Usap-usapan

may narinig akong usapan sa paligid

sabi sa'kin, "balita ko may iba na siya"

hindi ko muna ito pinansin

dahil ang naisip ko, baka ito'y isang biruan

noong una'y inisip ko kung saang lupalop ng mundo

at kahit sa silid ay ito'y napag-uusapan

ngunit hindi ko maatim na magsawalang-kibo

at ako na mismo ang sumugod sa'king kuryosidad

nagtanong ako kung kailan, saan

at nang malaman kung totoo o hindi

pinagtagpi-tagpi ko ang mga nagdaan

subalit noong una, hindi ko na maiwasan na magdalawang-isip

hanggang sa lumipas ang isang biyernes

at ako'y gumagawa ng piyesa sa kwaderno

naulinigan ko ang chismis noong lunes

teka, pamilyar na naman ba sa'kin 'to?

maya-maya, kinausap ako ng kaibigan ko

at kinamusta kung kaya ko pa ba

pero hindi ko muna pinakita ang mumunting pagsamo

ng init sa mata at ang pusong pilit na huwag lumuha

sabi ko sa kanya, "kung ano man iyon, e di tatanggapin na lang"

ngunit may kinuwento siya na nagpatusok sa'king sistema

"masasaktan siya kapag ginawa mo iyan"

pero huli na pala...