ຫໍສະໝຸດກອງທັບໄດ້ມອບປື້ມໃຫ້ຫໍສະໝຸດໂຮງຮຽນຊ່າງແສງ ແລະ ໂຮງຮຽນທະຫານຊາຍແດນ 712

ໃນຕອນແລງຂອງວັນທີ 27 ພຶດສະພາ 2024 ທີ່ຫໍສະໝຸດກອງທັບ. ຫໍສະໝຸດກອງທັບໄດ້ມອບປື້ມໃຫ້ຫໍສະໝຸດໂຮງຮຽນຊ່າງແສງ ແລະໂຮງຮຽນທະຫານຊາຍແດນ, ຈຳນວນ 89 ຫົວເປັນມູນຄ່າ 4.590.000 ກີບ, ກ່າວມອບໂດຍ ທ່ານ ພັ.ອ ວຽງທອງ ວີດພາວົງ ອຳນວຍການຫໍສະໝຸດກອງທັບ ພ້ອມດ້ວຍ ຫົວໜ້າພະແນກ ແລະ ພະນັກງານພາຍໃນກົມກອງເຂົ້າຮ່ວມ

ໄດ້ກ່າວຮັບໂດຍ ທ່ານ ພັ.ທ ພິມ ວິຈິດວົງສາ ຮອງຫົວໜ້າຫ້ອງການເມືອງກົມໃຫຍ່ເສນາທິການກອງທັບ ພ້ອມດ້ວຍຄະນະ ປື້ມທີ່ມອບໃນຄັ້ງນີ້ແມ່ນເພື່ອໄປປະກອບສ່ວນໃສ່ຫໍສະໝຸດໂຮງຮຽນຊ່າງແສງ ແລະໂຮງຮຽນທະຫານຊາຍແດນ 712, ເພື່ອເປັນການປະກອບສ່ວນເຂົ້າໃນວຽກງານການຮຽນ - ການສອນ, ການສະແຫວງຊອກຄົ້ນຄ້ວາຫາຄວາມຮູ້ຂອງນັກຮຽນໂຮງຮຽນດັ່ງກ່າວໃຫ້ມີຄຸນນະພາບ ແລະ ໄດ້ຮັບໝາກຜົນສູງ ແລະ ເພື່ອເປັນການສົ່ງເສີມການອ່ານໃຫ້ມີຄວາມເຕີບໃຫຍ່ຂະຫຍາຍຕົວຂື້ນໄປເລື່ອຍໆ.