Schrieverkring Weser-Eems e.V.

De Schrieverkring stellt sük vör

• De Statuten van de Vereen -- heel an 't Enne >>>

De Statuten van de Vereen: >>> Heel achtern >>>

Boken van de Schrieverkring

... un mit un van Leden van uns Kring:

Daarbi mutten wi d'r up henwiesen, dat hier (mit Utnahm van Wilko Lücht:„ Ostfriesische Grammatik“, Jürgen Byl: „Sprachbetrachtungen“ un Carl-Heinz Dirks „Wi proten un wi snackt ...) blot heel un dall plattdüütse Boken stahn.

Besünners Jutta Oltmanns hett 'n hele Riege hoogdüütse Romanen verfaat,
ok Birgit Rutenberg hett twee Krimis schreven.
Un Elise Andresen Bunjes hett 'n hoogdüütsen Krimi schreven mit de Titel „Scherbellenskoppen“.

84. 25 Jahr Borsla-Pries 1997 - 2021: Wat dei Priesdräger schräwen häbbt. Bösel: Borsla Vereinigung für Niederdeutsche Sprache und Literatur. --- Van de Maten van uns Schrieverkring stahn d'r in: Carl Scholz 1997 - Regenavend;
Hans-Hermann Briese 2000 - Vörjahr; Helga Hürkamp 2001 - Gewalt; Albert Rüschenschmidt 2004 - Et kann so lange kien Friäden sien; Gitta un Udo Franken 2005 -In Toornhusen geiht wat scheev; Helga Hürkamp 2008 - Smachtige Wülve; Albert Rüschenschmidt 2009 - Pit Bull; Gitta Franken 2011 - En Müür; Christina Sufka 2013 - Zyklus Henrike; Carl-Heinz Dirks 2015 - Pilgerpad; Jutta Oltmanns 2018 - Hawaii; Wilko Lücht 2019 - Folrich Heinen Cordes of Wat wi wat in Reken hebben

