Embedded Files
台灣囝仔歌
1. 笨惰仙
一天過了又一天，身軀無洗全全繡，走去溪邊洗三遍，毒死鰗魚數萬千。
2. 秀才騎馬弄弄來
秀才秀才騎馬弄弄來，置馬頂跋落來，跋一下真厲害。嘴齒痛糊下額，目賙痛糊目眉。腹肚痛糊肚臍，嘿！真厲害。
3. 羞羞羞
羞羞羞羞羞，提籃仔撿泥鰍，羞羞羞羞羞，提籃仔撿泥鰍，弄總撿若多？哎呦弄總撿兩尾啦！弄總撿兩尾，一尾煮來吃，一尾糊目賙。哼！羞羞羞羞羞
4. 大頭旺仔一粒珠
大頭旺仔一粒珠，相打不認輸，夯竹篙，托金龜，金龜一下飛，大頭旺仔放風箏， 風箏斷了線，大頭旺仔傢伙去一半。
5. 一年仔悾悾
一年仔悾悾，二年仔孫悟空，三年仔吐劍光，四年仔愛膨風，五年仔上帝公，六年仔閻羅王。
6. 一二三四
一二三四，一二三四，囝仔人驚著無代誌，無代誌，土地婆仔會保庇，保庇你細
7. 漢好搖飼，保庇你大漢會順適，會順適。一二三四，一二三四，囝仔人脫衫無代誌，無代誌，土地公仔會保庇，保庇你細漢好搖飼，保庇你大漢會順適，會順適。
8. 十二生肖歌
一鼠賊仔名，二牛駛犁兄，三虎爬山棚，四兔遊東京，五龍皇帝命，六蛇給人驚，七馬走兵營，八羊食草嶺，九猴爬樹頭，十雞啼三聲，十一狗顧門埕，十二豬是菜刀命。
9. 一隻猴跋落溝
一隻猴真正賢，帶一群猴仔去溝仔，一隻猴，跋落溝，彼隻猴，進去提鉤來鉤猴。
10. 和尚弄破鼓
和尚和尚弄破鼓，提褲來補鼓，鼓破褲補，褲破布補，到底是布補鼓，也是褲補鼓。
11. 猴和狗
樹頂一隻猴，樹下一隻狗，猴跋下來撞到狗，狗吠猴哮，猴走狗也走，不知猴驚狗抑是狗驚猴。
12. 人插花，伊插草
人插花，人插花，伊插草。人抱嬰，人抱嬰，伊抱狗。人未嫁，人未嫁，伊先走。人坐轎，人坐轎，伊坐畚斗。人睏紅眠床，哎呦伊睏屎骯仔口。
13. 掠毛蟹
掠毛蟹來去掠毛蟹，大家行到大肚溪，大肚溪底毛蟹多，唉喲害阮給伊咬一下，唉喲唉喲害阮給伊咬一下，咬一下。
掠毛蟹來去掠毛蟹，透早走到海埔地，大家認真掠毛蟹，唉喲弄總掠到一飯篱，唉喲唉喲想著實在真歹勢，又真歹勢。
掠毛蟹來去掠毛蟹，也可以吃又也可賣，認真掠又掠真多，唉喲返去放在眠床下，唉喲唉喲乖乖不可亂亂爬，又亂亂爬。
三更半眠誰人咧，歹心給阮擰一下，掀開棉被看詳細，唉喲床頭床委尾全毛蟹，唉喲唉喲又攔給阮咬一下，又咬一下，弄總咬四下，唉喲，唉喲，唉喲。
14. 落大雨
落大雨，透大風，天烏地暗打雷公，門口積滿水，有路行不通。
落大雨，透大風， 雞仔鴨仔驚雷公，避去簷前腳，驚到憨憨憨。
15. 點仔膠
點仔膠，黏著腳，叫阿爸，買豬腳，豬腳塊仔，滾爛爛，拐鬼囝仔流嘴涎。
16. 台灣是寶島
喂喂喂，台灣出甜粿，甜粿真好吃，台灣出木屐，木屐真好穿，
台灣吃嘉鴒，嘉鴒突突飛，台灣出風箏，風箏好好玩，
台灣出銅鑼，銅鑼真正好，台灣是寶島。
17. 月娘月光光
月娘月光光，老公仔掘菜園，菜園掘鬆鬆，唉喲老公仔欲種蔥，
蔥無芽，要種茶，茶無花，要種瓜，瓜無籽，
掠著一隻大老鼠，老公仔氣到將要死，老婆叫伊歸去 種木耳。
18. 台灣小吃
大頭大頭生後生，唱歌要唱Do Re Me，
Do Re Me，Do Re Me，大頭仔賣肉羹，肉羹結歸丸，
大頭講伊要賣肉丸，肉丸歹吃無人買，大頭賣碗粿，
碗粿碗粿冷枝枝，大頭氣著賣花枝，花枝花枝真臭腥，
大頭換來賣米糕，米糕燒滾滾，大頭講伊要賣米粉，
米粉爛爛真細碗，大頭不知要按怎。
Page updated
Google Sites
Report abuse