Estimadas familias,

Convidámosvos a participar na charla “Mediación parental coas tecnoloxías dixitais. O papel das familias para o uso responsable das tecnoloxías nos fogares”, unha actividade pensada para reflexionar e compartir estratexias sobre o acompañamento das nosas fillas e fillos no uso das pantallas e ferramentas dixitais.

 Data: mércores, 26 de novembro de 2025
Hora: 18:30 h
Lugar: CSC das Fontiñas (Rúa Berlín, Santiago de Compostela)
‍ Poñente: Carmen Fernández Morante do Instituto de Ciencias da Educación - USC Grupo de Tecnoloxía Educativa da Universidade de Santiago de Compostela (tecnoeduca.es)

A actividade é de balde, pero requírese inscrición previa a través dos correos:

 anpafontela@gmail.com
anpamontedospostes@gmail.com

 Obxectivos da actividade

• Tomar consciencia dos hábitos de uso e dos riscos aos que se expoñen os menores na internet e nas redes sociais.

• Concienciar as familias da importancia da mediación parental e da alfabetización dixital do alumnado para axudar aos menores no uso seguro e responsable das tecnoloxías.

• Ofrecer pautas básicas e ferramentas para o acompañamento e supervisión no uso das tecnoloxías polos menores desde o ámbito familiar.

 Contidos

1. Hábitos de uso e seguridade dos menores na Internet.

2. Principais factores de exposición e risco dos menores na Internet.

3. A mediación parental coas tecnoloxías e a alfabetización dixital: intervencións urxentes desde o fogar e a escola.

4. Pautas básicas e ferramentas para axudar aos menores no uso responsable da internet e das tecnoloxías.

Esta charla está subvencionada pola FANPA e organizada conxuntamente pola ANPA Fontela (CEIP das Fontiñas) e a ANPA Monte dos Postes, coa colaboración do Concello de Santiago e da Federación Galega de ANPAS Compostela.

Agardamos contar coa vosa presenza nesta interesante actividade formativa!

Achegamos cartel informativo. 

Un saúdo,

ANPA Fontela (CEIP das Fontiñas) e ANPA Monte dos Postes

ASEMBLEA 

Convocatoria para a primeira asemblea do curso 2025/26, o próximo luns 15 de setembro as 18:30 horas en primeira convocatoria e as 19 en segunda,  na aula magna do instituto, coa seguinte orde do día:

1. Lectura e aprobación, se procede, da acta anterior.

2. Renovación da Xunta Directiva da Anpa

3. Estado de contas e orzamento para o curso 25/26

4. Atención a diversidade.

5. Proposta de actividades extraescolares para o curso  25/26

6. Xestión, adxudicación e mantemento das taquillas.

7. Informes da Xunta Directiva 

8. Rogos e preguntas

Apertas.