83. Dirks, CH 2021: Wi proten un wi snackt in Ostfriesland. Hamburg: Ellert & Richter

82. Briese, HH 2020: Klören. 14 Zyklen. Emden: DIESEL

81. Dirks, CH (Rutg.) - SKWE 2020: Waar Woorden wahr worden. Emden: DIESEL

80. Lüken, Wilma 2020: Tüsken Dag un Drööm. Illustr. Heike Fritzinger. Emden: DIESEL

79. Spiekermann, Gerd 2020: Wat ‘n Last mit de Wohrheit! Hambörg: Quickborn Vlg.

78. Dirks, CH (Rutg.) 2019: Bruno Loets: Tsüh, Consul. Emden: DIESEL

77. Briese, M 2018: Un de Hund fleit La Paloma. Emden: DIESEL

76. Schmidt, Diedrich Heinrich 2018: Ligusterdrööm. Oldenbörg: Isensee Verlag

75. Korporal, Ibeling 2017: David. Emden: DIESEL

74. Briese, M 2017: Kattschiet in Düüstern. Emden: DIESEL

73. Oltmanns, Jutta 2017: Wachters tüsken de Welten. Gedichten. Hambörg: Quickborn Verlag

72. Briese, HH 2017: BinnenLeven. Emden: DIESEL

71. Briese, HH 2016: Wiehnachten in Huus. Emden: DIESEL

70. Briese, M 2016: Segg van ,Ji' an dien Spegelbild. Emden: DIESEL

69. Lücht, Wilko 2016: Ostfriesische Grammatik. Aurich: Verlag Ostfriesische Landschaft

68. Janssen, Menno Ufkes 2016: Mien Krimikum. 33 körte Vertellens up Platt. Köln: luv-verlag

67. Janssen, Menno Ufkes 2015: Oostfreeske Aventüren to hören. 10 körte Vertellens up Platt. Köln: luv-verlag

66. Janssen, Menno Ufkes 2016: Oostfreeske Aventüren. Band 3. 33 körte Vertellens up Platt. Köln: luv-verlag

65. Janssen, Menno Ufkes 2015: Oostfreeske Aventüren. Band 2. 33 körte Vertellens up Platt. Köln: luv-verlag

64. Janssen, Menno Ufkes 2015: Oostfreeske Aventüren. Band 1. 33 körte Vertellens up Platt. Köln: luv-verlag

63. Siefer, Heinrich u. a. 2014: Land so wiet. Dat Ollenborger Münsterland in Riemels un Geschichten.
Bremen: Edition Temmen

