ຫໍສະໝຸດກອງທັບໄດ້ຕ້ອນຮັບ ວິທະຍາຄານສັນຕິບານປະຊາຊົນລາວ ມາແລກປ່ຽນບົດຮຽນຢູ່ຫໍສະໝຸດກອງທັບ.

        ໃນຕອນເຊົ້າຂອງວັນທີ່ 18 ທັນວາ 2024, ທີ່່ຫໍສະໝຸດກອງທັບ ໄດ້ຈັດພິທິຕ້ອນຮັບ ວິທະຍາ ຄານສັນຕິບານປະຊາຊົນລາວ ມາແລກປ່ຽນບົດຮຽນວຽກງານຫໍສະໝຸດ ນຳໂດຍ ທ່ານ ພັທ ຄຳຜົງ ວິໄລສັກ ຮອງສູນຂໍ້ມູນຂ່າວສານ-ການສຶກສາ ວິທະຍາຄານສັນຕິບານປະຊາຊົນລາວ ພ້ອມດ້ວຍຄະນະລວມທັງໝົດ 16 ທ່ານ. ເປັນກຽດຕ້ອນຮັບໂດຍ ທ່ານ ພັອ ວຽງທອງ ວິດພາວົງ ອຳນວຍການຫໍສະໝຸດກອງທັບ ພ້ອມດ້ວຍຄະນະ ແລະ ພະນັກງານຈຳນວນໜື່ງເຂົ້າຮວ່ມ. ພິທີແລກປ່ຽນບົດຮຽນໄດ້ດຳເນີນໄປຢ່າງມີເນື້ອໃນສຳຄັນເລີກເຊີງ ແລະ ມີບັນຍາກາດຟົດຟື້ນ.

ເບື້ອງຕົ້ນ ທ່ານ ພັທ ຄໍາຜົງ ວິໄລສັກ ຮອງສູນຂໍ້ມູນຂ່າວສານ-ການສຶກສາ ວິທະຍາຄານສັນຕິບານປະຊາຊົນລາວ ໄດ້ຂື້ນລາຍງານຈຸດປະສົງ ໃນການມາແລກປ່ຽນບົດຮຽນໃນຄັ້ງນີ້ ເພື່ອຢາກຖອດຖອນບົດຮຽນບາງວຽກງານດັ່ງນີ້: ການຈັດຊັບພະຍາກອນເຂົ້າຫ້ອງສະໝຸດໃນໄລຍະຜ່ານມາ, ການລົງທະບຽນເອກະສານ, ວິເຄາະໝວດໝູ່, ແກ້ໄຂເຕັກນິກປື້ມ, ວິທີ່ການຄຸ້ມຄອງເອກະສານ, ການບໍລິການນັກອ່ານ, ການຊັບຊ້ອນປື້ມ, ວິທີການໂຄສະນາດືງດູູດນັກອ່ານ ແລະ ການທຳລາຍເອກະສານເກົ່າ ຫຼື ເອກະສານເຊື່ອມຄຸນ ທີ່ໃຊ້ບໍ່ໄດ້.

ຈາກນັ້ນ ທ່ານ ພັອ ວຽງທອງ ວິດພາວົງ ອຳນວຍການຫໍສະໝຸດກອງທັບ ໄດ້ກວ່າຍີນດີ ຕ້ອນຮັບ ແລະ ພ້ອມທັງລາຍງານການເຄື່ອນໄຫວ ວຽກງານຫໍສະໝຸດໂດຍຫຍໍ້ໃນໄລຍະຜ່ານມາ ແລະ ມີຄຳເຫັນຊີ້ແຈງຕາມຄຳສະເໜີຂອງ ວິທະຍາຄານສັນຕິບານປະຊາຊົນລາວ, ຈາກນັ້ນ ພະນັກງານວິຊາການກໍ່ໄດ້ຂື້ນອະທິບາຍກ່ຽວກັບວຽກງານວິຊາສະເພາະຂອງແຕ່ລະຂອດວຽກງານຕົວຈີງຢ່າງລະອຽດ ຄົບຖ້ວນ ແລະ ພະນັກງານທັງສອງຝ່າຍກໍ່ໄດ້ມີຄຳເຫັນແລກປ່ຽນບົດຮຽນນຳກັນ ດ້ວຍຄວາມຮັກແພງແບບເປັນກັນເອງຢ່າງເປັນເອກະສັນ. ຕໍ່ມາ ວິທະຍາຄານສັນຕິບານປະຊາຊົນລາວ ໄດ້ມອບປື້ມ ຈຳນວນ 74 ຫົວ ມູນຄ່າ 4,460,000 ກີບ. ໃຫ້ແກ່ຫໍສະໝຸດກອງທັບເພື່ອປະກອບສວ່ນໃນການສົ່ງເສີມການອ່ານເພື່ອໃຫ້ພະນັກງານນັກ-ຮົບໄດ້ຊອກຮູ້ຮໍ່າຮຽນຫຼາຍຂື້ນ ຕໍ່ມາ ຫໍສະໝຸດກອງທັບກໍ່ໄດ້ມອບ ໃບສົມມະນາຄຸນ ໃຫ້ແກ່ວິທະຍາຄານສັນຕິບານປະຊາຊົນລາວ ແລະ ວິທະຍາຄານສັນຕິບານປະຊາຊົນລາວ ກໍ່ໄດ້ມອບໃບສົມມະນາຄຸນ ພ້ອມກະຕ່າຂອງຂ້ວນ ເພື່ອຂອບໃຈນຳຫໍສະໝຸດກອງທັບທີ່ໄດ້ມອບປື້ມໃຫ້ເຂົ້າເຈົ້າໃນຄັ້ງກອ່ນ. ພິທີໄດ້ອັດລົງດ້ວຍໝາກຜົນອັນຈົບງາມ ໃນເວລາ 11:30 ຂອງວັນດຽວກັນນີ້ຢ່າງມີບັນຍາກາດແຫ່ງມິດໄມຕີ.