Noticies/Noticias

Güei tuvimos apoyando a les estudiantes del máster de formación del profesoráu na denuncia que ficieron pola discriminación llingüística que tán sufriendo. 

Güei aconceyamos con David Artime, (director xeneral d’inclusión educativa y ordenación) y Xuan Santori (Asesor técnicu docente) pa tresllada-yos delles necesidaes y propuestes del profesoráu d’asturianu y eonaviego/gallego-asturiano que consideramos importantes. 

Güei aconceyamos con Antón García (Director xeneral de Política Llingüística) pa presenta-y delles necesidaes y propuestes del profesoráu que consideramos importantes pa meyorar el nuestru llabor. 

Güei aconceyamos col director del FICX y la coordinadora del ciclu "Enfants Terribles" pa tresllada-yos propuestes pa facer col alumnáu de Primaria y Secundaria. 

Esti mes aconceyamos con Mª Luz Pontón, presidenta de Conseyu Escolar d’Asturies y exsecretaria de Política Llingüística y Universidá. Unvíamos-y un documentu con propuestes a la Federación Socialista Asturiana.

Esti mes d'avientu tamos faciendo un calendariu pa concienciar sobre la precariedá llaboral y les situaciones de discriminación a les que nos enfrentamos el profesoráu d’asturianu y eonaviego/gallego-asturiano nel día a día (esperiencies reales propies y colectives). 

Güei celebróse la Sestaferia Educativa, na que repartimos folletos informativos sobre l'asociación y chapes.

L' asociación de families pol asturianu Reciella fízonos un furaquín nel so día pa poder esfrutalu xuntes. Tallerinos, xuegos, baille, xinta, conciertos, sidros, cosines prestoses pa mercar... Ye un xornada tan guapa que foi pa nós un gustazu poder tar cola reciella y danos un pocoñín a conocer.

Nel nuesu puestín ficieron chapes personalizaes y carioques, y pa les families preparamos un quiz onde respondíen entrugues sobre la situación del profesorau y l'asignatura de llingua asturiana.

¡Munchísimes gracies pola acoyida! 🥳

L'alumnáu d’asturianu volvió a empezar el cursu ensin profesoráu d’asturianu nos 17 casos mencionaos. Amás, ún d’estos centros va tar polo menos un mes ensin maestru/a. Los y les docentes a los que se-yos axudiquen eses places empiecen con desventaya al nun tener el tiempu necesariu pa preparar el comienzu del cursu. Esta ye, pa l'asociación, «una situación inaceptable que se sigue allargando nel tiempu pese al compromisu manifestáu pola Conseyera d’Educación y del Presidente d’Asturies pa col idioma y l’asignatura». Poro, dende ADAE piden que pasen a l’acción y demuestren con acciones lo que tienen prometío de pallabra. Enllaz a la noticia

Dende ADAE yá denunciamos en xunetu que les necesidaes provisionales yeren insuficientes. Ayeri, na convocatoria d'iniciu de cursu vimos cómo la ufierta de vacantes de profesoráu de Llingua Asturiana y Gallego-asturiano pal cursu 2024/2025 siguen siendo insuficientes. Los casos más sangrantes son Primaria ast (falten mínimu 13 vacantes y 7 pasaron a media) y los CEPA d'Avilés, Mieres y Uviéu nun saquen vacante en Secundaria.

✍🏽En xunetu rexistramos un escritu dirixíu a la Conseyera d'Educación pa que revisaren y rectificaren les necesidaes y garantizar que'l cursu empezaba coles necesidaes cubiertes. Tamién dimos avisu a les organizaciones sindicales. Estos errores suponen que la xente s'incorpore al trabayu a mediaos de setiembre col cursu empezáu, alumnáu ensin docente al entamu de cursu y dificultaes organizatives y de falta de personal pa los centros.

Sabemos qu'hai errores en toles especialidaes, ¡pidimos una modificación urxente!⚠️ 

Güei, 17 d'agostu celebramos el tercer día de la llingua asturiana na feria de muestres. Fízonos muncha ilusión formar parte como asociación d'un día tan significativu y poder representar a toles y tolos collacies/os d'oficiu.

Y amás...¿qué meyor ocasión qu'esta pa estrenar les nueses camisetes?

¡Gracies a Iniciativa pol Asturianu pola invitación!

----------------

Hoi, 17 d'agosto festexamos el terceiro día da llingua asturiana na feria de mostras. Fíxonos muita ilusión formar parte como asociación d’un día tan significativo y poder representar a todas y todos as compañeiras/os d’oficio.

Y ademáis… ¿qué miyor ocasión qu’esta pra estrenar as nosas camisetas?

¡Gracias a Iniciativa pol Asturianu polla invitación! 

En rueda de prensa pa facer balance de los cinco años de gobiernu, el presidente refirióse n'asturianu a les sos reclamaciones, afirmando que'l profesoráu d'asturianu tien «aliaos» nel Executivu autonómicu. 

La Conseyería d'Educación va repasar les sos reivindicaciones porque a esti colectivu "hai que mimalu". El presidente quixo tresmitir tranquilidá: "Va a haber un diálogu por parte de la Conseyería, nun tengo nenguna duda".  Enllaz a la noticia

ADAE acaba inscribise como asociación nel rexistru d'asociaciones del Principáu d'Asturies. Ye la primer vez que docentes d'asturianu y eonaviego/gallego-asturiano constitúyense como asociación, col oxetivu principal d'algamar la so equiparación col restu d'especialidaes.

____________

ADAE acaba d'inscribirse como Asociación nel rexistro d'asociacióis del Principao d'Asturias. É a primeira vez que docentes d'asturiano y gallego-asturiano/eonaviego se xuncen como asociación, col oxetivo principal de chegar á equiparación col resto d'especialidades. 

L’Asociación de Docentes d’asturianu y eonaviegu (ADAE) fai un llamáu urxente a la Conseyera d’Educación al traviés d’un documentu unviáu per rexistru pa qu’adopte midíes

inmediates énte lo que califiquen de «ausencia escandalosa de 40 vacantes de dambes asignatures alvertida na rellación de necesidaes provisionales de docentes pal cursu 2024/2025».  Enllaz a la noticia.

⚠️Dende ADAE denunciamos que les necesidaes provisionales de profesoráu de Llingua Asturiana y Gallego-asturiano pal cursu 2024/2025 son insuficientes. Nel documentu espublizáu pola Conseyería d'Educación, recuéyese una reducción de xornaes completes y 40 places menos que nel cursu 2024/25 (munches por errores nes peticiones na plataforma Sauce).

✍🏽Acabamos de rexistrar un escritu dirixíu a la Conseyera d'Educación pa que revisen y rectifiquen estes necesidaes y garantizar que'l cursu empieza coles necesidaes cubiertes. 

Nota de prensa.

Primer manifestación pola oficialidá glayando xuntes.

Naguamos porque l'añu que vien seya una folixa pa celebrar la oficialidá y la especialidá. ¡ARGUYU COLLACIES!

_____________

Primeira manifestación pola oficialidá berrando xuntas.

Deseamos qu'el ano que ven seña úa festa pra celebrar a oficialidá y a especialidá.  ¡ORGULLO COMPAÑEIRAS!