Embedded Files
歡迎逐家提供練習的題目
※每題準備和回答的時間總共 30 秒，聽到「請回答」，即可開始回答，剩 10 秒 時會「tng」1 聲提醒。
07282025
112情境書寫.pdf 感謝線頂朋友提供
30.你佇線頂買 2 本冊，過兩禮拜猶未收著，請你寫簡單的語句共問。
五南出版社您好：本人佇 7 月 15，有佇線頂鑢卡完成付款，冊名「閩南語字音字形好好學」。本成是講一禮拜就會收著冊，這馬已經超過兩禮拜矣。麻煩共我查一下。勞力！
下跤是我的資料：
姓名王碧華，手機號碼：0918168168
情境短文書寫範本.docx 感謝線頂朋友提供
3.昨昏下暗7：30食飯飽，你𤆬你飼的狗仔去散步，一个失覺察，伊雄雄佇公園走無去。請你寫一張告示，請蹛踮這附近的人鬥相共一下，替你鬥揣。
我親愛的大安里的厝邊頭尾的各位里民逐家平安：
昨暝七點半，我𤆬阮兜的細隻狗仔去公園散步，落尾煞走無去。伊規身軀攏鳥的，干焦尾溜是白色。若準恁有看著,請敲這支電話予我(0931687246)，多謝。李先生留
4.你停車的時陣，無細膩去挨著隔壁的車。你欲留字條予對方，揣伊出來處理賠償的代誌，你愛按怎寫？
車主你好，真歹勢，今仔日早起我駛車bak-kuh的時無細膩共你的車少可仔挨著矣。你的愛車的修理費用我會全部負責到底。麻煩請你敲這支電話(0923-765-483)佮我聯絡，咱才約時間來參詳所有賠償的代誌。多謝！吳先生留
7.你昨昏坐高鐵去外縣市開會，轉去厝才發現你的皮包仔拍毋見矣，內面閣有信用卡佮你的身份證。若準你欲寄電子批問in敢有抾著你的皮包仔，你會按怎寫。
服務中心，你好。我7月22透早6：50分坐1047車次，往台北的高鐵，我坐佇第五車廂，23A。無細膩共皮包拍交落佇車頂，內底有身份證、信用卡，請共我鬥揣看覓。若有揣著請敲091234567佮我聯絡，陳美麗敬上。
12.你佇線頂買2本冊，過兩禮拜猶未收著，請你寫簡單的語句共in問。
五南出版社您好：本人佇7月15，有佇線頂鑢卡完成付款，冊名「閩南語字音字形好好學」。本成是講一禮拜就會收著册，這馬已經超過兩禮拜矣。麻煩共我查一下。勞力!下跤是我的資料：姓名王碧華，手機號碼：0918168168。
14.你的好朋友阿賢今年考牢臺語的正式老師。請你寫幾句仔話祝福伊，順紲寫出你對伊的期待。
阿賢：真歡喜看著你的名出現佇今年的臺語正式教師榜單頂面，未來向望你會當佇教學現場發揮你的專長，踮每一个臺灣囡仔的心內掖一粒「愛臺語」的種子，閣培養in的臺語能力，大漢閣會當四界湠。
15.你的好朋友就欲出國讀冊，你想欲送伊一个禮物閣佮一張卡片。請你共卡片的內容寫出來。（愛交代你送伊的物件是啥物，你的祝福抑是向望）
阿泰兄：真歡喜你欲去美國讀研究所，因為讀研究所文獻的閱讀量是大學的幾若倍，所以我想欲送你一台平板電腦，予你毋管佇佗位，攏會當學習，嘛祝福你學業順利，平安健康。
16.你的好朋友欲出國讀冊，你送伊一个禮物，閣佮一張卡片，請你共卡片的內容寫出來。（愛交代你送伊的物件是啥物，你的祝福抑是向望）
阿明兄：真恭喜你欲出國讀冊，特別為你準備一罐胃腸藥仔。若是外國(國外)的食物，你食了袂拄好的時，這罐就用會著。我嘛向望你佇外國會使一切順序，冗早讀了倒轉來。 圓仔筆
今仔日是恁阿媽的生日，請你佇［生日卡］內底寫一段話來祝伊生日快樂。
佮你交情上好的同學今年考大學考無牢，請你寫一段話共安慰佮鼓勵。
