Irungo kale izendegia eraldatuz

Irungo kale izendegian 2 emakume izen bakarrik agertzen zirela ondorioztatu zuen Irungo Bilgune Feministak 2009.urtean abiatutako ikerketa batek. Datu hori aintzat hartuta, Parean elkarteak, Mertxe Tranche historialariarekin batera, udal artxibotik Irungo hainbat emakume esanguratsuren izenak bildu zituen. Egun 8 kalek dute emakume izena.

Txingudi BHIn, egitasmo honi gure aletxoa gehitu nahi izan diogu, eta herriko iruditegi kolektiboari izen gehiago txertatu dizkiogu. Ikastetxeko hezkidetza proiektuan aipatzen den moduan, proiektu honekin ikastetxeko identitatea osatzen duen hirugarren zutabearekin egiten dugu bat, herriaren eta ikastetxearen arteko zubia sendotzea.