62. Dirks, CH / Briese, M. (Rutg.) 2014: Dat Verbreken in Bevensen. Emden: DIESEL

61. Former, R / Haddinga J / Diekhoff J 2014: Laat Jo dat good gahn! Emden: DIESEL

60. Lüken, Wilma 2014: Tüsken Tied un Ewigheid. Ill. van Heike Fitzinger. Emden: DIESEL

59. Dirks, CH / Briese, HH / Briese, M 2013: De Schimmelrieder. Emden: DIESEL

58. AK oostfreeske Autoren 2012: Verzettelt. Emden: DIESEL

57. Briese, HH 2012: Woordensnieder. Emden: DIESEL

56. Dirks, CH / Briese, HH, SKWE 2012: Maskendanz. Emden: DIESEL

55. Kastendieck, Johanna 2012: Dat grote Uprümen un annere Vertellen. Goldebek: Mohland Verlag

54. Briese, HH 2012: Woordensnieder. Emden: DIESEL

53. Briese, HH (Rutg.) 2011 Ruugfröst Sötesnuut. Emden: DIESEL

52. De Hahn / Briese, HH 2010: Haut. Emden: DIESEL

51. Dirks, CH / Briese, HH, SKWE 2010: Billerstörm. Emden: DIESEL

50. Constapel, Gerd 2010 : Olldagsland. Emden: DIESEL

49. Lottmann, Fritz 2010: Middemank de Tieden. Ollenbörg: Isenseenb

48. Dirks, CH 2008 : De 100 moiste oostfreeske plattdüütse Gedichten. Emden: DIESEL

47. Scholz, Carl V. 2009 (Rutg. van Fritz Lottmann): Anner Farv dat. Oldenburg: Isensee

46. Dirks, CH / Briese, HH / Diekhoff, J. 2006: Unner de Buukreem. Emden: DIESEL

45. Peters, Luise 2005: So kann 't lopen. Vertellsels van de Lupe. Leer: De Utrooper

44. Cramer, Gertrud 2005: In disse Dagen. Gedichten un Vertellen. BoD

43. Franken, Gitta und Udo 2005: Toornmanntjes Trick. Norden: SKN

42. Spiekermann, Gerd 2004: Du kannst mi mol. Hambörg: Quickborn Vlg

41. Scholz, Carl V. 2004: Leve Gemeen ...Plattdüütsche Predigten un anner Texten. BoD

40. Briese, HH 2003 : Ik loop mien Dag vörut. Emden: DIESEL

39. Byl, Jürgen 2002: Sprachbetrachtungen. Emden: DIESEL

38. Peters, Luise 2001: Söt-suur inleggde Plumen. Leer: De Utrooper

37. Spiekermann, Gerd 2001: Wohr di weg! HH: Quickborn Vlg.

36. Scholz, Carl V. 2001: Lüttje Upschrievsels. Miniaturen un annerswat. BoD

35. Scholz, Carl V. (Rutg.) SKWE 2001: 2000 un mehr. Emden: DIESEL

34. Peters, Luise 2000: Wenn 't kummt, kummt knüppeldick. Vertellsels van de Lupe. Leer: De Utrooper

33. Briese, Brüder 1999: Mitnanner. Leer: De Utrooper

32. Schlöpke, Ernst-Otto 1999: Na sowat! Kiel: Verlag Michael Jung

31. Scholz, Carl V. 1998: Hollweglangs. Gedichte. Oldenburg:

30. Peters, Luise 1998: Malör sitt up 'n lüttje Stee. Vertellsels van de Lupe. Leer: De Utrooper Vlg.

29. Briese, HH 1998: Marine Impressionen. Leer: Verlag Dr. Reinhard

28. Diekhoff, Johanna 1998: Johannisfür. Leer: Verlag Dr. Reinhard

27. Spiekermann, Gerd 1997: Oma ehr Schöddeldook. HH: Quickborn Vlg.

26. Scholz, Carl V. 1996: Nah Bremen to. Bremen: Verlag H. M. Hauschild

25. Spiekermann, Gerd 1996: Du kannst mi mol! Hambörg: Quickborn Vlg.

24. Peters, Luise 1995: Leven in völ Klören. Leer: De Utrooper Vlg.

23. Spiekermann, Gerd 1995: Nich mit mi! Hambörg: Quickborn Vlg.

22. Briese, HH 1995: Neet anners as anners. Leer: Dr. Reinhard

21. Schlöpke, Ernst Otto 1995: Ünnerwegens opsammelt. Kiel: Verlag Michael Jung

20. Specht, Magret 1992: Een Padd söken. Leer: De Utrooper Verlag

19. Peters, Karin 1992: Dat helle Huus. Nörden: Soltau Verlag

18. Diekhoff, Johanna 1992: Kattjegold. Kring-Book Nr. 7 van de Börgervereen Boekzetelerfehn e. V.

17. Spiekermann, Gerd 1991: Ick pack ut! Hambörg: Galgenberg

16. Scholz, Carl V. 1991: Leven willt wi. Prosa un Gedichten. Oldenburg: Holzberg

15. Schlöpke, Ernst-Otto 1991: Amor hett sien Höög. ###

14. Spiekermann, Gerd 1990: Kiek mol 'n beten to. Hambörg: Galgenberg

13. Briese, HH 1990: Wor to Huus. Nörden: SKN

12. Briese, HH 1989: Kört un knapp. Nörden: SKN

11. Scholz, Carl V. 1989: Liekut. En Iesenbahngeschicht. Oldenburg: Heinz Holzberg Vlg.

10. Diekhoff, Johanna 1988: Hört sük dat? Kring-Book Nr. 6 van de Börgervereen Boekzetelerfehn e. V.

9. Briese, HH 1987: Up een Woord. Nörden: SKN

8. Diekhoff, Johanna 1986: En Stück Leven. Leer: Sollermann

7. Briese, HH 1985: Wat di bleiht. Nörden: SKN

6. Diekhoff, Johanna 1984: Fehngeschichten. Kring-Buch Nr. 4 des Bürgervereins Boekzetelerfehn e. V.

5. Spiekermann, Gerd 1983: Mien halve Fro. Göttingen: Davids Drucke

34 Cramer, Gertrud 1982: En Mundjevull Platt. Emden: Gerhard Verlag

3. Schlöpke, Ernst Otto 1981: Uns' Leben is en Sommerdroom. Husum: Husum Druck- und Vlg.

2. Schlöpke, Ernst Otto 1977: De Welt steiht Kopp. Hambörg: Verlag der Fehrsgilde

1. Schmidt, Diedrich Heinrich 1970: Gele Rosen. Leer: Schuster

De Vörstand:

Dat bünd veer Lüü:

• CHD: Carl-Heinz Dirks (Emden) as Baas;

• HHB: Hans-Hermann Briese (Nörden) de 2. Baas;

• MBB: Manfred Briese (Esens) is Geschäftsföhrer - un

• WJL: Wilma Lüken (Leer) is Penningmesterske.

De Leden van de Vereen - 2021

• Hier stellen wi nu de Leden van de Vereen vör, so se dat willen.

