Plenary Speakers | Ponentes plenarios 

                                                                                   DRA. ANA MARÍA CANO GONZÁLEZ 

                                                        UNIVERSIDÁ D´UVIÉU / ACADEMIA DE LA LLINGUA ASTURIANA

Ana Mª Cano González ye caderalga de Filoloxía Románica y Profesora Emérita de la Universidá d’Uviéu. Foi subdireutora y direutora del Departamentu de Filoloxía Clásica y Románica (1989-1993; 1993-1997) y Decana de la entós Facultá de Filoloxía de la mesma universidá (1997-2008); de 2008 a 2020 foi presidenta de la Comisión d’Artes y Humanidaes del Programa VERIFICA d’ANECA pa Másteres, Graos y Doctoraos oficiales; pertenez a l’Academia de la Llingua Asturiana dende la so creación (1981), institución de la que foi presidenta ente 2001 y 2017.

        Como llinies d’investigación tien les siguientes: dialeutoloxía, lliteratura de tresmisión oral, filoloxía asturiana y románica, onomástica, lexicoloxía y etimoloxía.

         Doctoróse nel añu 1975 cola tesis El habla de Somiedo (occidente de Asturias) asoleyada en dos volúmenes: El habla de Somiedo (occidente de Asturias), Universidade de Santiago de Compostela, 1981 (2ª ed., Uviéu, Academia de la Llingua Asturiana, 2009) y Vocabulario del bable de Somiedo, Uviéu, Institutu d’Estudios Asturianos, 1982.

         Dende l’añu 1995 forma parte, xunto con Dieter Kremer (Universidá de Trier) y Jean Germain (Universidá de Louvain-la-Neuve), del equipu de direición del proyeutu PatRom panrománicu, responsable de la so publicación. D’esti proyeutu hai 7 vols. asoleyaos:

         - Cano González, Ana María; Germain, Jean; Kremer, Dieter (editores): Dictionnaire historique de l’anthroponymie romane (PatRom). Volume II.1. L’homme et les parties du corps humain (première  partie), Tübingen, Max Niemeyer Verlag, 2004.

         -----: Dictionnaire historique de l’anthroponymie romane (PatRom). Volume I.1. Introductions. Cahier des normes rédactionnelles. Morphologie. Bibliographies, Tübingen, Max Niemeyer Verlag, 2007.

         ----- : Dictionnaire historique de l’anthroponymie romane (PatRom). Volume I.2. Bibliographie des sources historiques, Berlin/New York, Walter de Gruyter GmbH & Co. KG, 2010.

         -----: Dictionnaire historique de l’anthroponymie romane (PatRom). Volume III/1. Les animaux. Les mammifères, Berlin/Boston, Walter de Gruyter, 2015.

         -----: Dictionnaire historique de l’anthroponymie romane (PatRom). Volume II/2. Les parties du corps humain (2e partie). Les particularités physiques et morales, Berlin/Boston, Walter de Gruyter, 2018.

         -----: Dictionnaire historique de l’anthroponymie romane (PatRom). Volume III/2. Les animaux 2. Les oiseaux, poissons et invertébrés, Berlin/Boston, Walter de Gruyter, 2020.

         -----: Dictionnaire historique de l’anthroponymie romane (PatRom). Volume IV/1. Couleurs. Aliments et vêtements. Dates et fêtes, Berlin/Boston, Walter de Gruyter, 2023.

         Forma parte del proyeutu DÉRom (Dictionnaire Étymologique Roman), dirixíu por Eva Buchi y Wolfgang Schweickard (http://www.atilf.fr/DERom), y del subproyeutu del dominiu llingüísticu ástur del Toponomasticon Hispaniae, dirixíu por Ana Boullón de la Universidá de Santiago de Compostela.

         Dientro de l’Academia de la Llingua Asturiana, formó parte de les comisiones encargaes de la redaición de les Normes ortográfiques  (1ª edición  1981), de la Gramática de la Llingua Asturiana (1ª edición 1998) y del DALLA (Diccionariu de l’Academia de la Llingua Asturiana) (1ª edición 2000). Dirixe la revista Lletres Asturianes y, xunto con Carmen Muñiz, coordina les Xornaes Internacionales d’Estudiu qu’añalmente organiza l’Academia de la Llingua Asturiana n’andecha cola Universidá d’Uviéu.

         Dellos trabayos d’investigación de so recuéyense nes obres de conxuntu:

- Estudios de diacronía asturiana (1), Uviéu, Academia de la Llingua Asturiana, 2008.

- Llingua, tierra, nomes... Estudios d’Onomástica Románica (1987-2017), Uviéu, Academia de la Llingua Asturiana, 2021, edición coordinada por Claudia Elena Menéndez Fernández y Pilar Fidalgo Pravia.

- Estudios escogidos en Homenaje a la Profesora Ana María Cano González, Uviéu, Universidá d’Uviéu, Departamentu de Filoloxía Clásica y Románica, 2023, edición de Toribio Fuente Cornejo y Pedro Álvarez Cifuentes.