Schrieverkring Weser-Eems e.V.

De Schrieverkring stellt sük vör

• De Statuten van de Vereen -- heel an 't Enne >>>

De Statuten van de Vereen: Heel achtern

Boken van de Schrieverkring

... un van Leden van uns Kring:

Daarbi mutten wi d'r up henwiesen, dat hier (mit Utnahm van Wilko Lücht: Ostfriesische Grammatik) blot plattdüütse Boken stahn.

Besünners Jutta Oltmanns hett 'n hele Riege hoogdüütse Romanen verfaat, ok Birgit Rutenberg twee Krimis.

Un ok Elise Andresen Bunjes hett 'n Krimi schreven: Scherbellenskoppen.

1. Spiekermann, Gerd 1983: Mien halve Fro. Göttingen: Davids Drucke

2. Briese, HH 1985: Wat di bleiht. Nörden: SKN

3. Briese, HH 1987: Up een Woord. Nörden: SKN

4. Briese, HH 1989: Kört un knapp. Nörden: SKN

5. Briese, HH 1990: Wor to Huus. Bilder aus meiner Kindheit. Nörden: SKN

6. Spiekermann, Gerd 1990: Kiek mol 'n beten to. Hambörg: Galgenberg

7. Spiekermann, Gerd 1991: Ick pack ut! Hambörg: Galgenberg

8. Briese, HH 1995: Neet anners as anners. Leer: Dr. Reinhard

9. Spiekermann, Gerd 1995: Nich mit mi! Hambörg: Quickborn

10. Spiekermann, Gerd 1996: Du kannst mi mol! Hambörg: Quickborn Vlg.

11. Spiekermann, Gerd 1997: Oma ehr Schöddeldook. HH: Quickborn Vlg.

12. Briese, HH 1998: Marine Impressionen. Leer: Dr. Reinhard

13. Briese, Brüder 1999: Mitnanner. Leer: De Utrooper

14. Scholz, Carl (Rutg.) SKWE 2001: 2000 un mehr. Emden: DIESEL

15. Byl, Jürgen 2002: Sprachbetrachtungen. Emden: DIESEL

16. Briese, HH 2003 : Ik loop mien Dag vörut. Emden: DIESEL

17. Spiekermann, Gerd 2004: Du kannst mi mol. Hambörg: Quickborn Vlg

18. Dirks, CH 2008 : De 100 moiste oostfreeske plattdüütse Gedichten. Emden: DIESEL

19. Dirks CH / Briese HH / Diekhoff Johs. 2006: Unner de Buukreem. Emden: DIESEL

20. Constapel, Gerd 2010 : Olldagsland. Emden: DIESEL

21. Dirks CH / Briese HH, SKWE 2010: Billerstörm. Emden: DIESEL

22. De Hahn / Briese HH 2010: Haut. Emden: DIESEL

23. Briese, HH (Rutg.) 2011 Ruugfröst Sötesnuut. Emden: DIESEL

24. Briese, HH 2012: Woordensnieder. Emden: DIESEL

25. Dirks, CH / Briese HH / Briese M 2013: De Schimmelrieder.
    Emden: DIESEL

26. Dirks, CH / Briese HH, SKWE 2012: Maskendanz. Emden: DIESEL

27. Briese HH 2012: Woordensnieder. Emden: DIESEL

28. AK oostfreeske Autoren 2012: Verzettelt. Emden: DIESEL

29. Lüken, Wilma 2014: Tüsken Tied un Ewigheid. Ill. van Heike Fitzinger. Emden: DIESEL

30. Former / Haddinga / Diekhoff 2014: Laat Jo dat good gahn!
    Emden: DIESEL

31. Dirks, CH / Briese, M. (Rutg.) 2014: Dat Verbreken in Bevensen. Emden: DIESEL

32. Siefer, Heinrich u. a. 2014: Land so wiet. Dat Ollenborger Münsterland
    in Riemels un Geschichten. Bremen: Edition Temmen

