~ Kvennakórinn Heklurnar ~

  ...Kórinn sem bakar ekki.
 
Heklur eru jákvæður og skemmtilegur  25-30 kvenna kór, sem var stofnaður í Mosfellsbæ árið 2003.  Stjórnandi er Lilja Eggertsdóttir.

Undirtitill kórsins er ,, kórinn sem bakar ekki "  og kveða lög kórsins á um að ekki sé stunduð fjáröflun í formi kökubasara eða farandsölu af nokkru tagi á hans vegum.  

Kórinn skipa konur úr Mosfellsbæ og nágrannasveitarfélögum, sem hafa yndi af því að syngja í góðum hóp og æfir kórinn vikulega yfir vetrarmánuðina.  Æfingar eru í sal Varmárskóla á þriðjudögum klukkan 19:30-22:00.

Starfið er á jákvæðum nótum með það markmið í huga að samvera og söngur hafið sálarbætandi áhrif.  Viðfangsefni kórsins hafa verið af ýmsum toga í gegnum tíðina allt efir því hvaða viðburðir eru framundan á starfsárinu.  

Kórinn fer í æfingarbúðir yfir eina helgi í lok febrúar.  Sungið er við eina messu á starfsárinu.  Vortónleikar eru í maí.  Aðrir viðburðir eru breytilegir frá ári til árs.