• Elise Andresen-Bunjes, Mitling-Mark >>> vertellt Märkens, hett nu ok 'n (hdt.) Krimi schreven: Scherbellenskoppen

• Luise Böök, Dunum >>>

• Grieta Bottin, Grootheid >>>

• Hans-Hermann Briese, Nörden >>> bi Wikipedia

• Manfred Briese, Esens >>> www.manfred-briese.de

• Gerd Constapel, Loga >>> bi Wikipedia

• Carl-Heinz Dirks, Emden >>www.ce-ha.de + bi Wikipedia

• Gitta un ...

• Udo Franken, Süüdbrookmerland >>> www.dreebladd.de
  Gitta un Udo sünd ok Muuskanten. Tosamen mit Ute de Haan
  treden se up as DREEBLADD, maken ok Spegelplaten

• Helga Gronau, Ehrenburg >>>>

• Anna-Sabina Herlyn, Nörden >>>

• Helga Hürkamp, Lohne >>> bi Wikipedia

• Menno Ufkes Janssen, Emden >>> https://www.menno-janssen.de/

• Johanna Kastendieck >>> mehr van hör up www.schriftsteller-sh.de

• Wilko Lücht, Moormerland / Ollnbörg >>>
  hett 2016 de „Ostfriesische Grammatik“ schreven

• Wilma Lüken, Leer >>>

• Jutta Oltmanns, Moormerland >>> www. jutta-oltmanns.de
  hett al 'n heel Rieg hoogdüütse Boken schreven

• Birgit Rutenberg, Leer >>> www. birgitrutenberg.de
  hett ok al twee hoogdüütse Krimis schreven

• Gerd Spiekermann, Hambörg >>> www.gerdspiekermann.de

• Heinrich Siever, Cloppenbörg >>> bi Wikipedia

• Elke de Witt, Dornum >>> www.amazon.de/Elke-de-Witt/e/B00455R6IA

De Statuten van de Vereen

§ 1 De Naam un Stee

1. De Vereen draggt de Naam „Schrieverkring Weser-Eems e. V.“.

2. De Vereen hett sien Stee in 26135 Ollenbörg.

3. De Vereen is daar in dat Vereensregister indragen.

4. Gerichtsstand is Ollenbörg.

§ 2 Sinn un Upgaven van de Vereen

1. In de Schrieverkring Weser-Eems sitten plattdüütse Schrieverslüü ut Noordwestdüütsland binanner, man de Vereen is ok för annern open.

2. An eerste Stee steiht dat Schrieven, Verbreden un Wiederhelpen van plattdüütse Literatur.

3. Dat sall bereckt worden

4. - dör Tosamenkummsten tominnst tweemaal in ’t Jahr;- dör egen Veranstaltens un d’r mit bi wesen, wenn anner Verenen un Institutionen plattdüütse Literatur unner ’t Volk brengen;

5. - dör Rutgeven van Boken un Spegelplaten;

6. - dör Sörg dragen daarför, dat Texten van Leden in Rundfunk, Boken, Dagbladen, Tiedschriften un anner Medien publizeert worden.

§ 3 För d’ gemene Nütt

1. De Vereen warkt allennig un direkt för Zwecken, de gemeennüttig un mildgeevsk sünd in de Sinn van de „Abgabenordnung (AO 1977)“.

2. De Vereen warkt sünner Egennütt. He geiht neet jobenaamd egenweertskuppelk Zwecken na.

3. Geld ut de Vereenskass dürt blot för dat utgeven worden, wat in de Statuten steiht. Vereensleden kriegen keen Geld ut de Vereenskass.

4. Dat hele Vereensvermögen word insett för dat, wat wi berecken willen.

5. Nüms dürt dör Utgaven, de nix mit de Zwecken van de Vereen to doon hebben, of dör unmaten hoge Betahlen begünstigt worden.