你是小學生，這馬欲畢業矣。請你寫一段話共恁導師說多謝，內底愛講著導師捌共你鬥相共過的代誌。
歇睏日你去參觀博物館的時是人𤲍（kheh）人閣足吵，請你佇［意見調查表］內底寫一段話，共你認為應該改進的所在寫出來。
你是小學的老師，請你佇［家庭聯絡簿］頂面寫一段話，交代學生歇熱愛細膩的代誌，上少愛寫三項代誌。
今仔日恁後生有做一件足有意義的代誌，請你寫一段話共呵咾，內底愛講著是啥物代誌。
請你寫一段話佇［履歷表］頂面紹介家己的個性佮優點。
你是校長，請你寫一張［公告］來鼓舞學生參加各種認證考試，提醒逐家提那濟款證照那有競爭力。
你佇面冊（FB）頂頭揣著二十外冬無見面的大學同學，請你佇［留話欄］內底寫一段話，表達足數念讀大學彼陣的生活。
恁翁仔某下晡三點外趕欲出門，請你寫一段話交代讀高中的大漢後生下暗愛發落啥物代誌？（厝裡猶有十歲、十二歲的查某囝）
你的老朋友予人倒會矣，心情真鬱卒，你會按怎安慰伊？請你用幾句話來表達你的意思。
去菜市仔買菜，賣菜的阿媽減找你一百箍，你會按怎講？請你用幾句話來表達你的意思。
你騎機車欲趕去認證考試，騎到一半煞無油矣，身軀閣無紮錢，嘛無紮手機仔，路邊拄好有一間賣綠豆湯的店，你想欲共頭家借100箍加油，請你用幾句話來表達你的意思。
氣象報導講今仔日會反天，你欲按怎提醒厝裡的人出們著愛注意透風落雨，毋通感冒。請你用幾句話來表達你的意思。
初一透早，你紮一篋仔糖仔餅仔去大姨兜行春，誠久無見面矣，你欲共大姨講啥物話？你用幾句話來表達你的意思。
你去踅夜市仔，看著真濟擔仔咧賣好食物，你欲按怎共頭家講你想欲買啥物？買若濟？請你用幾句仔話來表達你的意思。
學校出業了後，就毋捌閣拄著教你的老師矣。今仔日下晡雄雄路裡，你會想欲按怎佮老師開講咧？請你用幾句話來表達你的意思。
你挂大學出業，想欲去私人公司食頭路，毋過序大人希望你去考公務人員。請問你欲按怎造說服你的序大人？
三月份猶未蓋熱的時陣，你去電器行欲買一台冷氣，想欲叫頭家減價，你欲按怎講？
蹛恁兜樓頂的家伙仔定定佇咧三更半暝閣pin-pin-piāng-piāng，實在誠噪人耳，你無想單欲去管理委員會共投，想欲私底下先给彼家伙仔講看覓，你會按怎共講？請你用幾句仔 話來表達你的意思。
公車內，你看著一个行動不便的少年家，上車揣無位坐，你想欲讓位予伊坐，閣無想欲傷著伊的自尊，你會按怎對伊講？
你超級市場急欲買物件，煞共人拼著，你感覺歹勢，想欲共對方會失禮，這時陣，你會按怎講？
你的查某囝仔大學出業就定定有人欲替伊紹介男朋友，抑是欲講親情。你實在毋甘遐早共嫁出去，閣無想欲得失人，你會按怎共拒絕？請你用幾句話來表達你的意思。
你想欲去看電影，毋過序大人感覺看電影無彩時間，無愛予你去。捌聽人講這齣電影真趣味，你實在足想欲去看，你會按怎說服你的序大人咧？請你用幾句話來表達你的意思。
佇你的心肝內一定有誠濟數念的人，請你講出一个，並且講出數念的原因。
每一个人的心目中，擁有懷念的滋味，你的心肝內，啥物是你懷念的滋味咧？請你用幾句話來表達你的意思。
朋友央你共買物件，毋過伊煞無納錢予你，請問你欲按怎共伊討錢？
你的女朋友给你的老母同一个時陣跋落去海裡，你先救啥人咧？
坐車的時陣雄雄煞找無卡片通卡的時陣，你會按怎處理？
你的朋友紹介一个查某予你熟識，開始交往沒ua久攏就正常。了後後你另外一个朋友又閣為你紹介一个查某，這个查某誠水，身材嘛誠好，你欲按怎做呢？
領月給的時間到矣，毋恁頭家煞共你講，這陣仔公司攏了錢，實在無法度發給。請問你欲共頭仔按餐應？
