★閩南語文章創作

                                                                                          學閩南語真心適 　　                                                                    

                                                                                                                                                                                                         林瑞吉、吳秀瑤

「白鷺鷥，車畚箕，車到溪仔墘，跋一倒，怯著二先錢，一先，撿起來好過年，一先買餅送大姨。」隔壁的音樂教室傳來陣陣的歌聲，綴著音樂的旋律，雄雄予我想起我上佮意的白鷺鷥，這嘛是我學的第一首閩南語童謠呢！聽咧聽咧，我的心內嘛綴咧唱起來，頭殼內嘛脰脰仔想起我細漢的時陣，學閩南語的種種。

佇我囡仔的時，有當陣聽著大人用閩南語咧交談，離離囉囉攏聽毋捌因咧講啥？因為一出世，聽著的講的學的攏是華語，佇厝裡阿爸阿母攏是用華語來佮阮講話，根本沒機會.接觸著.閩南語這個遮呢媠兮.台灣本土語言。佇我有記持以來，第一拜聽著閩南語是去外嬤兜，彼時阿嬤牽著我的手共我講：「阿孫仔，足久沒看，妳攏遮大漢仔，有想阿嬤無？」彼當陣聽無阿嬤咧講啥？目睭展甲大大蕊，閣以為阿嬤是講欲提啥物好吃物仔予我食呢？一路憨憨綴阿嬤行，心裡足歡喜也。後來，佇阿嬤兜蹛幾仔禮拜，遮脰脰仔聽有閩南語，毋閣嘛干若聽捌一寡簡單的生活用語，較特殊的俗語抑是地方特別的語詞就聽毋捌伊的意思，親像聽到少年人做歹的新聞，阿媽就會講「細漢偷挽匏，大漢偷牽牛。」隨後就甲阿母交代講：細漢若毋熨，大漢熨袂屈。囡仔是上天真、上古錐、上蓋無心機的。īn無彎無曲，親像一張白紙，愛有父母用心的晟養，才會當長大成人；阿吶食飯的時，阿嬤嘛定定講「食魚食肉，也著菜佮。」注重食的營養，安呢才會予阮趕緊大漢。

「捷聽會順.捷做就袂鈍」，嘛因為安呢才予我對閩南語擱卡有興趣，逐天綴佇阿母的尻川後，問東問西，感覺真心適，為甚麼同款的一句話，同款的意思，華語跟閩南語有遐爾大的無仝。擱另外一件，讓我感覺閩南語上趣味的，就是布袋戲，定定看史艷文出場的時，攏也先念一段口白，足酷耶啦!聽久就給伊學起來了。有一拜，阿母罵我考試亂七八糟，攏不用心，我就學史豔文說：「人有縱天之志，無運不能自通， 馬有千里之行，無人不能自往，時也、命也、運也，非我之所不能也。」 聽到遮，原本足生氣的阿母竟然笑起來，就這樣，大事化小事，小事化無事，擱有糖仔好吃，看來，學閩南語真正秣壞。

讀小學了後，學校有閩南語課，我靠勢著細漢時就講了真輪轉，想講我應該什麼攏會曉，所以佇上課的時，我攏是心不在館，後來老師發現我這個狀況，共我揣去問原因，伊講一句「一日拍鳥，三日挽毛；三日沒餾peh上樹。」問我是什麼意思，我搖頭，老師就解釋予我聽，伊講這句話的意思是講讀冊若準三日不複習的話，就會生疏，就會袂記了了。你叫是家己攏學會曉仔，就會使不免學習，安呢你早前所學的，久來就會袂記。閣再講學問是萬底深坑，還有遐爾濟你不捌的詞語，古早人嘛講「好天，著存雨來糧」，又閣講：「花開在春天，求學在少年。」聽完老師的話，我才知影到家己是古井水蛙，武字無一撇，以為學著的閩南語就是全部，原來猶擱有遐爾濟是我不知影的智識，除了佇上課的時，我拍拼綴老師學習，老師嘛教導阮閩南語童謠，親像是白鷺鷥，點阿膠、秀才騎馬弄弄來，遮的閩南語歌深深打動我的心，經過閩南語課程予我知影，學閩南語真是一件真心適的代誌，毋若俗諺語讓予人捌道理，連歌曲攏真心適呢！

一擺練習的機會

                                                                                                                                                               林瑞吉、吳秀瑤

    俗語講：「機會是留予準備好的人的」，有準備就有機會，機會嘛不是定定有的，有時陣是真無簡單才爭取到的，親像我即嘛代表學校，出來比賽閩南語演講仝款，嘛是經過兩關的挑戰，才會當綺佇遮。機會，對一个人亦是一个團體來說，是非常重要，咱一定愛好好啊把握，所以，除了平時的訓練之外，閣有任何比賽亦是表演的浪縫，將時間抓予好勢，閣再練習一遍，為比賽做最好的準備，我相信成功一定是咱的。

舊年年底阮品仔隊代表學校去文化處比賽，彼是一个難忘的經驗，猶會記得阮拄走入會場時，逐家攏足緊張，啊我是驚甲跤手尾仔皮皮tshuah，因為阮來了卡早，老師看時間隔有冗，就毛阮到邊仔的空地仔練習，排好隊型的時，老師愛阮調整好心情，鼓勵阮愛放輕鬆，甲氣調予順，就像佇學校練習的時仝款，上好的表現出來，老師總是知影安貼阮的心。風一陣一陣吹過來，阮綴著老師的指揮，將優雅的旋律慢慢從品仔吹奏出來，時間過了誠緊，連密就輪到阮比賽，雖然緊張毋閣內心真步定，因為拄才練習的感覺，提升逐家的信心。

終算輪到阮出場，逐家帶著滿滿的笑容洽自信，逗逗仔走上台頂，綴著老師的指揮手勢，輕快的旋律響遍音樂廳，阮將練習的熟手徹底表現出來，我目啁闔闔專心吹品仔，就像最後一擺練習兮時仝款，不知不覺中終算表演結束，聽到逐家的拍樸仔聲，閣看著替阮化妝的老師和志工阿姨攏歡喜洽笑袂煞，我也放下心中的大石頭，因為阮的表現實在太精采矣。

俗語說：「勤快勤快，有飯閣有菜；三日無留、爬上樹」。人生的路上，隨時要練習、揣好勢，等待上台的機會。我會記得有一个成功的企業家說過，伊講：「你看，大多數的溪仔都很寬，這不是擺好看的，亦不是地太多，伊是要遇到大風颱亦是大雨時，才能當消化大量的水」閣有一句話說：「成功只是比別人多打拼五分鐘」只要比別人多打拼一寡，就會多贏人一點，把握一次練習的機會才會當得到好的成績，也得到快樂的回憶，好的機會不多，必須要好好把握。人講：台上三分鐘，台下10年功。毋論按怎講，佇每一擺練習的時陣，阮總是抱著期望練習，祙放過任何時間，因為按捏，我相信成功一定是阮的，所以，大家是不是愛好好把握每一擺機會練習呢？

★行銷有機菜園鬥嘴鼓

★林筠容老師參加本縣107學年度本土語言素養導向教學實踐案例甄選榮獲佳作

★林筠容老師以為踅夜市主題之進行數位教材錄製