Oxetivos/Obxetivos

Oxetivos de l'asociación:

• Promover la reconocencia de la especialidá docente del profesoráu d'asturianu y eonaviego/gallego-asturiano y la so equiparación col restu de les especialidaes.

• Apoyar y representar al profesoráu d'asturianu y eonaviego/gallego-asturiano na defensa del colectivu.

• Promover la formación continua del profesoráu p’ameyorar la calidá educativa del alumnáu.

• Collaborar con instituciones educatives, culturales y gubernamentales pa promover polítiques llingüístiques favorables al asturianu y eonaviego/gallego-asturiano y asegurar la so presencia y desarrollu nel sistema educativu.

• Organizar cursos, talleres, conferencies y otros eventos educativos y culturales que contribuyan a la formación del profesoráu y a la sensibilización de la comunidá educativa y la sociedá sobre la importancia de les llingües d'Asturies y la so presencia nel ámbitu educativu.

• Fomentar la creación d'una rede de comunicación y collaboración ente'l profesoráu d'asturianu y eonaviego/gallego-asturiano, asina como con otres organizaciones y docentes d'otres especialidaes.

• Visibilizar la importancia del trabayu del profesoráu d'asturianu y eonaviego/gallego-asturiano asina como l'impactu negativu na calidá educativa que xenera la situación llaboral actual.

Oxetivos da asociación:

• Promover a reconocencia da especialidá docente del profesorao d'asturiano y eonaviego/gallego-asturiano y a súa equiparación col resto das especialidades.

• Apoyar y representar al profesorao d'asturiano y eonaviego/gallego-asturiano na defensa del colectivo.

• Promover a formación continua del profesorao p’ameyorar a calidá educativa del alumnao.

• Colaborar con institucióis educativas, culturales y gubernamentales pa promover políticas llingüísticas favorables al asturiano y eonaviego/gallego-asturiano y asegurar a súa presencia y desenrollo nel sistema educativo.

• Organizar cursos, talleres, conferencias y outros eventos educativos y culturales que contribuyan á formación del profesorao y á sensibilización da comunidá educativa y a sociedá sobre a importancia das llinguas d'Asturias y a súa presencia nel ámbito educativo.

• Fomentar a creación d'úa rede de comunicación y colaboración ente'l profesorao d'asturiano y eonaviego/gallego-asturiano, asi como con outras organizacióis y docentes d'outras especialidades.

• Visibilizar a importancia del trabayo del profesorao d'asturiano y eonaviego/gallego-asturiano asi como l'impacto negativo na calidá educativa que xenera a situación llaboral actual.