Við óskum eftir foreldrum eða öðrum hér í samfélaginu okkar sem er tilbúið að þjálfa, hvort sem það er að vera með stök námskeið í styttri tíma eða koma inn og þjálfa ákveðnar greinar. Einnig er gott að fá einhverja sem eru til í að sinna forföllum. Endilega hafið samband við okkur í stjórn ef þið hafið áhuga á að bjóða fram krafta ykkar í eitthvað slíkt.

Sendið póst á aframhordur@gmail.com

Í vetur höfum við ráðið til okkar tvo þjálfara, Ásgeir Sveinson mun sjá um að þjálfa fótbolta yngri flokka, 1.-4. bekk, eins og í fyrra. Hann mun einnig vera með þrekæfingar á föstudögum sem er góður grunnur fyrir allar íþróttagreinar eða sem hreyfingu fyrir þá sem ekki finna sig í hópíþróttum. 

Einnig höfum við fengið til liðs við okkur nýjan þjálfara í körfubolta, Reinis Ščerbinskis, en hann verður með körfuboltaæfingar fyrir börn í 1.-10. bekk. Hann kemur frá Lettlandi og er einnig íþróttakennari í Patreksskóla.

Silfurleikar ÍR fara fram laugardaginn 19. nóvember. Silfurleikarnir eru fyrir 17 ára og yngri. 

10 ára og yngri keppa í fjölþraut barna en þeir eldri í hefðbundnum frjálsíþróttagreinum.

Skráning fer fram á www.netskraning.is/ 

Hvetjum ykkur til að skrá börnin ykkar, þjálfari verður á staðnum. Nánari upplýsingar um mótið hér.