Preinscrición e matrícula

CALENDARIO

PRAZO DE PREINSCRICIÓN: do 9 ao 16 de setembro

LISTA DE PERSOAS PREINSCRITAS: 19 de setembro

SORTEO PÚBLICO: 25 de setembro

PRAZO DE MATRÍCULA: do 30 de setembro ao 7 de outubro

LISTA DE PERSOA MATRICULADAS E OFERTA DE PRAZAS VACANTES: 14 de outubro

COMEZO DAS CLASES: 21 de outubro

CONDICIÓNS DO PROCESO

-A preinscrición e, de ser o caso, a matrícula nas actividades farase de dúas maneiras: 

1) Por correo electrónico, descargando e cubrindo as fichas correspondentes e enviándoas ao correo escolasmunicipais@culleredo.es. 

2) De forma presencial no Edificio de Servizos Múltiples en horario de 09:00 a 14:00 horas durante os prazos que se indican. 

-Na preinscrición e na matrícula inicial, cada persoa pode escoller unicamente un grupo por cada actividade e catro actividades como máximo. 

-Entre o 12 e o 18 de setembro admitirase a emenda de erros das listas provisionais. Unha vez que se faga o sorteo, non se terán en conta os erros non comunicados. 

-A preinscrición nunha actividade non implica praza asegurada. Da mesma forma, aquelas prazas que non se formalicen no período de matrícula pasarán a estar vacantes. 

-Para formalizar a matrícula será necesario entregar a Ficha de matrícula xunto á Orde de domiciliación bancaria debidamente cuberta e, de ser o caso, o documento que xustifique a bonificación á que se teña dereito. Non se recollerán matrículas sen a Orde de domiciliación bancaria nin se aplicará a bonificación ás solicitudes que se entreguen sen a xustificación correspondente. 

-Os recibos das actividades pasaranse trimestralmente á conta que se determine na Orde de domiciliación bancaria. 

-Para darse de baixa nunha actividade, haberá que presentar por Rexistro a correspondente Ficha de baixa antes do remate de cada trimestre. 

-As prazas vacantes outorgaranse por rigorosa orde de chegada a partir da data que se indica. 

-Só se admitirán matrículas nas actividades no primeiro trimestre. 

-O Concello de Culleredo resérvase a potestade de cancelar as actividades que considere que non acaden un mínimo de participantes. Este mínimo dependerá das características da actividade, as instalacións e as necesidades globais do programa. De ser posible, ofrecerase alternativa ás persoa preinscritas nas actividades que se cancelen.

-Terán sempre prioridade as persoas empadroadas no Concello de Culleredo. 

-Coa presentación e sinatura das fichas de preinscrición e matrícula, a persoa solicitante asume e acepta todas as condicións aquí expostas.