God sommar!

Då er det klart for å ynskje alle elevar og heimar ein retteleg god sommar.

Velkomen til skulestart i aulaen på nye Volda ungdomsskule måndag 21.august klokka 08.20. I den nye skulen må alle elevar ha innesko. Skuledagen blir avslutta 11.25.

Godt nytt år 2022 

Det er skulestart for elevar på VUS tysdag 4.januar kl. 08.20. Vi er framleis på gult nivå, noko som gjer at alle elevar må sprite hender når ein kjem inn og så gå rett til klasseromet sitt utan å stoppe i t.d. vestibyle eller aula.

Minner også om informasjon frå Volda kommune:

For å sikre ein god start på det nye året og sikre ein smittefri skulestart, ber vi om at alle elevar og tilsette tek hurtigtest før dei møter på skule eller SFO når det nye skuleåret tek til.

Regjeringa har kome med oppmoding om at alle tilsette i barnehagar og skular testar seg i samband med skulestart etter juleferien.

Det same gjeld for elevar i grunnskulen. Merk: gjeld ikkje barn i barnehage.

Difor har teststasjonen fylgjande melding:

1: Formålet med at alle tilsette og elevane testar seg, er å fange opp smitte før oppstart.

2: Ta hurtigtest innafor 24 timar før ein går på skule, SFO eller jobb første dag etter ferien.

3: Dei som har hatt Covid-19 siste tre månader skal ikkje ta test.

4: Hurtigtest kan hentast på skulen, dersom ein treng det. Informasjon om henting vil kome frå den enkelte skule.

5: Dersom ein testar positivt på hurtigtest melder ein inn resultatet på Volda kommune sine nettsider. Ein vert då kontakta av smittesporingsteamet. https://www.volda.kommune.no/beredskap/positiv-hurtigtest/

6: Det er VIKTIG at heimane fyl med på helsetilstanden og sjekkar om eleven utviklar symptom i 10 dagar. Ha lav terskel for å teste deg ved milde symptom.

7:Til orientering: https://www.volda.kommune.no/beredskap/  og Ansatte i skoler og barnehager får unntak fra smittekarantene i arbeidstiden - regjeringen.no

https://www.volda.kommune.no/.../testing-for-skulestart...

Det blir utlevering av hurtigtestar  i vestibylen på VUS måndag 3.januar, 14.00 - 15.30.

Kunnskap om smitte blant barn og unge

Mange foreldre har spørsmål om den aukande smitta og konsekvensane for barn og unge. FHI har nyleg oppsummert kunnskapen dei har om barn og smitte, og du kan lese meir her:

Les mer om smitte blant barn og unge på udir.no 

Godt nytt år 2021!

Vi må diverre starte det nye året annleis enn tenkt:

Melding frå avdelingsleiar skule og rektor ved Volda ungdomsskule:

Regjeringa melde i dag om at alle ungdomstrinna skal over på raudt nivå frå og med måndag 4.01.21 og to veker framover. For VUS betyr det mellom anna at vi skal tilbake til om lag 20 elevar i kvar kohort og nokre fleire restriksjonar enn skulen har på gult nivå. For å få dette til på ordentleg vis treng skulen måndag 4.01.21 for å organisere seg.

Elevane på VUS skal ha digital heimeundervisning måndag 4.01.21 og møter kl. 08.20 på google meet. Det vil kome informasjon klassevis i løpet av måndag korleis skuleveka vil sjå ut for elevane. Skyss går som normalt både til og frå skulen i perioden.

Valfag media i 8. klasse har laga to flotte digitale skuleaviser!

Desse kan du lese her:

Avis 1

Avis 2

Melding frå rektor og avdelingsleiar skule 08.11.20:

Måndag skal elevane møte som vanleg på skulen. Ein er ferdig med karantenetid, for dei det gjeld, og heimeskule for denne gong. Vi driv skule på gult nivå. Hugs smittevernreglane og nasjonale råd vi har fått.
NB: berre dei som er FRISKE møter på skulen. Dersom nokon har spørsmål, ta kontakt med kontaktlærar eller rektor.