33. Dirks CH / Briese HH, SKWE 2015: Wunnerwark. Emden: DIESEL

34. Lücht, Wilko 2016: Ostfriesische Grammatik.
    Aurich: Ostfriesische Landschaft

35. Briese M 2016: Segg van ,Ji' an dien Spegelbild. Emden: DIESEL

36. Briese HH 2016: Wiehnachten to Huus. Emden: DIESEL

37. Briese, HH 2017: BinnenLeven. Emden: DIESEL

38. Oltmanns, Jutta 2017: Wachters tüsken de Welten.
    Hambörg: Quickborn Verlag

39. Briese M 2017: Kattschiet in Düüstern. Emden: DIESEL

40. Korporal, Ibeling 2017: David. Emden: DIESEL

41. Briese, M 2018: Un de Hund fleit La Paloma. Emden: DIESEL

42. Dirks, CH (Rutg.) 2019: Bruno Loets: Tsüh, Consul. Emden: DIESEL

43. Lüken, Wilma 2020: Tüsken Dag un Drööm. Illustr. Heike Fritzinger. Emden: DIESEL

44. Dirks, CH (Rutg.) - SKWE 2020: Waar Woorden wahr worden. Emden: DIESEL

45. Briese, HH 2020: Klören. 14 Zyklen. Emden: DIESEL

46. Dirks, CH 2020: Wi proten un wi snackt in Ostfriesland. Hamburg: Ellert & Richter

De Vörstand:

Dat bünd veer Lüü:

• CHD: Carl-Heinz Dirks (Emden) as Baas;

• HHB: Hans-Hermann Briese (Nörden) de 2. Baas;

• MBB: Manfred Briese (Esens) is Geschäftsföhrer - un

• WJL: Wilma Lüken (Leer) is Penningmesterske.

De Leden van de Vereen

• Hier stellen wi nu de Leden van de Vereen vör, so se dat willen.

• Elise Andresen-Bunjes, Mitling-Mark >>> vertellt Märkens, hett nu ok 'n (hdt.) Krimi schreven: Scherbellenskoppen

• Luise Böök, Dunum >>>

• Grieta Bottin, Grootheid >>>

• Hans-Hermann Briese, Nörden >>> bi Wikipedia

• Manfred Briese, Esens >>> www.manfred-briese.de

• Gerd Constapel, Loga >>> bi Wikipedia

• Carl-Heinz Dirks, Emden >>www.ce-ha.de + bi Wikipedia

• Gitta Franken, Süüdbrookmerland >>> www.dreebladd.de
  Gitta un Udo sünd ok Muuskanten: Tosamen mit Ute de Haan

• Udo Franken, Süüdbrookmerland >>> www.dreebladd.de
  Gitta un Udo sünd ok Muuskanten. Tosamen mit Ute de Haan
  treden se up as DREEBLADD, maken ok Spegelplaten

• Helga Gronau, Ehrenburg >>>>

• Anna-Sabina Herlyn, Nörden >>>

• Helga Hürkamp, Lohne >>> bi Wikipedia

• Menno Ufkes Janssen, Emden >>> https://www.menno-janssen.de/

• Johanna Kastendieck >>> mehr van hör up www.schriftsteller-sh.de

• Wilko Lücht, Moormerland / Trier >>>
  hett de „Ostfriesische Grammatik“ schreven

• Wilma Lüken, Leer >>>

• Jutta Oltmanns, Moormerland >>> www. jutta-oltmanns.de
  hett al 'n heel Rieg hoogdüütse Boken schreven

• Birgit Rutenberg, Leer >>> www. birgitrutenberg.de
  hett ok al twee hoogdüütse Krimis schreven

• Gerd Spiekermann, Hambörg >>> www.gerdspiekermann.de

• Heinrich Siever, Cloppenbörg >>> bi Wikipedia

• Elke de Witt, Dornum >>> www.amazon.de/Elke-de-Witt/e/B00455R6IA

De Statuten van de Vereen

§ 1 De Naam un Stee

1. De Vereen draggt de Naam „Schrieverkring Weser-Eems e. V.“.

2. De Vereen hett sien Stee in 26135 Ollenbörg.

3. De Vereen is daar in dat Vereensregister indragen.

4. Gerichtsstand is Ollenbörg.

§ 2 Sinn un Upgaven van de Vereen

1. In de Schrieverkring Weser-Eems sitten plattdüütse Schrieverslüü ut Noordwestdüütsland binanner, man de Vereen is ok för annern open.

2. An eerste Stee steiht dat Schrieven, Verbreden un Wiederhelpen van plattdüütse Literatur.

3. Dat sall bereckt worden

4. - dör Tosamenkummsten tominnst tweemaal in ’t Jahr;- dör egen Veranstaltens un d’r mit bi wesen, wenn anner Verenen un Institutionen plattdüütse Literatur unner ’t Volk brengen;

5. - dör Rutgeven van Boken un Spegelplaten;

6. - dör Sörg dragen daarför, dat Texten van Leden in Rundfunk, Boken, Dagbladen, Tiedschriften un anner Medien publizeert worden.

