ce-ha.de

Carl-Heinz Dirks (* 1948 in Emden) is en plattdüütske Schriever.

Dirks is 1948 in Emden geboren un hett dat Abitur an 't Johannes-Althusius-Gymnasium Emden maakt. He hett toeerst an de Universität Hambörg Düüts, Nederdüüts un Geschicht studeert. Na dat Studium is he Mester an ’t Gymnasium worden, eerst in Hambörg, denn in Emden an sien olle School, de intüsken Johannes-Althusius-Gymnasium heet. To dat Emder Stadtjubiläum (400 Jahr Emder Revolution) hett he en Interview föhrt mit Althusius. Steiht ok up disse Sieden. BOLD!

Daar hett he denn blangenbi an de Universitäten Ollenborg un Grönnen noch Nederlands studeert.

He weer 22 Jahr lang Schoolmeester an’t Johannes-Althusius-Gymnasium Emden. 2003 is he an dat Domgymnasium Veern wesselt un to’n 31. Juli 2012 denn in Rohstand gahn, mit sien Rohstand gung he denn torügg na Emden.

Siet 1992 gaff he tohoop mit Hans-Hermann Briese un Johannes Diekhoff (de 2013 overleden is) dat plattdüütse Bladd Diesel rut. Man dat is nu vörbi. De beid Rutgevers hören mit de Nr. 106 up. Nafolgers hebben se neet funnen. Spietelk.

He weer lange Jahren in d’ Vörstand van d’ Vereen Oostfreeske Taal, weer siet 2003 bit 2015 Vörsitter von de Bämsen-Dagfahrt un is siet 2008 Baas van d’ Schrieverkring Weser-Eems. Siet Määrt 2012 is he in ’n Vörstand van d’ Arbeidskring Oostfreeske Schrieverslüü.

2004 hett he för dat Rutgeven van de Diesel de Keerlke-Pries kregen un ok dat Totius-Frisiae-Segel van de Oostfreeske Landskupp. För sien Wark op dat Rebett van Plattdüütsch kreeg he 2013 dat Nedersassiske Verdennstkrüüz an 't Band.

2015 hett he de Borsla-Pries kregen för sien Text "Pilgerpad".

Wall teihnmaal hett he mitmaakt bi NDR1 -Vertell-doch-mal, un fievmaal is he daarbi ok in dat Book mit de besten 25 Geschichten komen, man nooit neet unner de besten fiev.

Warken