ໜ່ວຍຊາວໜຸ່ມຫໍສະໝຸດກອງທັບໄດ້ຈັດຕັ້ງກອງປະຊຸມ ສະຫຼຸບການເຄື່ອນໄຫວວຽກງານຊາວໜຸ່ມປະຈຳປີ 2023 ແລະ ວາງທິດທາງແຜນການປະຈຳປີ 2024.

   ໃນຕອນແລງ ວັນທີ 04​ ມັງກອນ​ 2023 ນີ້, ໜ່ວຍຊາວໜຸ່ມຫໍສະໝຸດກອງທັບໄດ້ຈັດຕັ້ງກອງປະຊຸມ ສະຫຼຸບການເຄື່ອນໄຫວວຽກງານຊາວໜຸ່ມປະຈຳປີ 2023 ແລະ ວາງທິດທາງແຜນການປະຈຳປີ 2024.​ ໂດຍການເປັນປະທານຂອງ ສະຫາຍ​ ພັນເອກ​ ວຽງທອງ​ ວິດພາວົງ ອຳນວຍການຫໍສະໝຸດກອງທັບ, ມີຄະນະຊາວໜຸ່ມຫໍສະໝຸດກອງທັບພອ້ມດ້ວຍສະມາຊິກພາຍໃນໜ່ວຍເຂົ້າຮ່ວມ.​

   ໃນໂອກາດນີ້ ສະຫາຍ ຮ້ອຍເອກ​ ນ.​ ພົນເມກ​ ດາລາວົງ ເລຂາໜ່ວຍຫໍສະໝຸດກອງທັບໄດ້ຂື້ນຜ່ານ ສະຫຼຸບປະຈຳປີ2023 ແລະ ທິດທາງແຜນການ 2024 ເຊິ່ງໄດ້ຍົກໃຫ້ເຫັນຜົນງານທີ່ໜ່ວຍຍາດມາໄດ້ໃນຫຼາຍດ້ານຕໍ່ກັບຜົນສຳເລັດດັ່ງກ່າວເຮັດໃຫ້ມີສະມາຊິກຊາວໜຸ່ມໄດ້ຮັບນາມມະຍົດຍ້ອງຍໍຫຼາຍສະຫາຍ, ພ້ອມກັນນັ້ນສະມາຊິກຫຼາຍສະຫາຍຍັງເປັນຕົວແທນຂອງກົມກອງເຂົ້າໃນການແຂ່ງຂັນທີ່ຂັ້ນເທິງມອບໝາຍໃຫ້ຈົນສຳເລັດ,​ ນອກນັ້ນ ຍັງໄດ້ມອບລາງວັນໃຫ້ແກ່ສະມາຊິກພາຍໃນໜ່ວຍທີ່ເປັນຕົວແທນໃຫ້ກົມໃຫຍ່ການເມືອງກອງທັບທີ່ເຂົ້າຮ່ວມຂະບວນການອີກດ້ວຍ.​

    ໂອກາດດັ່ງກ່າວ ສະຫາຍ​ ພັນເອກ​ ວຽງທອງ​ ວິດພາວົງ​ ໄດ້ໃຫ້ກຽດໂອ້ລົມຕໍ່ກອງປະຊຸມ, ເຊິ່ງສະຫາຍໄດ້ສະແດງຄວາມຊົມເຊີຍຜົນສຳເລັດທີ່ໜ່ວຍຍາດມາໄດ້ ພ້ອມກັນນັ້ນສະຫາຍຍັງໄດ້ເນັ້ນໜັກບາງບັນຫາໂດຍສະເພາະສະມາຊິກຊາວໜຸ່ມຕ້ອງໄດ້ຮຽນຮູ້ບັນດາວຽກງານວິຊາສະເພາະກໍ່ຄືວຽກງານຂະບວນການເຄື່ອນໄຫວດ້ານຕ່າງໆຂອງຊາວໜຸ່ມ, ເອົາໃຈໃສ່ສຶກສາຄົ້ນຄ້ວາຮຳ່ຮຽນ ແລະ ແລກປ່ຽນບົດຮຽນນຳອ້າຍ, ເອື້ອຍນ້ອງເພື່ອສ້າງຕົນເອງໃຫ້ກາຍເປັນສະມາຊິກຊາວໜຸ່ມຜູ້ກ້າວໜ້າພ້ອມກັບແລກປ່ຽນຖອດຖອນບົດຮຽນ ແລະ ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກເພື່ອສ້າງບຸກຄົນຕົວແບບ ແລະ ຍາດແຍ່ງເອົາຜົນງານອັນດີເດັ່ນເພື່ອໃຫ້ກາຍເປັນໜ່ວຍຊາວໜຸ່ມເຂັ້ມແຂງຮອບດ້ານ.