Творчыя заданні да тэмы 5.4. Станіслаў Шушкевіч

1. Падрыхтуйце электронныя прэзентацыі зборнікаў паэта “Звярыны баль”, “Лясная калыханка”, “Сарочы церамок”, “Мы на змену ідзём”, “Будзільнік”, “Вясёлыя дзятлікі”, “Колькі кіпцікаў у кошкі”, “Дванаццаць пасланцоў”, “Барадаты камар”, “Красавік”, “Лica з магнітафонам”, “Казачны церам”, “Едзе страшная Яга”, “Казёл на верталёце”, “Непаседлівыя вавёркі” па наступным алгарытме:

1) назва зборніка, дата першага выдання

2) фота вокладкі і паасобных старонак

3) змест зборніка

4) жанравыя групы твораў

5) тэматычныя групы твораў

6) прыклады найбольш паказальных тэкстаў.

2. Арганізуйце адкрытае спаборніцтва інсцэніровак найбольш прыдатных для гэтай мэты вершаў С. Шушкевіча, напрыклад, “Лясная вечарынка”, “Колькі кіпцікаў у кошкі”, “Дванаццаць пасланцоў”, “Грыбнікі”, “Гыля, гыля, гусачкі”, “Не былі мы ў Афрыцы” і інш., вынікі якога могуць быць зняты на відэа і размешчаны на сайце каледжа для адкрытага галасавання.

3. Прыдумайце разнапланавыя гульні на аснове некаторых вершаў С. Шушкевіча, напрыклад, інтэлектуальныя гульні на веданне грыбоў (верш “Грыбнікі”), месяцаў года (“Дванаццаць пасланцоў”) і інш.

4. Зрабіце ў сшытку тэзісны канспект артыкула: Жыбуль, В. Ю. Станіслаў Шушкевіч і руская дзіцячая паэзія / В. Ю. Жыбуль // Роднае слова. - 2008. - № 2. - С. 17-20.

5. Складзіце план паведамлення на тэму “Фальклорная аснова і выхаваўчае значэнне дзіцячых твораў С. Шушкевіча”.

6. Вывучыце верш-казку на памяць “Колькі кіпцікаў у кошкі”

7. Выканайце тэставае заданне, у якім на адно пытанне даюцца чатыры варыянты адказаў, і неабходна выбраць адзін – правільны адказ: