ຫ້ອງການກຳມະບານກອງທັບມອບອຸປະກອນກິລາໃຫ້ຫໍສະໝຸດກອງທັບ.

        ວັນທີ 20 ກັນຍາ 2023 ນີ້ ສະ​ຫາຍ ພັນ​ເອກ ບຸນ​ຄ່ອງ ອຸດ​ທະ​ຈັນ​ດີ ຫົວ​ໜ້າຫ້ອງການກຳມະບານກອງທັບ, ພ້ອມຄະນະ ໄດ້ນຳເອົາອຸປະກອນກິລາປະ​ເພດ​ເປ​ຕັງ ຈຳນວນ 02 ຊຸດ, ມູນຄ່າ1.500.000 ກີບ, ໄປມອບໃຫ້ຫໍສະໝຸດກອງທັບ, ເຊິ່ງກ່າວຮັບໂດຍສະຫາຍ ພັນ​ເອກ ວຽງ​ທອງ ວິດ​ພາ​ວົງ ອຳ​ນວຍ​ການ​ຫໍສະໝຸດກອງທັບ, ແລະ ສະ​ຫາຍກໍ່​ໄດ້ສະແດງຄວາມຂອບໃຈຢ່າງຈິງ​ໃຈ ແລະ ຮູ້​ບຸນ​ຄຸນ​ເປັນ​ຢ່າງ​ສູງນຳ​ຄະ​ນະ​ພັກ-ຄະ​ນະ​ບັນ​ຊາ​ ຫ້ອງ​ການ​ກຳ​ມະ​ບານກອງ​ທັບ, ໄດ້ປະກອບສ່ວນອຸປະຖຳຊຸກ​ຍູ້ ອຸ​ປະ​ກອນກິລາໃຫ້ຫໍສະໝຸດກອງທັບໃນຄັ້ງນີ້. ທັງ​ນີ້ກໍ່ເພື່ອເປັນ​ການ​ສ້າງ​ຜົນ​ງານ, ສ້າງ​ຂະ​ບວນ​ການຂໍ່າ​ນັບຮັບຕ້ອນວັນສຳຄັນຂອງຊາດ-ຂອງ​ພັກ ເວົ້າ​ລວມ, ເວົ້າສະເພາະກໍ່ແມ່ນວັນສ້າງຕັ້ງກອງທັບປະຊາຊົນລາວ​ທີ່​ຈະ​ໝູນ​ວຽນ​ມາ​ບັນ​ຈົບຄົບຮອບ 75 ປີ ແລະ ເປັນ​ການ​ສ້າງ​ຜົນ​ງານ​ຕ້ອນ​ຮັບ​ກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ​ຄັ້ງ​ທີ VI ຂອງ​ໜ່ວຍ​ພັກ​ຫ້ອງ​ການ​ກຳ​ມະ​ບານກອງ​ທັບ, ກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ​ຄັ້ງ​ທີ III ຂອງ​ໜ່ວຍ​ພັກຫໍສະໝຸດກອງທັບ ທີ່ຈະໄຂ​ຂຶ້ນ​ໃນ​ບໍ່​ພໍ​ເທົ່າ​ໃດ​ວັນ​ຂ້າງ​ໜ້ານີ້ໃຫ້​ເຕັມ​ໄປ​ດ້ວຍ​ເນື້ອ​ໃນ​ມີ​ຄວາມ​ໝາຍ​ອັນ​ເລິກ​ເຊິ່ງ​ເຮັດ​ໃຫ້​ກົມ​ກອງ​ມີ​ບັນ​ຍາ​ກາດ​ຟົດ​ຟື້ນ​ແຂງ​ແຮງ.