ໜວ່ຍພັກຫໍສະໝຸດກອງທັບ ຈັດຕັງພິທີຮັບສະມາຊິກພັກສົມບູນ ແລະ ສະຫຼຸບການເຄື່ອນໄຫວວຽກງານປະຈຳເດືອນ 3/2025 ພ້ອມດ້ວຍວາງທິດທາງແຜນການປະຈຳເດືອນ 4/2025 

ໃນເວລາ 8:30 ຂອງເຊົ້າວັນທີ່ 27 ມີນາ 2025. ທີ່ຫໍສະໝຸດກອງທັບ, ໄດ້ມີພິທີຮັບສະມາ ຊິກພັກສົມບູນຂື້ນ ໂດຍການເຂົ້າຮວ່ມເປັນປະທານຂອງ ສະຫາຍ ພັທ ນ. ຄູນທອງ ທຳມະວົງ ຮອງເລຂາໜວ່ຍພັກ, ຮອງອຳນວຍການຫໍສະໝຸດກອງທັບ. ມີບັນດາສະຫາຍຄະນະໜວ່ຍພັກ ສະມາຊິກພັກສົມບູນ ແລະ ສຳຮອງໃນໜວ່ຍກໍ່ມີໜ້າເຂົ້າຮວ່ມຢ່າງພ້ອມພຽງ.

ສະຫາຍ ພັທ ດຸມເພັດ ສະຫຼຽນຄຳ ຄະນະພັກ ຮອງອຳນວຍການຫໍສະໝຸດກອງທັບ ຂື້ນຜ່ານຂໍ້ຕົກລົງຂອງຄະນະພັກກົມໃຫ່ຍການເມືອງກອງທັບ ອະນຸມັດໃຫ້ 2 ສະຫາຍ ສະມາຊິກພັກສຳຮອງເລື່ອນຂື້ນເປັນສະມາຊິກພັກສົມບູນ.

ໂອກາດດັ່ງກ່າວ ສະຫາຍ ພັທ ນ. ຄູນທອງ ທຳມະວົງ ຮອງເລຂາໜວ່ຍພັກ, ຫໍສະໝຸດກອງທັບ ໂອລົມຕໍ່ສະມາຊິກພັກໃໝ່ ເຊີ່ງສະຫາຍໄດ້ເນັ້ນໜັກເຖີງຫຼາຍບັນຫາ ໂດຍສະເພາະຄວາມເປັນແບບຢ່າງໃນການຝຶກຝົນຫຼໍ່ຫຼອມຕົນເອງທຸກດ້ານ ເຮັດໃຫ້ຕົນເອງກາຍເປັນສະມາຊິກພັກທີ່ດີເດັ່ນ. ສະຫາຍ ຮທ ສົມປະດິດ ໜໍ່ແກ້ວ ຕາງໜ້າສະມາຊິກພັກໃໝ່ຂື້ນຮັບຄຳໂອ້ລົມຈາກປະທານ.

ພາຍຫຼັງພິທີຮັບສະມາຊິກພົກສົມບູນສຳເລັດ ກອງປະຊຸມກໍ່ໄດ້ສືບຕໍ່ຮັບຟັງການຜ່ານບົດສະຫຼຸບການເຄື່ອນໄຫວວຽກງານພັກປະຈຳເດືອນ 3/2025,ແລະ ຜ່ານທິດທາງແຜນການປະຈຳເດືອນ 4/2025, ພິທີໄດ້ປິດລົງໃນເວລາ 11: 00 ຂອງວັນດຽວກັນດ້ວຍຜົນສຳເລັດອັນຈົບ ງາມ.