දායක පිංවතුන්ගේ වැඩි අවදානය පිණිස යි.
අනාදිමත් කාලයක සිට බබුරුගම පුරාණ විහාරස්ථානයේ ගෞරවණීය මහා සංඝරත්නයේ නිති පූජා බහුමානයට පාත‍්‍ර වූ නිරුපද්‍රිතව වැඩසිටින නිර්මල ශ්රී සර්වඥ ධාතූන් වහනසේලා උදෙසා සිදු කරන මෙම වතාවත් සහ පූජාවන් සිදු කිරීමේ භාග්‍යලත් ඔබද ඉතා ගෞරවයෙන් සහ ශ‍්‍රද්ධාවෙන් ජීවමාන බුදු රජාණන් වහන්සේට ම සිදු කරන වතාවත් සහ පූජාවන්සේ ම සළකා සිදු කිරීමට ඔබට දැඩි අධිෂ්ඨානයක් සහ ස්වයං පාරිශුද්ධභාවයක් තිබිය යුතු අතර නියමිත වේලාවට සහ නියමිත වතාවත් පිළිවෙත අනුගමණය කිරීම අනිවාර්ය වේ. වගකීම් සහිත බවකින් වතාවත් සහ පූජාවන් සිදු කළ යුතුමය.
දිනපතා සම්බුද්ධ පූජාව සහ වතාවත් සිදු කරන ආකාරය.
වතාවත් සිදු කිරීම සඳහා වර්ෂිකව එක් දායකත්වයක් ලබා ගත හැකි වන අතර වර්ෂයේ දින 365 ට එක් දායකත්වය ලබා දෙනු ලැබේ.
ඔබේ ජීවිතයේ අනුස්මණීය දිනයක් ඔබේ අභිමතය පරිදි වෙන් කර ගත හැකිය.
දිනය වෙන් කර ගැනීමට විහාරාධිපති හිමියන්ගෙන් හෝ තේවාවභාර උපාසකතැනකගෙන් විමසිය හැකියි. දිනපතා සම්බුද්ධ පූජාව සහ වතාවත් සඳහා දායකත්වය ලබා ඇති අයගේ නාම ලේඛනය මෙහි සඳහන් වේ.
විහාරස්ථ දායක පිංවතුන්ට මෙන්ම විහාරස්ථානයට සම්බන්ධ අනෙක් පිංවතුන්ට ද මෙම දිනපතා සම්බුද්ධ පූජාව සහ වතාවත් වලට දායකත්වය ලබා ගැනීමට හැකයාව ඇත.
නිතිපතා සිදු කෙරෙන මෙම පූජාව සහ වත්පිළිවෙත් සඳහා බබුරුගම පුරාණ විහාරස්ථානයේ සියලූ දායක පිංවතුන් හැකි සෑම අවස්ථාවකදී ම සම්බන්ධ වන්න.
විහාරස්ථානයේ දායකත්වය නොලැබූ පිංවතුන් මෙම පිංකම් සඳහා දායකත්වය ලබා ගන්නේ නම් විහාරස්ථ දායක පිංවතුන්ගේ සහයෝගය ලබා ගන්න.
හිමිදිරි උදෑසන ආහාර පූජාව සහ වතාවත් සඳහා දායකත්වය ලබා ගන්නා පිංවතුන් පූජාව පවත්වන නියමිත වේලාවට විනාඩි 30 කට (පෙ.ව. 04.15 ට) පෙර විහාරස්ථානයට පැමිණිය යුතුයි.
සවස ගිලන්පස පූජාව සඳහා දායකත්වය ලබා ගන්නා පිංවතුන් සවස 05.45 ට පෙර විහාරස්ථානයට පැමිණිය යුතුයි.