Services

𝑺𝒂𝒚𝒓𝒐𝒏 𝒕𝒂!

Nakabalo ba ka nga ang buhatan sa City Social Welfare and Development Office (CSWDO) padayon nga nagahatag ug Certificate of Indigency alang sa mga kwalipikadong indibidwal nga gustong makadawat sa serbisyo sa Public Attorney's Office ug makadiskwento sa mga serbisyo sa Local Civil Registrar?

Ang maong sertipikasyon magamit alang sa pagpangayog serbisyong legal sa PAO ug pagproseso sama sa Late Registration, ug Correction sa Birth Certificate sa LCR.

Susiha ang mga rekisitos para maka-avail sa maong serbisyo ug duola ang buhatan aron sa dungag kasayoran.

#inklusibongcswdo #WeAreTagum #CityOfHarmony

𝘽𝙮𝙖𝙝𝙚𝙣𝙜 𝙡𝙤𝙠𝙖𝙡 𝙠𝙖𝙪𝙗𝙖𝙣 𝙖𝙣𝙜 𝙢𝙞𝙣𝙤𝙧? 𝙎𝙖𝙮𝙧𝙤𝙣 𝙏𝙖!

Na ba kay plano mubiyahe sulod sa nasud uban ang usa ka menor de edad nga dili nimo anak?

Kung naa, siguroha nga kompleto ang imong rekisitos para sa Minors Travelling Domestically. Tumong niani nga mahatagan og proteksyon batok sa human trafficking ug uban pang risgo, ug nagsiguro nga ang mga kabataan makabiyahe nga luwas ug lig-on ang legal nga basihanan.

Basin diay ikaw o ang imong mga kaila nagkinahanglan niini, sayra ang mga gikinahanglan para sa mas hapsay nga byahe.

Para sa dugang kasayuran, duola ang City Social Welfare and Development Office nga nahimutang sa City Hall sa atong Lungsod.

#inklusibongcswdo #WeAreTagum #CityOfHarmony

𝑵𝒂𝒔𝒂𝒚𝒐𝒅 𝒃𝒂𝒌𝒂 𝒔𝒂 𝑺𝒐𝒍𝒐 𝑷𝒂𝒓𝒆𝒏𝒕 𝑷𝒓𝒐𝒈𝒓𝒂𝒎?

Kani nga Programa gina-implementar ilalom sa City Social Welfare and Development Office (CSWDO). Subay sa Republic Act No. 8972 o “Solo Parents’ Welfare Act of 2000” nga gi-amend ug gi-palapdan sa Republic Act No. 11861 (“Expanded Solo Parents Welfare Act”, 2022), mas gipalawig ang suporta ug proteksyon alang sa mga solo parents.

Giduso usab sa Lokal nga Panggamhanan sa Tagum ang City Ordinance No. 710, s-2015 – “Solo Parents’ Welfare Ordinance of Tagum City” ug City Ordinance No. 911, s-2021– “GAD Code” isip pagsuporta sa kanhi nga sektor. Pipila sa mga benepisyo sa maong mga balaod ang:

☑ Educational Assistance

☑ Financial Assistance para sa Medical, Burial ug First-born Birth Delivery

☑ Livelihood Skills Training

☑ Monthly Honorarium sa Barangay Solo Parent Presidents

Giduso sab ang City Ordinance No. 985, s-2021 nga nagamando nga ang tanang food establishments maghatag og discounts sa mga rehistradong solo parents sa Tagum City. Gani nagpadayon ang buhatan sa CSWDO sa pag apud-apod sa Solo Parent Booklet ug ID sa tanang kwalipikadong indibidwal.

Tan awa ang nagkalain-laing klasipikasyon sa mga Solo Parent ug sayra kung ikaw kwalipikado!

#inklusibongcswdo #WeAreTagum #CityOfHarmony

𝘾𝙚𝙧𝙩𝙞𝙛𝙞𝙘𝙖𝙩𝙚 𝙤𝙛 𝙄𝙣𝙙𝙞𝙜𝙚𝙣𝙘𝙮 𝙥𝙖𝙧𝙖 𝙨𝙖 𝙋𝙝𝙞𝙡𝙃𝙚𝙖𝙡𝙩𝙝? 𝙎𝙖𝙮𝙧𝙤𝙣 𝙏𝙖!

Ang pagpanghatag ug Certification alang sa mga indigent individual aron maka avail sa mga nakalain-laing benepisyo ilalom sa PhilHealth, ginapahingusgan sa buhatan sa City Social Welfare and Development. Tumong niani nga mahatag ang saktong serbisyo o benefits sa pagpatambal/hospitalizations sa mga indigent individuals sa bisan asang balay tambalanan nga PhilHealth accredited.

Busa, kung isa ka o naay kailang indigent nga gustong maka avail niani, bisitaha ang CSWDO aron sa dungag kasoyaran ug susiha ang mga requirements para sa mas paspas nga serbisyo.

#inklusibongcswdo #WeAreTagum #CityOfHarmony