ɣef tnemtelt n waṭas n yisuturen, azemz n uceyyeɛ n yittekiyen ad yettwawexer ar 31 di tuber.

Ilmend n waṭṭan-a n Covid attekki yezmer ad yili s tansa n internet neɣ ad tasem s timmad-nwen.

Timlilit taɣelnawt tamaziɣt d tsenselkimt TC-COP'2021 d aneḍru aɣelnaw, yettwaktazlen sɣur imusnawen id yeswejden askasi d usqerdec n wawal ɣer wanda I tewweḍ tussna deg taɣult n tsenselkimt “ isallen ɣef tfukas d uzuzer n yigemmaḍ n yinadiyen yerzan akk timeẓra, deg yeswiren unnigen deg uḥric-a n unadi, d usenked d unerni n umhaz deg taɣult-a, d uskasi d usali n yiwellihen d tezwar ara yilin ar zdat.

TC-COP'2021 yegmen ad d-yessemlil imusnawen d yimnadiyen isdawanen

D yimazzagen n taɣult-a I ubeddel n tmusniwin d tirmitin-nsen akked d yigemmaḍ I ɣer ssawḍen deg yinadiyen-nsen, ladɣa wid yerzan aḥric-a n tmaziɣt d tsenselkimt.

Wid ara yettekkin ad as-fken udem I temlilit-a s tuzzna n yegzulen n taywalin-nsen d yimagraden-nsen d tferktin tiliktrunikin, rnu ɣer waya ad d-aznen igemmaḍ imaynuten n yinadiyen-nsen.

Igellusen d yisental n unadi ad ilin akka:

- Tasleḍt tawurnant n tutlayin.

-Aselmed n tmusniwin s tutlayt n tmaziɣt

-Ttawil d wallalen n useḥbiber ɣef tgemmi d tutlayt n tmaziɣt s ttawil n TICs.

-Timeskiwt n wammuden yettwajerden I tutlayt n tmaziɣt.

-Aɛqal awurnan n wawalen d yiḍriwsen n tmaziɣt.

-Tigzi tamagnut d uɛqal n tutlayin.

-TIKS ilmendad n uselmed.

Wid ara itekkin, ad d-aznen tiywali-nsen ilmend n tfada-a:

- Azemz aneggaru n utekki: 31 tuber 2021.

-Azemz n uwekked n utekki: 20 number 2021.

- Ajerred n tazwara: 26 number 2021.

--Azemz n temlilit: 06-07 Dujember 2021.

Imtekkiyen yewwi-d ad d-aznen tiywalin-nsen d tikemmaliyin, gar-asen igemmaḍ n unadi, tifelwiyin d teɣbula.

Tiywalin akken ma llant ad ttwaktazlent ilmend n twuri n usentel, d wayen i ɣef id wwint d yigemmaḍ uɣur id ffɣent ilmend n usentel n temlilit.