你的厝邊逐工吵鬧到番點，予你睏袂去，請問你欲按怎請伊較細聲咧？
你今日仔欲去參加音樂比賽，到比賽現場發覺你煞無紮到樂器，你會按怎處理？
你是一个高中生，今仔日學校的運動埕看到一个查某同學佇遐嘛嘛吼，你會按怎樣關心伊？
校長拜託你做教學組長，毋過你無想接，你欲按怎拒絕伊較好？
這馬真濟囝仔耍手機仔的時間傷久，請問你對這個現象有啥物看法？你會按怎做來約束你的囝仔？
你佇果子攤揀好果子欲算數，煞發覺你紮無夠錢，你欲按怎共頭家講？
歇寒，看恁後生逐工厝內拍電動，你想欲共限制時間無想欲拍歹感情，你欲按怎 共講較好？
年兜你的公司有趁錢，煞無按算發年終獎金，請問你會按怎共你頭家爭取？
你去路邊擔仔食暗頓，食了才發覺囊袋仔的錢無夠納。請問你會按怎共頭家解說？
你去坐計程車，落車的時，手機仔落在車頂，袂記矣提走，過三點鐘了後，你才發現今害矣，你嘛沒去記計程車的車號，拍手機仔的電話，竟然轉去語音信箱，請問後手你 欲按怎做？
如果你邀請朋友來你家吃飯，朋友來到家裡時，你會怎麼跟他對話？
今仔日拄好是初一，平常初一、十五我食菜，你的好朋友約你吃飯，你欲安怎共伊 拒絕較好？
上課的時陣，拄著學生問著你課程無關的問題，你欲按怎共學生回答較好？
你想欲買車，毋過恁某講伊較想欲出國，你欲按怎？
講看覓坐火車的一个趣味的經驗，可能是拄著笑的人抑是發生趣味的代誌 。
簡單紹介你參加閩南語認證考試的心情經驗。
嫁娶欲請人客，有人是餐廳辦喜酒，有人是選擇路邊辦桌。這兩種方式，你較佮意 佗一種？為啥物？
政府逐年公告新的行事曆時，會考慮著三工以上的連假，有時仔著愛補班補課。請你表達你對連假補班補課的態度？
學校老師敲電話共你講，你的囡仔佇學校愛講話，伊提醒真濟遍囡仔攏毋改，請問身為家長的你，會按怎教你的囡仔？
06232025
王梨、弓蕉、菝仔、葡萄、龍眼……。 (只要說出水果名稱即可 )
菜刀、砧/菜砧/刀砧、瓦斯爐、鍋仔、煎匙……。 (只要說出廚房用品的名稱即可 )
白翎鷥、烏鶖、抐桮、暗光鳥、青苔仔……。 (只要說出臺灣鳥類的名稱即可 )
早起到學校，同學欲收功課的時，你雄雄發現減寫一項功課，這時陣你 欲按怎共老師講？
老師，真歹勢！我昨昏功課寫好的時，無閣一項一項檢查，煞落勾 一項去，我連鞭會利用時間趕緊補好。
頭家你好，我是共你租車的阿玲，我大約會慢二十分鐘轉去， 到時才閣補你租金，實在誠歹勢！
衫、藥仔、錢、翕相機、帽仔……。 (只要是旅行會攜帶的物品即可 )
榕仔（樹）、雞卵花、見笑草/畏擽草、指甲花、茄苳……。 (只要是校園植物即可 )
阿姨，恁這間厝看起來真清幽，你佮姨丈退休未？你攏無較老呢！ 這馬我已經讀六年仔矣，表兄佮表姊敢咧食頭路矣？
06302025
逐家好！我是五年三班的阿興，阿興是一个做人真熱心，做代誌袂糊塗的學生，我真向望會當替逐家服務，請逐家予我一个機會。
大家、大官
垃圾、糞埽
齷齪
干樂、紙牌仔、珠仔、機器人、布尪仔……。 (只要說出玩具的名稱即可)
奕牌仔、奕棋子lí
擉金珠仔
虱目魚、吳郭魚、鰻、蚶ham仔、花枝……。 (只要說出海產的名稱即可)
阿弟仔，咱人愛靠食物件才會當提供身體所需要的營養，咱毋通揀食，著愛逐項食，按呢才有體力通做代誌喔！
大箍
老師，真歹勢！今仔日我的亂鐘仔毋知按怎哪會無霆（喨liang），害我睏甲傷晏遲到矣，我毋是刁意故的，失禮啦！
07072025