Fylgjande informasjon er sendt ut på SMS til føresette 01.11.20:

Frå rektor, VUS og avdelingsleiar skule

 9.trinn;
Heile 9. trinn skal ha heimeskule med vanleg timeplan komande veke. Måndag møter elevane klokka 09.00 i sitt Classroom, der finn dei lenke til klasse-Meet. Resten av veka møter elevane til vanleg tid kl.08.20 i sitt Classroom, der finn dei lenke til dei ulike faga. For 8. og 10. trinn vert det skule som vanleg, med same tiltak som før, på gult nivå. Dersom nokon meiner dei har behov for test tek ein kontakt med testsenteret i Hovdebygda tlf: 70058960. Kontaktlærar kan ta evt. spørsmål vidare til rektor.

8. og 10 trinn:
Komande veke vert det heimeskule for 9. trinn pga at ein elev på trinnet har påvist covid-19 og mange er sett i karantene. For 8. og 10. trinn vert det skule som vanleg, med same tiltak som før, på gult nivå. Dersom nokon meiner dei har behov for test tek ein kontakt med testsenteret i Hovdebygda tlf: 70058960. Kontaktlærar kan ta evt. spørsmål vidare til rektor.

Viktige meldingar blir sendt til føresette via e-post og sms. For å kunne motta desse meldingane må ein vere registrert med korrekt e-postadresse og telefonnummer. Vi ber alle om å gå inn i Tietoappen og sjekke at det ligg korrekt informasjon der.

Fylgjande informasjon vart sendt ut til alle heimar 30.10.20:

Informasjon til elevar og føresette

Vi opplever i dag at covid-smitte og mange i karantene pregar nyhendebiletet i Volda dei siste dagane. Det betyr også at mange har spørsmål og behov for å få informasjon og vere trygge på at det skjer som skal skje, at dei som har ansvar gjer det dei skal. Vi har ei kriseleiing og ein organisasjon som jobbar godt og effektivt. Avgjerdene som gjeld i kommunen vert drøfta og tekne på fagleg og sosialt grunnlag.

Vi må vere budde på at vi kan få beskjed om å stenge skulen heilt eller delvis. Det er kommuneoverlegen og kriseleiinga som drøftar tiltak når ein har jobba med smittesporing og kartlagt ein situasjon. Til sjuande og sist er det kommuneoverlegen som bestemmer tiltaka. Ei kartlegging kan også utvikle seg vidare og nye tiltak kan bli sette inn. Smittesporingssenteret i Hovdebygda jobbar godt og teststasjonen vil vere open også søndag denne veka. Alle bør følgje med på informasjon frå Volda kommune.

De vil få den informasjonen de treng dersom det skjer noko på vår skule. Alle nærkontaktar blir kontakta av smittesporingsteamet og dersom noko er uklart så tek ein kontakt sjølv. Alle privatpersonar skal forhalde seg til retningslinjene vi har fått frå nasjonalt hald og følgje med på om det skjer noko meir lokalt i Volda. Alle har til slutt eit ansvar for å vurdere sin eigen situasjon.

Elles må vi følgje smittevernråda, i klassene og mellom tilsette. Har du meteren er du framleis nærkontakt. Det skal vere 2 meter for å unngå å vere nærkontakt. 1 meter er for å redusere sjølve smittefaren. Mellom barn og unge er smittefaren mindre enn mellom vaksne, difor held regjeringa fast på klassene som kohortar.

Dei tre grunnpilarane er framleis dei same:

1. Sjuke personar skal ikkje vere på skulen

2. God hygiene. (sjå råd om handvask på FHI)

3. Redusert kontakt mellom personar

Vi ber alle føresette sjekke om telefonnummer og e-postadresse stemmer i Tieto.

Med helsing

Inger-Anne Kvamme, rektor
Volda ungdomsskule,

Frå kunnskapsdepartementet: "Informasjon til foreldre om barn og koronavirus". 

Her finn du samleside med nyttig informasjon i kortversjon.

Informasjon til heimane frå helsestasjonen

Når barnehagar og skular er stengde  vert dagleglivet endra. Vi må vere heime, og barn/elevar får ikkje ta del i fellesaktivitetar på fritida. Her finn de informasjon om kvar de kan  vende dykk for å få hjelp, støtte og rettleiing dersom de strevar i dagleglivet.