BIGARREN JARDUERA

Orain, zenbait olerki hainbat hizkuntzatan irakurriko dituzue. Aukera itzazue bizpahiru, eta azpimarratu ideia nagusiak, olerkiaren gaia; bila itzazu Odisearen protagonistak, eta azkenik, saia zaitezte Homerok sortu zuen lanarekin erlazionatzen.

ITZULERA

Urteak eta urteak iragan ziren eta, azkenerako, itzuli zen.

Itsas ertzetik paisaia aldatu samarra zegoen,

zakurrak zaunka hasi zitzaizkion.

Semea ez zuen ezagutu, gerlaruntz abiatu zenean

tipiegia utzi baitzuen sehaskan.

Eta eskeini zioten saldaren zaborea ez zen

gogoratzen zuen saldaren zaborea.

Eta lotarako eskeini zioten ohea ez zen behialako

ohea bezain leuna.

Eta Penelopetzat aurkeztu zitzaion anderea

ez zen Penelope.

Joseba Sarrionandia

Joseba Sarrionandia irakurri ondoren, klika ezazu hemen