දිනපතා දැහැටි සම්බුද්ධ පූජාව
දිනපතා හිමිදිරි උදෑසන කිරි ආහාර සම්බුද්ධ පූජාව පැවැත්වීමට සහ සවස ගිලන්පස පූජාවට පෙර සර්වඥ සම්බුද්ධ රාජ ධාතු මන්දිරය විවෘත කිරීමෙන් අනතුරුව දැහැටි පූජාව සිදු කරනු ලැබේ. සවස 6.45 ට දැහැටි පූජාව බුදු රජාණන් වහන්සේට මුව දෝවනයට පූජාව තැම්පත් කළ යුතුයි.
පූජාව සිදු කරන ආකාරය :
සර්වඥ සම්බුද්ධ රාජ ධාතු මන්දිරය විවෘත කිරීමෙන් පසු විහාරස්ථ මහා සංඝරත්නය විසින් ඇතුළු මන්දිරය ඇමදීම සිදු කරනු ලැබේ.
කැපකරු උපාසකතැනගෙන් දැහැටි පූජාව අවශ්‍ය භාජන ලබා ගෙන පිරිසිදු කිරීම. පැන් භාජන, පාත‍්‍රා සහ පඩික්කම් ආදීය පිරිසිදු කොට තෙත සිදෙන අයුරින් පිසදමා තබා ගත යුතුයි.
ඉන් පසු මුව දෝවනය සඳහා දැහැටි පිරිකර ද, උණු කර නිවාගත් මද රස්නයෙන් පැන් ද පැන් කෙන්ඩියට ගෙන ඇතුළු මන්දිරයට වැඩමවා, මුව දෝවනය සඳහා භාජන වලට දමා තැම්පත් කර ඇතුළු මන්දිරයෙන් මද වේලාවකට ඉවත් වීම.
දැහැටි පිරිකර සඳහා පහත දෑ දායක පිරිස විසින් සපයා ගත යුතු වේ.
දැහැටි දඩු,
දැහැටි (දන්තාලේප හෝ සකසාගත් ඖෂධීය දන්තාලේපයක්),
මුව ගල්වන ආලේපන (සබන් හෝ සකසා ගත් ඖෂධීය ආලේපණයක්),
මුව පිස්නාව
ඉන් අනතුරුව විනාඩි 10 කට පසු දැහැටි පූජාව ඉවත් කරනු ලැබේ.