafarroako Unibertsitate Publikoak (NUP) antolatutako eskola-lehiaketa bat da, Estatistika, Informatika eta Matematika Sailaren bidez, eta INAMAT², NAIR Center, Nastat, Nafarroako Gobernuko Lehendakaritza, Gobernu Ireki eta Parlamentuarekiko Harremanetarako Zuzendaritza Nagusiko Gobernu Irekiaren eta Herritarrentzako Arretaren Zerbitzuko Datu Irekien Atalarekin eta Nafarroako Gobernuko Hezkuntza Departamentuarekin elkarlanean. Lehiaketa DBHko, Batxilergoko eta LHko ikasleei zuzenduta dago, lau kideko taldetan.
Energiaren erronkan oinarritutako edizio honetan, parte-hartzaileek tresna digitalen bidez datuak aztertzen dituzte, ebidentzietan oinarritutako erabakiak hartzeko eta irtenbideak proposatzeko. Horrela, pentsamendu kritikoa, talde-lana eta bokazio zientifikoen (STEM) sustapena bultzatzen dituzte, emakumeek zientzian duten zereginari arreta berezia eskainiz, eta beren aurkikuntzak bost minutuko bideo dibulgatzaile baten bidez aurkezten dituzte.
Abenduaren 20ra arte: Taldeak izena emateko inprimakia bidaltzeko azken eguna.
Martxoaren 18a: Bideoa bidaltzeko azken eguna.
Apirilaren 16a: Azken Fase Presentziala eta Sarien Banaketa. Kategoria bakoitzean puntuazio onenak lortzen dituzten taldeak aukeratuko dira beren lanak epaimahaiaren aurrean aurrez aurre aurkezteko, amaiera-jardunaldian.