Key Activity Areas:

1. മാസയോഗങ്ങളും ആത്മീയ സദസ്സുകളും
   
   

   • പ്രതിമാസം ബഹുമാനപ്പെട്ട ഉസ്താദിന്റെ സവിധത്തിൽ ഞങ്ങൾ ഒത്തുചേരുന്നു. ഈ യോഗങ്ങളിൽ ദർസിന്റെ കാര്യങ്ങൾ ചർച്ച ചെയ്യുകയും പരസ്പരം ബന്ധങ്ങൾ ഊട്ടിയുറപ്പിക്കുകയും ചെയ്യുന്നു.

   • ആത്മീയ ചർച്ചകൾക്കും, ഉസ്താദിൽ നിന്ന് നേരിട്ടുള്ള നിർദ്ദേശങ്ങളും മറ്റും സ്വീകരിക്കുന്നതിനും ഈ സദസ്സുകൾ അവസരം നൽകുന്നു. സംശയങ്ങൾ ദൂരീകരിക്കാനും പുതിയ കാര്യങ്ങൾ പഠിക്കാനും സമകാലിക വിഷയങ്ങളെക്കുറിച്ചുള്ള മസ്അലകളും മറ്റും ചർച്ച ചെയ്യാനും ഈ കൂട്ടായ്മ ഉപകരിക്കുന്നു.

   • ജലാലിയ്യ റാത്തീബ് പോലുള്ള ആത്മീയ സദസ്സുകളിലും ഞങ്ങൾ ഒരുമിക്കുന്നു. 

2. പരസ്പര സഹായം
   
   

   • ആവശ്യക്കാരായ അംഗങ്ങൾക്ക് സാമ്പത്തിക സഹായങ്ങൾ ഉൾപ്പെടെയുള്ള പിന്തുണ ഞങ്ങൾ നൽകുന്നു.

   • ഓരോരുത്തരുടെയും ജോലിപരവും ആത്മീയവുമായ അവസ്ഥകൾ ചർച്ച ചെയ്യുകയും പരസ്പരം സഹായങ്ങൾ നൽകുകയും ചെയ്യുന്നു.

3. ദർസിന്റെ സന്ദേശ പ്രചരണം
   
   

   • സമൂഹത്തിൽ ദർസിന്റെ മഹത്തായ സന്ദേശങ്ങൾ പ്രചരിപ്പിക്കുന്നതിനായി ഞങ്ങൾ വിവിധ പരിപാടികൾ സംഘടിപ്പിക്കുന്നു.

4. മീഡിയ വിംഗിന്റെ പ്രവർത്തനം

   • ഞങ്ങളുടെ മീഡിയ വിംഗ് സമൂഹ മാധ്യമങ്ങളിൽ ദർസിന്റെയും OSF-ന്റെയും പേജുകളും വെബ്സൈറ്റുകളും നിർമ്മിക്കുകയും പരിപാലിക്കുകയും ചെയ്യുന്നു.

   • പുതിയ ശാഖാ ദർസുകളിലെ വിദ്യാർത്ഥികൾക്ക് ഐ.ടി.യും ആർട്ടിഫിഷ്യൽ ഇൻ്റലിജൻസ് ക്ലാസുകളും സംഘടിപ്പിക്കുന്നു.

   • അംഗങ്ങൾക്ക് ആവശ്യമായ മീഡിയ, ഐ.ടി. പിന്തുണ നൽകുന്നു.

5. ദർസിന്റെ 25-ാം വാർഷിക ആഘോഷം
   
   

   • നിലവിൽ ഞങ്ങൾ ദർസിന്റെ 25-ാം വാർഷികാഘോഷത്തിനുള്ള ഒരുക്കങ്ങളിലാണ്. ഈ മഹത്തായ നിമിഷം വിജയകരമാക്കാൻ OSF പൂർണ്ണ പിന്തുണ നൽകുന്നു.