Візітоўка

Радзюк Арына Валер'еўна,

настаўнік пачатковых класаў ДУА "Сярэдняя школа №8 г. Гродна", студэнтка 4 курса педагагічнага фаультэта УА "Гродзенскі дзяржаўны ўніверсітэт імя Янкі Купалы", arinaradyuk2@gmail.com

Аўтар веб-квеста

Вітаю Вас, паважаныя ўдзельнікі вэб-квэста!

Мяне завуць Арына Валер'еўна.

Я ўпершыню стварыла адукацыйны вэб-квэст пад назвай "Барбоскіны ў пошуках новых слоў".

Буду спадзявацца, што вам спадабаецца выконваць заданні вэб-квэста!

А самае галоўнае, што вы ў цікавай і займальнай форме зможаце засвоіць матэрыял па тэме "Значэнне слова".

Поспехаў!

Захапляльнага падарожжа па старонках вэб-квэста з Барбоскінымі!

Мэта і задачы веб-квеста

Мэта — абагульненне і сістэматызацыя ведаў вучняў па тэме «Значэнне слова».

Задачы:

1. Адукацыйная: замацаваць атрыманыя веды пра слова і яго значэнні;

2. Выхаваўчая: садзейнічаць выхаванню ўвагі і самастойнасці;

3. Развівальная: узбагачаць слоўнік вучняў.

Прадметная галіна і міжпрадметныя сувязі

1. Прадметная галіна: беларуская мова

2. Міжпрадметныя сувязі: руская мова

3. Пытанні вучэбнай тэмы:

Значэнне слова.
Адназначныя і мнагазначныя словы.
Прамое і переноснае значенне слова.
Сінонімы.
Антонімы.
Словы, аднолькавыя па звучанні, розныя па значэнні.

Узрост ўдзельнікаў

Вучні 3 класа (8-9 гадоў)

Інтэрактыўная гісторыя

У далёкай мульцяшнай краіне жыве добрая і вясёлая сям'я Барбоскіных.

Дзеці таксама як і вы ходзяць у школу і вучацца. Выконваюць практыкаванні і рашаюць задачы. У іх нават падручнікі такія ж як у вас. На жаль, не ўсё ў іх атрымліваецца, значэнне не ўсіх слоў яны ведаюць, а калі трэба падабраць сінонімы ці антонімы, або калі зададуць падабраць фразеалагізмы, то яны дамоў сумныя прыходзяць. Мама з татам, канечне, дапамагаюць ім, таксама як і вам, але Барбоскіны вырашылі самі пра ўсё даведацца і матэрыял цвёрда засвоіць. Але без вашай дапамогі ім не справіцца! Давайце дапаможам Барбоскіным! Ну, і самі матэрыял паўторым!

Калі згодныя, то наперад!

Этапы веб-квеста

1. Малыш у пошуках слоўнікавых слоў. Заданне на веданне лексічнага значэння слоў.

2. Малыш у пошуках слоў. Заданне на ўменне адрозніваць словы і значэнне слоў.

3. Крыжаванка ад Лізы Заданне на ўменне адрозніваць адназначныя словы.

4. Дапамажы Дружку. Заданне на ўменне знаходзіць мнагазначныя словы.

5. Памочнікі для Розы. Заданне адрозненне прамога і пераноснага значэння слова.

6. Гульня з Татам. Заданне на падбор сінонімаў.

7. Мама і словы. Заданне на знаходжанне антонімаў да прапанаваных слоў.

8. Пытанні ад дзеда. Заданне на знаходжанне ў тэксце слоў аднолькавых па гучанні, розных по значэнні.

9. Класіфікацыя разам з Цімам. Заданне на ўменне вызначаць фразеалагізмы.

10. Заданне разам з Барбоскінымі. Заданні тэме "Значэнне слова".

Матэрыялы, неабходныя для правядзення вэб-квэста

1. Абсталяванне:

Планшэт, ноутбук або камп’ютар.

2. Праграмнае забеспячэнне:

Аперацыйная сістэма Windows 10, праграмы для: кіравання файламі, апрацоўкі тэкстаў, стварэння прэзентацый; кліенцкія праграмы электроннай пошты (e-mail); магчымасць выхаду ў Інтэрнет.

3. Матэрыялы на друкаванай аснове:

Падручнік па вучэбным прадмеце "Беларуская мова. 6 клас" і дапаможнікі, якія ўтрымліваюць неабходны матэрыял (тэарэтычны і практычны) па тэме «Род і лік назоўніка».

4. Іншыя прыналежнасці, калі неабходна:

Неабходнасць у іншых прыналежнасцях можа ўзнікнуць у працэсе праходжання вэб-квэста. На дадзеным этапе мы не можам гэтага прадугледзець.

5. Інфармацыйныя крыніцы ў Інтэрнэце:

Паколькі мы толькі распрацоўваем вэб-квэст, то плануем, што спасылкі на інфармацыйныя крыніцы, будуць з'яўляцца падчас напісання праекта.

6. Web-сэрвісы:

learningapps.org