ຫໍ​ສະ​ໝຸດກອງ​ທັບ​ລົງ​ຈັດ​ກິດ​ຈະ​ກຳ​ ຖາມ - ຕອບ​ ຄວາມ​ຮູ້​ຮອບ​ຕົວ​

ຮ່ວມ​ກັບ​ກອງ​ພັນ​ໃຫຍ່ 605

   ໃນ​ຕອນ​ເຊົ້າ​ຂອງວັນ​ທີ 05 ກໍ​ລະ​ກົດ 2023 ຢູ່​ທີ່​ສະ​ໂມ​ສອນກອງ​ພັນ​ໃຫຍ່ 605, ໄດ້​ມີ​ການ​ສ້າງ​ກິດ​ຈະ​ກຳ​ຖາມ-​ຕອບ ​ຄວາມ​ຮູ້​ຮອບ​ຕົວ​ລະ​ຫວ່າງ ​ຫໍ​ສະ​ໝຸດກອງ​ທັບ ກັບ ກອງ​ພັນ​ໃຫຍ່ 605 ຂຶ້ນ, ໂດຍ​ການ​ໃຫ້​ກຽດ​ເຂົ້າ​ຮ່ວມ​ຂອງ​ສະ​ຫາຍ ພັ​ທ ດຸມ​ເພັດ ສະຫຼຽນ​ຄຳ ຮອງ​ອຳ​ນວຍ​ການ​ຫໍ​ສະ​ໝຸດກອງ​ທັບ ພ້ອມ​ດ້ວຍ​ທີມ​ທາງວິ​ຊາ​ການ​ຈຳ​ນວນ​ໜຶ່ງ ແລະ ໃຫ້​ກຽດ​ຕ້ອນ​ຮັບ​ໂດຍ​ສະ​ຫາຍ ພັ​ທ ໄມ​ສີ ມາ​ວັນ​ດີ ຄະ​ນະ​ພັກ ຫົວ​ໜ້າ​ພະ​ແນກການ​ເມືອງ ກອງ​ພັນ​ໃຫຍ່ 605 ພ້ອມ​ດ້ວຍ​ນາຍ ແລະ ພົນ​ທະ​ຫານ​ຈຳ​ນວນ 11 ຫົວ​ໜ່ວຍ​ກົມ​ກອງ​ທີ່​ຂື້ນ​ກັບ​ກອງ​ພັນ​ໃຫຍ່ 605.

      ຜ່ານ​ການ​ສ້າງ​ກິດ​ຈະ​ກຳ ຖາມ-ຕອບ ເຫັນ​ວ່າ​ມີ​ບັນ​ຍາ​ກາດ​ຟົດ​ຟື້ນ​ມ່ວນ​ຊື່ນ ແລະ ຕອບ​ຄຳ​ຖາມ​ໄດ້​ດີ ຍາດ​ໄດ້​ອັນ​ດັບ​ທີ I ມີ 1 ພາກ​ສ່ວນ, ທີ II ມີ 1 ພາກ​ສ່ວນ, ທີ III ມີ 1 ພາກ​ສ່ວນ, ນອກນີ້​ຍັງ​ໄດ້​ຮັບ​ລາງວັນ​ຊົມ​ເຊີຍ​ອີກ 8 ພາກ​ສ່ວນ. ຕອນ​ທ້າຍ ສະ​ຫາຍ ພັ​ທ ໄມ​ສີ ມາ​ວັນ​ດີ ຄະ​ນະ​ພັກ ຫົວ​ໜ້າ​ພະ​ແນກ​ການ​ເມືອງ ກອງ​ພັນ​ໃຫຍ່ 605 ກໍ່​ໄດ້​ກ່າວ ສະ​ແດງ​ຄວາມ​ຂອບ​ໃຈ ແລະ ຮູ້​ບຸນ​ຄຸນ​ຕໍ່​ຫໍ​ສະ​ໝຸດກອງ​ທັບ ທີ່​ໄດ້​ລົງ​ມາ​ຈັດ​ກິດ​ຈະ​ກຳ​ຖາມ-ຕອບ ຄວາມ​ຮູ້​ຮອບ​ຕົວ​ໃນ​ຄັ້ງ​ນີ້ ມີ​ຜົນ​ສຳ​ເລັດ​ຢ່າງ​ຈົບ​ງາມ​ພ້ອມ​ທັງ​ໄດ້​ກ່າວ​ປິດ​ພິ​ທີ​ຢ່າງ​ເປັນ​ທາງ​ການ.