字典、鉛筆、簿仔、原子筆、課本 (只要說出文具用品的名稱即可 )
實鼻、落屎、蛀齒/喙齒疼、嚨喉疼、寒著/冷著/感著
阿爸、阿母，手機仔毋但會當敲電話、查資料，閣有足濟功能的。 阮同學已經有誠濟人買矣，我嘛誠想欲有一支。恁放心啦！我袂用來耍 game 影響功課！拜託的啦！予我買一支啦！
你若無細膩共同學的杯仔挵破去，請問你愛按怎共會失禮？請回答。
阿義仔！我拄才行路傷生狂，無細膩煞共你囥佇桌頂的杯仔挵破去實在足失禮的，我會趕緊買一个新的來還你。
你人無爽快，去揣醫生，醫生問你： 「人按怎？」你會按怎共醫生講你的症頭。
醫生！我人真艱苦，真無爽快，拜託醫生共我看一下。就是昨昏中晝，阮隔壁阿明仔in查某囝做--人，請阮去餐廳食桌，食一下仔，人就怪怪，我規个人頭眩目暗、流凊汗閣強欲吐，落尾仔嘛有漏屎呢！攏總落三改啦！醫生，歹勢啦！多謝你咧！
先生／小姐你好，我看你的狗仔真古錐哩，阿毋過伊拄才踮遮放屎，你袂記得共狗屎抾起來。來，我遮有袋仔予你。遮麻煩你處理一下。咱這公園有真濟人咧運動，別人才袂去踏著狗屎。我想講你嘛是真有公德心的人，這件代誌再麻煩你喔。多謝。
112情境書寫.pdf 感謝線頂朋友提供
若準你去上班的時陣，窒車窒甲足嚴重，你欲寫啥物傳起去公司的群組咧？
頭家、逐家𠢕早：我這馬窒佇車路裡袂振袂動，等咧開會，我可能會慢十外分才到位，誠歹勢。阿福。
若準你去參加某一間大學的臺文所筆試，第一條的題目愛你寫出欲來讀這个所的三个理由，你會按怎寫？
一、我就是愛臺語文。二、想欲教別人，所以家已愛先學予好勢。三、誠久無做學生矣，想欲閣來讀冊學學問。
若準你是里長,最近發現一陣諞仙仔來恁這里拐錢。請你寫一張告示通知里民愛按怎注意？
恁學校的教務主任明仔載欲退休矣，請你寫一張卡片來感謝伊按怎對你的照顧。
你若是鞋仔店的頭家，這个禮拜日就欲共店收起來。為著欲佇拜六進前卸貨底,共鞋仔攏賣掉，請問你的廣告單愛按怎寫？
若準你欲踮活動中心免錢教人唱臺語歌，請你共相關的內容寫做一張宣傳單，通好通知逐家。
07142025
112情境書寫.pdf 感謝線頂朋友提供
7.你去花蓮出張,轉來的時順紲紮一寡四秀仔欲請同事。請你寫一張字條,囥佇邊仔予逐家知影你的心意。
我親愛的同事 gâu 早：
桌頂遮的好食物是我昨昏對花蓮出張轉來，順紲紮轉來的麻糍，總有三種無仝款的口味：有紅豆、塗豆佮黑麻仔，食起來袂傷甜閣𩚨嗲嗲，是當地誠出名的四秀仔。想欲佮逐家分享，請恁免客氣喔。
雨澄留
2021 年 12 月 6 號
9.請你寫一張字條貼佇冰箱門,交代恁厝裡的人冰箱內底有啥物物件愛先食抑是先處理。
心肝仔囝，阿爸佮阿母欲綴公司的同事做伙去日本開會，所以有一禮拜的時間會無佇厝。阮寫的這張字條，頂面有一寡物件愛恁注意：
頭起先，牛奶先啉較倚冰箱門的彼罐，較內面的彼罐是昨昏才買的。
紲落來，昨昏暗頓食賰的炒高麗菜愛先食，今仔日若食無了就愛先處理。
愛恁的阿爸佮阿母
25.你昨昏坐高鐵去外縣市開會，轉去厝才發現你的皮包仔拍毋見矣，內面閣有信用卡佮你的身份證。若準你欲寄電子批問敢有抾著你的皮包仔，你會按怎寫。
服務中心，你好。我 7 月 22 透早 6:50 分坐 1047 車次，往台北的高鐵，我坐佇第五車廂，23A。無細膩共皮包拍交落佇車頂，內底有身份證、信用卡，請共我鬥揣看覓。
若有揣著請敲
091234567 佮我聯絡，陳美麗敬上
Page updated
Google Sites
Report abuse