Protexo o meu planeta! Protéxome eu!

Proxecto no que se traballará os hábitos saudables con nós mesmos, e co noso planeta.

Obxectivo do proxecto

Este proxecto ten como obxectivo a protección do noso planeta, como xeito de protexernos a nós mesmos, fomentar hábitos saudables que nos axuden a crear un planeta sostible.

Planificación do proxecto

Primeiro trimestre

Comezarase a primeira fase do PDI coa proposta Protéxome eu!, partindo do máis próximo a nós, nós memos. Centrarase esta primeira fase no coñecemento do corpo humano: osos, músculos, funcións, hábitos saudables, alimentación, exercicio, benestar físico e emocional, o ben común…

E. Infantil e 1º Ciclo

Partes do corpo humano, exercicio, movemento…

2º Ciclo

Funcións do corpo humano, alimentación, bos hábitos…

3º Ciclo

As emocións, as sensacións, a colaboración, o respecto, o ben común…

Segundo trimestre

Segunda fase do PDI, na que se traballará “Protexo o meu planeta!”; esta fase centrarase en coñecer como é o noso planeta e como nós podemos contribuír a protexelo; así como o impacto que causan as nosas accións sobre o mesmo.

E. Infantil e 1º Ciclo

A terra: Os montes, os campos, os cultivos sostibles, deforestación, a importancia das especies animais e vexetais…

2º Ciclo

O aire: Importancia da vexetación na calidade do aire, a contaminación por diversas causas, a enerxía eólica…

3º Ciclo

A auga: As fontes, os ríos, os mares, os océanos, a vida mariña, a actividade económica arredor do mar, a contaminación das augas, a enerxía hidráulica…

Terceiro trimestre

A terceira fase do PDI que será de exposicións (orais, muráis, dixitais…) do traballado a toda a comunidade escolar, invitación ás familias.Recompilarase os traballos en diversos formatos: Libro tradicional (como producións propias), Book Creator, Genially, Sway, Canva, vídeo…

Como remate final do proxecto e producto final relevante organizarase unha “Marcha saudable” de concienciación polas rúas de Marín; na que cada clase elixirá un lema alusivo o PDI, na que se reflicta unha mensaxe motivadora para coidar o noso planeta, e portará unha pancarta co mesmo.