Benvid@
O Bar Orense é unha empresa familiar, os seus propietarios son orixinais da bisbarra do Ribeiro (Ribadavia-Ourense) con gran tradición no cultivo da vide, produción de viño e licores caseiros. Dende que se estableceu o negocio familiar para comercializar o viño e licores caseiros dos colleiteiros do Ribeiro en Santiago de Compostela en maio do ano 1964, xa pasaron máis de 50 anos atendendo a tres xeracións de composteláns, pelegríns e turistas.
Á fronte do negocio, Juan e Manola durante todos estes anos fixeron do lugar de traballo a súa propia casa e dos seus clientes a súa familia, de aí que sexan considerados cómo propios tamén polos seus clientes. Actualmente Jorge, o seu fillo, segue coa tradición e despois de tantos anos de servizo pódese comprobar que os clientes o seguen a agradecer coas súas continuas visitas.
Onde estamos
Os nosos amigos
Unha tradición
¡O espadeiro! ¡Acios mouros, cepas tortas,
follas verdes, douradas e vermellas,
gala nas terras vivas de Castrelo…
¡Como canta ó caír nas brancas cuncas
desde as pintadas e bicudas xerras!
¡Como latexa e brilla ó coroalas!
¡E como loce e ri cando as adreza,
asemellando fíos de rubises,
cun rosario de escumas sanguiñentas!
Cando nas mornas tardes de romaxe
vai na alombada pipa taberneira
ó souto que se estende ó pé da ermida
onde as campanas repinican ledas.
De Ramón Cabanillas
(Da terra asoballada, 1917)
Unha dedicatoria