6. Wenn een de Vereen verlett, of wenn de Vereen sük uplösen deit of uphoven word, hett nüms van de Leden (of sien Arven of Nafolgers) Anrecht up Torüggbetahlen van Bidragen, Spenden of annerseen Recht up dat Vereensvermögen.

7. Wenn de stüürbegünstigte Zwecken van de Vereen wegfallen, fallt dat Vereensvermögen an dat „Bökerschapp in de Landesbibliotheek Ollenbörg“, de dat blot to d’ gemene Nütt för plattdüütse Literatur bruken dürt.

$ 4 Lidd worden

1. Lidd worden könen Minsken, de plattdüütse Texten verfaten.

2. Upnomen worden Schrieverslüü, de sük bewarven un Texten vörleggen, de goodköört (good heten) sünd - dör de Vörstand.

3. Upnomen worden könen ok Schrieverslüü, de al up ’n anner Maneer de Nawies brocht hebben, dat se to de SK passen. Een ut de Vereen mutt hum / hör vörslaan, de Vörstand laadt hör / hum dann in.

4. Lidd worden könen ok Lüü, de keen Texten verfaten, man de de Zwecken van de SK stönen willen. Se sünd as Geldgevers un Raadgevers un Helpers willkomen. Se hebben keen Stemmrecht.

§ 5 Vereensbidrag

1. De Leden betahlen en Vereensbidrag. Over de Höchte van de Bidrag entscheddt de Leden­versammeln. De Bidrag mutt betahlt worden bit to de eerste Warkeldag in ’t Jahr.

§ 6 De Ledenskupp geiht to Enne

1. De Ledenskupp geiht to Enne,

2. - wenn een sien Uttreden schreven vörleggt;

3. - bi enkelde Leden (natürelke Personen) mit hör Dood;

4. - bi juristische Personen mit dat Enn van hör Bestahn;

5. - wenn en Lidd twee Jahr mit 't Betahlen van sien Bidrag achterut bleven is;

6. - wenn en Lidd de Vereensinteressen tegenkrabbt hett, na Menen van de Vörstand.

7. Tegen dat Utsluten kann dat Lidd binnen veerteihn Dagen na Togang van de Bescheed Inspraak inleggen. Over de Inspraak entscheddt de Ledenversammeln mit Tweedardel­mehrheid.

§ 7 Organen

1. Organen van de Vereen sünd de Ledenversammeln un de Vörstand.

2. De Organen besluten mit eenfache Mehrheid van de Leden, de togegen sünd.

3. Daarbi worden Stimmenthollens nich mittellt un ungültige Stemmen ok nich.

§ 8 De Ledenversammeln

1. Elke Jahr word tominnsten een örnlicke Ledenversammeln ofhollen.

2. To elke Ledenversammeln mutt de Vörstand tominnsten 20 Kalennerdagen vördeem en schreven Inladen verstüren un daarbi angeven, waar dat um gahn sall. As Dag van dat Tostellen gellt de eerste Dag na ’t Upgeven van dat Schrieven bi de Post. An de Leden, de daar mit inverstahn sünd, kann de Inladen ok as e-Mail stüürt worden.

3. To en Ledenversammeln mutt nöögt worden, wenn minnstens en Vördel van de Leden dat verlangt, schreven un mit Angaav van Zweck un Grund.

4. De Ledenversammeln is kumpabel un kann besluten, wenn se na de Statuten tostann komen is.

5. De Ledenversammeln beslutt, sowied de Statuten nix anners verlangen, mit eenfache Mehrheid. Bi Stemmengliekheid is en Andrag oflehnt.

6. Daar word open ofstimmt un wählt, wenn nich een van de Leden dat anners beandraagt.

7. En Ledenversammeln is nich openlik.

8. Andragen, over de verhannelt un besloten worden sall, mutten minnstens twee Week vör de Versammeln schreven bi de Vörstand vörliggen.

