Arboreto recebe exemplar de cipreste xigante
(18 de xaneiro de 2025)
Todos admiramos árbores de grande porte, mais, ao pensarmos en árbores xigantes, é inevitábel que nos veñam á mente as maxestosas coníferas do Pacífico Norte-americano. Quen nunca viu imaxes impresionantes das enormes secuoias, con centenas de anos, que nos fan sentir pequenos como formigas ao seu lado? Sequoias-vermellas, sequoias-xigantes e piñeiros-do-Oregon, todos orixinários da América do Norte, xunto aos eucaliptos-regnans da Australia, compoñen unha selección fascinante de campeóns do xigantismo.
O maior de todos é un exemplar de Eucalyptus regnans que supostamente atinxe incríbeis 132 metros de altura. Logo a seguir, e tal vez o máis coñecido, encontrase o imponente 'Xeneral Sherman', unha sequoia-xigante que, con 115 metros, é a conífera de maior volume no planeta.
No entanto, desde o verao de 2023, o clube das árbores xigantes gañou novos membros. Trátase de dous formidábeis exemplares de Cupressus austrotibetica, descobertos recentemente no sul da Ásia. O primeiro cipreste mede impresionantes 99,5 metros, encanto o segundo chega a incríbeis 102,3 metros, prometendo tornarse un sério concorrente na disputa polo trono do xigantismo. Independentemente do título, esta descoberta revela o maior representante do Vello Mundo no universo das árbores xigantes!