§ 3 För d’ gemene Nütt

1. De Vereen warkt allennig un direkt för Zwecken, de gemeennüttig un mildgeevsk sünd in de Sinn van de „Abgabenordnung (AO 1977)“.

2. De Vereen warkt sünner Egennütt. He geiht neet jobenaamd egenweertskuppelk Zwecken na.

3. Geld ut de Vereenskass dürt blot för dat utgeven worden, wat in de Statuten steiht. Vereensleden kriegen keen Geld ut de Vereenskass.

4. Dat hele Vereensvermögen word insett för dat, wat wi berecken willen.

5. Nüms dürt dör Utgaven, de nix mit de Zwecken van de Vereen to doon hebben, of dör unmaten hoge Betahlen begünstigt worden.

6. Wenn een de Vereen verlett, of wenn de Vereen sük uplösen deit of uphoven word, hett nüms van de Leden (of sien Arven of Nafolgers) Anrecht up Torüggbetahlen van Bidragen, Spenden of annerseen Recht up dat Vereensvermögen.

7. Wenn de stüürbegünstigte Zwecken van de Vereen wegfallen, fallt dat Vereensvermögen an dat „Bökerschapp in de Landesbibliotheek Ollenbörg“, de dat blot to d’ gemene Nütt för plattdüütse Literatur bruken dürt.

$ 4 Lidd worden

1. Lidd worden könen Minsken, de plattdüütse Texten verfaten.

2. Upnomen worden Schrieverslüü, de sük bewarven un Texten vörleggen, de goodköört (good heten) sünd - dör de Vörstand.

3. Upnomen worden könen ok Schrieverslüü, de al up ’n anner Maneer de Nawies brocht hebben, dat se to de SK passen. Een ut de Vereen mutt hum / hör vörslaan, de Vörstand laadt hör / hum dann in.

4. Lidd worden könen ok Lüü, de keen Texten verfaten, man de de Zwecken van de SK stönen willen. Se sünd as Geldgevers un Raadgevers un Helpers willkomen. Se hebben keen Stemmrecht.

§ 5 Vereensbidrag

1. De Leden betahlen en Vereensbidrag. Over de Höchte van de Bidrag entscheddt de Leden­versammeln. De Bidrag mutt betahlt worden bit to de eerste Warkeldag in ’t Jahr.

§ 6 De Ledenskupp geiht to Enne

1. De Ledenskupp geiht to Enne,

2. - wenn een sien Uttreden schreven vörleggt;

3. - bi enkelde Leden (natürelke Personen) mit hör Dood;

4. - bi juristische Personen mit dat Enn van hör Bestahn;

5. - wenn en Lidd twee Jahr mit 't Betahlen van sien Bidrag achterut bleven is;

6. - wenn en Lidd de Vereensinteressen tegenkrabbt hett, na Menen van de Vörstand.

7. Tegen dat Utsluten kann dat Lidd binnen veerteihn Dagen na Togang van de Bescheed Inspraak inleggen. Over de Inspraak entscheddt de Ledenversammeln mit Tweedardel­mehrheid.

§ 7 Organen

1. Organen van de Vereen sünd de Ledenversammeln un de Vörstand.

2. De Organen besluten mit eenfache Mehrheid van de Leden, de togegen sünd.

3. Daarbi worden Stimmenthollens nich mittellt un ungültige Stemmen ok nich.

§ 8 De Ledenversammeln

1. Elke Jahr word tominnsten een örnlicke Ledenversammeln ofhollen.

2. To elke Ledenversammeln mutt de Vörstand tominnsten 20 Kalennerdagen vördeem en schreven Inladen verstüren un daarbi angeven, waar dat um gahn sall. As Dag van dat Tostellen gellt de eerste Dag na ’t Upgeven van dat Schrieven bi de Post. An de Leden, de daar mit inverstahn sünd, kann de Inladen ok as e-Mail stüürt worden.

3. To en Ledenversammeln mutt nöögt worden, wenn minnstens en Vördel van de Leden dat verlangt, schreven un mit Angaav van Zweck un Grund.

4. De Ledenversammeln is kumpabel un kann besluten, wenn se na de Statuten tostann komen is.

5. De Ledenversammeln beslutt, sowied de Statuten nix anners verlangen, mit eenfache Mehrheid. Bi Stemmengliekheid is en Andrag oflehnt.