9. För Verannerns van de Statuten is tominnst en Tweedardelmehrheid nödig.

10. Over de Ledenversammeln word en Protokoll schreven, waar insteiht, wat daar behannelt, besloten un bi rutkomen is.

11. Dat Protokoll kriggt dat Handteken van de Vörsitter un de Schriever un word in de nahste Versammeln vörleggt.

12. Dat Protokoll word de Leden in de Loop van sess Weken tostüürt. Inwendsels tegen dat Protokoll könen van daar of an bit to ’t Vörleggen up de upfolgende Ledenversammeln vörbrocht worden.

§ 9 De Vörstand

1. De Vörstand besteiht ut

2. a) de Schrieverkringbaas / Vörsitterske;

3. b) de Tweede Baas / Tweede Vörsitterske;

4. c) de Geschäftsföhrer / Geschäftsföhrerske;

5. d) de Penningmester / Penningmesterske;

6. e) en Bisitter / Bisitterske.

7. De Vörstand word wählt van de Ledenversammeln för en Törn van dree Jahr.

8. Weerwahl is eenmaal mögelk.

9. Vörstand in de Sinn van § 26 BGB sünd de Baas un de Geschäftsföhrer. Se vertreden de Vereen bi Gericht un buten Gericht in all Vereenssaken.

10. De Baas röppt de Vörstand so faak as nödig binanner. Wenn twee Vörstandsleden dat verlangen, mutt he de Vörstand binnen twee Week nögen.

11. Wenn de Baas sien Amt nich nakomen kann, dürt de Tweede Baas dat overnehmen.

12. De Vörstand kann Upgaven up Mitarbeiders overdragen.

§ 10 Ofreken

1. Dat Geschäftsjahr is dat Kalennerjahr.

2. De Ofreken word alltied to ’t Enn van dat Kalennerjahr upstellt.

3. För de Kuntroll van de Ofreken worden twee Leden van de Ledenversammeln wählt, de neet Lidd sünd van de Vörstand. De Weerwahl is tolaten.

4. De kuntrolleerde Ofrekens worden bi de Vörjahrswarkeldag vörleggt.

§ 11 Uplösen van de Vereen

1. Dat Uplösen van de Vereen kann blot mit Tweedardelmehrheid van de versammelt Leden in de Ledenversammeln besloten worden.

2. För disse Versammeln mutt besünners nöögt worden.

3. För disse Versammeln mutt tominnst de Hälfte van de Leden tosamenkomen wesen.

4. Bi ’t Uplösen van de Vereen fallt dat Vereensvermögen an dat „Bökerschapp in de Landesbibliotheek Ollenbörg“, de dat blot to d’ gemene Nütt för plattdüütse Literatur bruken dürt.

Un dat wi dat neet vergeten:

Disse Statuten sünd (up Düüts) besloten in de Ledenversammeln in Harpstedt an de 20. Oktober 1996. – De eerste Statuten van de Vereen, upsett van Fritz Lottmann un besloten in de Ledenversammeln in Wiefelstede an de 7. Märt 1996 sünd daardör neet mehr in Kracht. (De SKWE hett sük ofspleten van de Ollnbörger Schrieverkring unner 't Dack van de „Spieker", man dat is nu ok al weer 'n heel Sett her, un wi hebben frünnelke Kuntakten.)

De Indragen van de SKWE in 't Vereensregister Ollenbörg was dann an d' 26. Februar 1997. Un up de Versammeln van d' 12. April 2008 hebben wi de Statuten ok up Platt besloten, so as de „Europäiske Charta för regionale un minner bruukte Spraken“ dat mögelk maakt. De plattdüütse Text gellt nett so as de hoogdüütse.

De Schrieverkring Weser-Eems word nu 25.
Dat sall ok fiert worden. Wi planen - vör all wegen Corona - för 't Najahr 2022.