Ola nenas e nenos!

Xa estaremos no mes das Letras Galegas (domingo 17 de maio).

Como ben recordaredes nesta data sempre facemos un festival onde homenaxeamos ao autor (este ano é Ricardo Carvhalo Calero)

e tamén cantamos o HIMNO GALEGO

Pois propóñovos un reto:

"Cantar virtualmente todos xuntos o Himno"

neste enlace tedes máis información sobre o himno

Os Pinos

Que din os rumorosos

na costa verdecente

ao raio transparente

do prácido luar?

Que din as altas copas

de escuro arume arpado

co seu ben compasado

monótono fungar?

Do teu verdor cinguido

e de benignos astros

confín dos verdes castros

e valeroso chan,

non des a esquecemento

da inxuria o rudo encono;

desperta do teu sono

fogar de Breogán.

Os bos e xenerosos

a nosa voz entenden

e con arroubo atenden

o noso ronco son,

mais só os iñorantes

e féridos e duros,

imbéciles e escuros

non nos entenden, non.

Os tempos son chegados

dos bardos das edades

que as vosas vaguedades

cumprido fin terán;

pois, donde quer, xigante

a nosa voz pregoa

a redenzón da boa

nazón de Breogán.

Como o imos facer?

• Primeiramente tedes que aprender ben a canción: o fraseado da letra, a entoación, o ritmo...

• Non teñades présa, un pouquiño cada día.

• Unha vez que xa estades preparados pedides axuda para que vos graven en vídeo (***móvil en horizontal***)

• Tedes que poñer o AUDIO cantado por min (tedes que perdoar a falta de calidade pois na casa non teño máis medios técnicos), "enchufades os cascos para escoitar a música", esperades a introdución e empezades a cantar: xa sabedes non é necesario facelo en ton forte.

• Se vos gusta o resultado enviádesme o vídeo a este teléfono ou correo:

629758356

bibliotecaceleiro@gmail.com

• Tedes de tempo ata o martes 12 de maio, ás 14:00 horas.

• Cos vídeos que me enviedes farei unha edición especial onde apareceredes tod@s @s que vos animedes a participar.

MOITO ÁNIMO!!!