塗城國小的台語Podcast時間:每周三早上八點!
拜三透早八點,歡迎逐家收聽塗城國小的台語Podcast,由咱學校二年仔佮五年仔的小朋友替逐家佇空中服務!
本學期的Podcast節目攏佇下跤,歡迎家長點播收聽:
嗶嗶嗶-205郭力齊+209張靖鎂
作者/王金選
嗶,嗶,嗶嗶嗶!
阿舅 山頂種咖啡;
嗶,嗶,嗶嗶嗶!
阿妗灶跤煮咖啡;
嗶,嗶,嗶嗶嗶!
阿姨 市場買咖啡;
嗶,嗶,嗶嗶嗶!
阿姑 請我吃酥餅配咖啡!
這隻鹿仔真古錐-207林佩瑩+207張芯菱
作者/王金選
這隻鹿仔 真古錐,
耳仔大大對,目睭大大蕊;
穿一領花仔衫,咖啡底,白花蕊,
看起來 有夠媠!
這隻鹿仔 真趣味,
短短的尾溜,瘦瘦的跤腿;
頭殼頂,發樹枝,親像是咧種啥物。
鹿仔兄,借問你:你這領衫,遮爾媠,
若欲買 愛去佗一間公司?
你的頭頂發樹枝,到底是種啥物?
敢會生出好食的果子?
是紅柿?抑是紅肉李?
阿旺看卡通-207張薽予+209曾詩云
作者/王金選
阿旺阿旺
規工看卡通
看甲規个人戇戇
看著阿媽 叫阿公
看著青燈
伊喝停停停
看著紅燈
伊喝衝衝衝
山頂五隻虎-209向容萱+209薛佩宜
作者/王金選
一二三四五,
山頂五隻虎;
一隻學拍拳,
一隻學拍鼓;
一隻洗菜頭,
一隻洗茶鈷,
一隻佇門口埕
曝筍乾、曝菜脯!
阿媽跟我LINE-205王苡棠+205林芷瑩
作者/王金選
你講嗨!(嗨)我講嗨!(嗨)
阿媽逐工共我LINE,
一日幾落擺;
阿媽有時去peh山,
有時去看海,
有時去挽花,
有時去沃菜,
伊逐工心情攏袂䆀!攏袂䆀!