Este podcast foi elaborado polo alumnado de 4º PDC arredor do fenómeno Therian, entendido como punto de partida para reflexionar sobre o respecto á diversidade, ás distintas identidades e ás diferentes maneiras de sentir e entender o mundo.

Parabéns a Madeleine, Kevin, Paola, Carlos e Aron. 

No Día Internacional da Muller e da Nena na Ciencia, Paula e Rocío, alumnas de Oratoria que forman parte do Equipo de Correspondentes, deron voz a catro profesoras de distintas xeracións nun podcast sobre as súas experiencias nas áreas de Matemáticas, Bioloxía e Física e Química.

No Día de Rosalía, Paula e Rocío -alumnas de Oratoria que forman parte do Equipo de Correspondentes- puxéronse ante os micros de "Non calamos. Radio Castro" para ler o manifesto da AELG escrito por Eva Veiga. Animámosvos a escoitar porque, como Rosalía, nós tampouco nos resignamos. "Con ela queremos loitar contra o patriarcado, contra a trata de seres humanos, contra o autoritarismo, contra todas as inxustizas e a prol dunha humanidade responsable que coida da infancia e da educación humanista, aberta ao outro, ao diferente, capaz de mostrar empatía e colaboración". 

Este Samaín converteuse nunha celebración da diversidade cultural na Biblioteca do Castro Alobre. O equipo de Correspondentes gravou un podcast no que alumnado de 1 e 2º da ESO compartiu as lendas e tradicións das súas familias, procedentes de lugares tan distintos como Galicia, Arxentina, Venezuela, Uruguai, Bulgaria, Hungría ou da comunidade xitana.

As historias foron traducidas grazas ao traballo colaborativo dos compañeiros e das compañeiras que tamén participan na lectura, creando un espazo común onde todas as culturas se encontran.

Equipo correspondentes: Daniela, Gilmar, Atenea, Antía, Sofía, Alba, Karla e Sabela.

Contadores/as: Sabela D., Mateo, Maguette, Sabela C., Isabella, Aron Ak, Samira, Ander, Lisandro, Freddy, Miguel, Álvaro, Iván, Anthony, Romeo, Alejandro, Brais e Sabela.