有聲音的批

主持人：505黃柏量、211何芮恩

小來賓：203李宇凡、203賴妍諠

203張庭榛、203張婷諭、210謝淮森

節目主題：

塗城國小二年仔的小朋友，這擺透過台語Podcast來傳達in對阿母的感謝，寄出珍貴的「有聲音的批」。

• 二年三班張庭榛：「阿母，多謝你照顧我，我想欲飼一隻古錐的狗仔，阿母，辛苦矣！親愛的阿母，我愛你，祝你母親節快樂！」

• 二年三班李宇凡和二年十班謝淮森：「阿母，我上佮意佮你做伙看電影、拍電動、拍籃球、食飯，佮你做啥物攏歡喜，你閣會逐工載我去讀冊，替我洗碗，希望阿母永遠平安健康，祝你母親節快樂！」

• 二年三班張婷諭：「親愛的阿母，這禮拜是一个真特別的日子，我做一張卡片欲予你，多謝你逐工攏辛苦照顧我，我永遠愛你，祝你母親節快樂！」

• 二年三班賴妍諠：「阿母，多謝你逐工照顧我，閣𤆬我出去耍，替我洗衫，我袂曉寫功課的時，你攏會共我教，閣替我縛頭毛，阿母，我愛你，祝你母親節快樂！」

• 主持人黃柏量：「親愛的阿母，多謝你一直共我支持佮鼓勵，予我放心做我想欲做的代誌，我才有這个勇氣來做Podcast的主持人，閣佇學校內底，挑戰真濟無仝款的代誌，有你真好，祝你母親節快樂！」

月光掖佇東門城

歌手：嚴詠能

主持人：505黃柏量、六年級學長

節目主題：

今仔日欲介紹的這首「月光掖佇東門城」，就是咧講中元節的時陣屏東人會佇恆春古城的東門邊舉行非常刺激的搶孤活動！歌詞內底描寫真濟少年人，為著搶孤，一个一个親像露螺仝款，沓沓仔peh上天，下跤的觀眾滿滿是，像狗蟻仝款，逐家攏做伙替這陣滒甲黏黐黐的參賽者拍噗仔、加油！

芫荽 

歌手：琳誼

主持人：505黃柏量、505陳柏妤

節目主題：

「芫荽」的意思就是香菜，這禮拜介紹的這首歌是咧講，芫荽有人愛食，有人無愛，親像每一个人佮意的對象攏無相仝，兩个人欲作伙愛拄好你佮意，我嘛歡喜才會使。

媠花

歌手：青虫 (aoi)

主持人：510周士原

節目主題：

「媠花」的意思就是漂亮的花，這首歌是咧講，每一个人攏像一蕊花，有無仝款的色水，就親像每一个人攏有家己厲害的所在，毋免去煩惱家己和別人無仝款。用華語來解釋就是講：「每個人都是獨一無二的，就像每朵花都有不同的顏色和香味！你不用擔心自己和別人不一樣。」