Embedded Files
歡迎逐家提供練習的題目
※每一條準備的時間 1 分鐘，講的時間 2 分鐘，閣賰 20秒的時會「 tng」2聲提醒。
07272025
報紙除了予咱毋免出門就知影天下事，閣會當共過期的舊報紙提來創啥，請你講看覓咧。
請問你贊成抑是反對臺灣廢除核能發電？請講出你的看法。
最近臺灣的食安全出真濟問題，你感覺買物件的時陣，愛注意啥物代誌？請講出你的看法。
人講:「有一好，無兩好」，你感覺手機仔對咱的生活有產生啥物影響。請說明。
「臺灣之光」予咱臺灣人真奢颺，佇你的心目中啥物是「臺灣之光」?請舉一个例說明。
人講：「食魚食肉，也著菜佮」，拄著愛揀食的囡仔，你會按怎開破予伊聽？請說明。
熱天到矣，請你紹介咱臺灣著時閣好食的果子？請說明。
閩南語的「牽手」是太太的意思，你感覺好聽無？請說明你的看法。
人講：「在家日日好，出外條條難」。請你舉例，講出你的看法。
這馬的社會現象真複雜，路裡行路無代無誌嘛會予人罵，致使關心囥佇心肝內，準講你的厝邊有人受著家庭暴力，你敢會鬥相共？請講出你的看法。
科技進步，囡仔的𨑨/tshit迌物仔，用錢買就有，予囡仔毋知影珍惜，閣愛換新，較早的囡仔攏是家己做𨑨/ tshit迌物仔，請你以家己的看法，講出家己做𨑨/ tshit迌物仔的好處。
你認為放炮仔會當用電子無，會違背傳統無？ 感謝 玉蘭 格蘿麗glory 提供
臺灣四面是海，有人講臺灣有海產文化，無海洋文化，請寫出你的看法。 114 年 3 月，C（感謝 玉蘭 格蘿麗glory 提供）
你敢有同意共<臺灣閩南語>成做臺灣官方語言的一種？請講出你的看法？
請問你敢有贊成同性結婚？請講出你的看法？
請問你贊成抑是反對臺灣廢除核能發電？請講出你的看法？
臺灣不時會發生食品安全的問題，你感覺買物件的時，要注意啥代誌？請講出你的看法？
<臺灣俗諺>是先民生活中所累積的智慧，有社會教育的功能。請你紹介一兩句你所熟似的臺語俗諺。
報紙除了咱毋免出門就知影天下事，閣會當共過期的報紙題來創啥？請你講看覓。
人講：食魚食肉，也著菜佮。拄著愛揀食的囝仔，你會按怎開破予伊聽？請說明。
熱人矣，請你紹介咱台灣著時恰好食的果子？請說明。
閩南語的<牽手>是太太的意思，你感覺好無？請說明你的看法。
人講：在家日日好，出外條條難。請你舉例，講出你的想法。
最近疫情嚴重，學生囝仔用電腦、手機仔上課，雖然功課真重要，毋過這款方式的上課，無形中對有真大的傷害，你有啥物看法？
有人認為臺灣的本土語言教育使干焦佇小學教爾爾，上好是國中、高中的 階段嘛著教，語言才會釘根。總是，嘛有人講學本土語言會去妨害著國文的 學習民族的感情。針對這兩款看法，你有啥物評論？
這馬的少年家，見若拄著感情的失意，無法度理性處理家己的情緒。定定發生一寡仔傷害對方，予人心痛的事件。請你提出對處理感情困擾的好建議。
這幾冬來，臺灣的出生率愈來愈低，有學者煩惱這款情形會造成臺灣社會嚴重的問題，若準你是內政部長，請你提出幾個辦法來改善這情形。
社會人關心社會事，請舉一條最近發生的新聞，並且講出你對這條新聞的看法。
咱臺灣的國民教育這馬欲行向<十二年國教>的制度。有人認為按呢做會消滅 優秀的學生，嘛有人認為按呢做會當減輕學生囝仔的負擔。針對這兩款看法， 你有啥物評論咧？
<死刑>前幾年引起相當濟的討論。<刣人>是毋是就應該<賠命>？死刑的存在 敢真正會當阻擋犯罪行為的發生？若是維護<人權>廢除死刑，敢會引起社會 的不安？請講出你支持<死刑>抑是支持<廢除死刑>的理由。
有人講未來能源政策的規劃，是目前政府愛上注重的一項代誌。若準按呢，針對未來的能源政策，請你提出一寡你想會著得較具體的看法。
講看覓你最甲意的節日？為啥物？
如果家人因故要變成植物人？你會選擇救抑是毋救？
請問你對年金改革的看法？還問說你會選擇早退休或晚退休？如何規劃退休生活？
請舉一個<拍斷手骨顛倒勇>的例子。
06292025
1.聽著食安的問題逐家攏是幌頭，請你舉例，講出你的看法佮做法。