6. Daar word open ofstimmt un wählt, wenn nich een van de Leden dat anners beandraagt.

7. En Ledenversammeln is nich openlik.

8. Andragen, over de verhannelt un besloten worden sall, mutten minnstens twee Week vör de Versammeln schreven bi de Vörstand vörliggen.

9. För Verannerns van de Statuten is tominnst en Tweedardelmehrheid nödig.

10. Over de Ledenversammeln word en Protokoll schreven, waar insteiht, wat daar behannelt, besloten un bi rutkomen is.

11. Dat Protokoll kriggt dat Handteken van de Vörsitter un de Schriever un word in de nahste Versammeln vörleggt.

12. Dat Protokoll word de Leden in de Loop van sess Weken tostüürt. Inwendsels tegen dat Protokoll könen van daar of an bit to ’t Vörleggen up de upfolgende Ledenversammeln vörbrocht worden.

§ 9 De Vörstand

1. De Vörstand besteiht ut

2. a) de Schrieverkringbaas / Vörsitterske;

3. b) de Tweede Baas / Tweede Vörsitterske;

4. c) de Geschäftsföhrer / Geschäftsföhrerske;

5. d) de Penningmester / Penningmesterske;

6. e) en Bisitter / Bisitterske.

7. De Vörstand word wählt van de Ledenversammeln för en Törn van dree Jahr.

8. Weerwahl is eenmaal mögelk.

9. Vörstand in de Sinn van § 26 BGB sünd de Baas un de Geschäftsföhrer. Se vertreden de Vereen bi Gericht un buten Gericht in all Vereenssaken.

10. De Baas röppt de Vörstand so faak as nödig binanner. Wenn twee Vörstandsleden dat verlangen, mutt he de Vörstand binnen twee Week nögen.

11. Wenn de Baas sien Amt nich nakomen kann, dürt de Tweede Baas dat overnehmen.

12. De Vörstand kann Upgaven up Mitarbeiders overdragen.

§ 10 Ofreken

1. Dat Geschäftsjahr is dat Kalennerjahr.

2. De Ofreken word alltied to ’t Enn van dat Kalennerjahr upstellt.

3. För de Kuntroll van de Ofreken worden twee Leden van de Ledenversammeln wählt, de neet Lidd sünd van de Vörstand. De Weerwahl is tolaten.

4. De kuntrolleerde Ofrekens worden bi de Vörjahrswarkeldag vörleggt.

§ 11 Uplösen van de Vereen

1. Dat Uplösen van de Vereen kann blot mit Tweedardelmehrheid van de versammelt Leden in de Ledenversammeln besloten worden.

2. För disse Versammeln mutt besünners nöögt worden.

3. För disse Versammeln mutt tominnst de Hälfte van de Leden tosamenkomen wesen.

4. Bi ’t Uplösen van de Vereen fallt dat Vereensvermögen an dat „Bökerschapp in de Landesbibliotheek Ollenbörg“, de dat blot to d’ gemene Nütt för plattdüütse Literatur bruken dürt.

Blot dat wi dat neet vergeten:

Disse Statuten sünd (up Düüts) besloten in de Ledenversammeln in Harpstedt an de 20. Oktober 1996. – De eerste Statuten van de Vereen, upsett van Fritz Lottmann un besloten in de Ledenversammeln in Wiefelstede an de 7. Märt 1996 sünd daardör neet mehr in Kracht. (De SKWE hett sük ofspleten van de Ollnbörger Schrieverkring unner 't Dack van de „Spieker", man dat is nu ok al weer 'n heel Sett her, un wi hebben frünnelke Kuntakten.)

De Indragen van de SKWE in 't Vereensregister Ollenbörg was dann an d' 26. Februar 1997. Un up de Versammeln van d' 12. April 2008 hebben wi de Statuten ok up Platt besloten, so as de „Europäiske Charta för regionale un minner bruukte Spraken“ dat mögelk maakt. De plattdüütse Text gellt nett so as de hoogdüütse.

Over dat „Vörleestelefoon Oostfreesland“ brengt dat NDR-Feernsehn twee Sendungen:

An Saterdag, de 20. Februar (dat is de Avend vör de „Dag van de Modertaal“ , wassen wi in de Nordtour um 18 Ühr to sehn,
un 't annermaal kummt Enn Määrt, wenn dat Vörleestelefoon Jubiläum hett (1. Mai 1984 wurr de eerste Bidrag in de Welt brocht.)