Deseño e temporalización do PDI

A temática do PDI do curso 17/18 decidiuse no último claustro do curso 16/17, resultando “vencedora” a MÚSICA entre un abano de posibilidades.

A partir dese momento os tempos de lecer do verán xa serviron para ir elaborando propostas que serviron para poder contar no inicio das clases en setembro, cunha programación establecida por trimestres.

Esta programación obedecía a varios criterios:

- incluír actividades que promovan a competencia informacional

- elaborar producións en múltiples soportes: audiovisual, textos, manualidades,

- ter en conta nas propostas, a celebración de datas puntuais que xa conforman a realidade educativa do centro (Día da Paz, Día contra a violencia de xénero, Día da Muller, Día de Rosalía, Dia da Poesía,…) e que permitan rentabilizar tempos e esforzos sen que supoñan un traballo engadido

- incluír a festas e facer delas momentos álxidos do PDI, do curso e da nosa comunidade educativa: Nadal, Samaín, Entroido, Letras Galegas, Final de curso

Para o profesorado, presentouse antes de iniciar o curso, por parte do Equipo de Biblioteca, un esquema de programación coa temporalización de actividades por trimestres, así como o tipo de produción que se esperaba de cada actividade. Deste xeito, o profesorado puido incluír nas súas programacións de aula todas aquelas actividades nas que ía participar