較早的人講:「先顧腹肚，才顧佛祖 」是講食是真要緊的代誌。咱這馬愛來講:「民以食為天，食以安為先」。佇食品安全的問題一直出現的現此時，我有按呢的看法佮做法。
代先，我的看法是咱愛順天而行，毋通佇追求新佮多變化的產品的時，煞袂記得天公伯仔佮大自然對咱的生活環境本底就有所安排。咱美麗的寶島台灣，一年四季攏有著時的物件通食，也著是食就愛食在地著時的物件，食著較實在嘛較安全。閣來，生理人毋通貪欲趁錢，予人驚惶的「烏心油」事件，想講摻寡假油食未死，煞毋知無死可能嘛愛人的半條命，致(得）著慢性病是一世人的艱苦咧！按呢落尾的結果是害人閣害著家己。
上尾，我欲講的是咱消費者愛保護家己，了解「民以食為天，食以安為先」的重要，毋通「痟貪軁雞籠」煞來受害。以上是我的看法，多謝。
2.佇經濟環境無好的時，按怎提升家己的競爭力(li̍k)。請說明你的看法。
電錢、水錢一直起，買魚買肉買物件，項項攏著愛開錢，猶毋過薪水無起，顛倒強欲予人叫轉去食家己，這攏是景氣無好的時，上捷有的代誌。佇經濟環境無好的時，我會按呢來提升家己的競爭力。
代先，我欲講的是愛提高家己的能力，也就是愛學習，訓練加強家己的專業能力，予家己有存在的價值，袂凊彩就予人giat-lau(get-out)捙畚斗。閣來，欲講的是愛有第二項專長，予家己的能力閣較多元，會當做的空(工)課毋若干焦一項nia5，機會若來，隨時攢便便等伊，按呢就會當像俗語講的，「這溪無魚，別溪釣」。紲落來，我欲講的是愛佮人保持好關係，好空共咱鬥相報，好的人際關係嘛是真有幫贊。
上尾，我欲講的是勤學習愛拍拚，才會當提升家己的競爭力！以上是我的看法，多謝。
人面
07062025
我的年歲較大，體力佮氣力攏無往過遐好，所以我攏是利用暗時無日的時陣去學校運動埕行行咧，予家己流寡汗，予身體維持正常的運作，嘛會予家己感覺較健康，所以我是真贊成運動對健康有幫助的講法。親像我逐工散步，跤手有咧振動，做代誌就感覺較輕可。散步的時因為有人通開講，嘛較袂想一寡有的無的，逐工嘛起毛婸。有運動暗時仔嘛較好落眠， 上重要的是會使增強抵抗力，真罕得有啥物毛病。所以講，咱嘛是愛有運動的習慣，看是欲去拍球、跖𬦰山、跳舞，抑是像我四界行行踅踅咧攏好。適當的運動對咱身體定著是有好無䆀。有時間就加減去運動，毋通規工佇厝裡坐咧。
臺灣是一个地形佮生態攏真多元的所在，一粒仔囝爾爾就有真濟真罕得看著的風景。我有三的方法會使發展觀光，第一是展現在地文化，在地文化是咱天然的資產，嘛是別位看袂著的，若好好仔運用，佮特有的環境連結，予人知影蹛佇這的所在的人是按怎生活，有啥物無仝款的食食、工作佮風俗。第二是各縣市的合作，規畫東、西、南、北四个觀光區， 安排無仝的𨑨迌路線，予想欲來耍的人做見本。第三國際宣傳，愛拍一寡宣傳影片，佇網路放送，予全世界攏會使看著咱臺灣特別的人文佮風景，吸引𪜶來臺灣𨑨迌。這三个方法毋管是對國內抑是國外的人攏真合用，嘛會予閣較濟人看著臺灣的嬌。
臺灣是一个地形合生態攏真多元的所在，一粒仔囝爾爾就有真濟真罕得看著的風景。我有三的方法會使發展觀光，第一是展現在地文化，在地文化是咱天然的資產，嘛是別位看袂著的，若好好矣運用，合特有的環境連結，予人知影踹佇這的所在的人是按怎生活，有啥物合個無仝款的食食、工作俗風俗。第二是各縣市的合作，規畫東、西、南、北四个觀光區， 安排無全的迫迫退路線，予想欲來耍的人做見本。第三國際宣傳，愛拍一寡宣傳影片，佇網路放送，予全世界攏會使看著咱臺灣特別的人文俗風景，吸引個來臺灣迫退退。這三个方法毋管是對國內抑是國外的人攏真合用，嘛會予閣較濟人看著臺灣的嬌。
07132025
請問你敢有贊成同性結婚？請講出你的看法？
「臺灣諺語」是先民佇生活中所累積的智慧，有社會教育的功能。請你介紹一兩句你所熟似的臺灣俗諺。
人無照天理，天無照甲子。
07202025
Page updated
Google Sites
Report abuse