ຫໍສະໝຸດກອງທັບປະຊາຊົນລາວ ໄປຖອດຖອນບົດຮຽນກ່ຽວກັບວຽກງານຫໍສະໝຸດ

ຢູ່ຫໍສະໝຸດວິທະຍາຄານສັນຕິບານປະຊາຊົນ. 

  ໃນຕອນເຊົ້າ,​ ວັນທີ 29 ສິງຫາ 2023 ນີ້,​ ຫໍສະໝຸດກອງທັບປະຊາຊົນລາວ ໄດ້ໄປຖອດຖອນບົດຮຽນກ່ຽວກັບວຽກງານຫໍສະໝຸດຢູ່ວິທະຍາຄານສັນຕິບານປະຊາຊົນ.​ ນຳພາຄະນະໂດຍ ພັ.​ທ ນ. ຄູນ​ທອງ​ ທຳມະວົງ ຮອ​ງ​ອຳ​ນວຍ​ການ​ຫໍ​ສະ​ໝຸດກອງ​ທັບພ້ອມດ້ວຍພະນັກງານ-ນັກຮົບ​ ຫໍສະໝຸດກອງທັບເຂົ້າຮ່ວມ.

        ໂອກາດດັ່ງກ່າວ​ ພັນເອກ ນ.​ ແພງສອນ ວົງສຸວັນ​ ຄະ​ນະ​ພັກ ຫົວໜ້າສູນຂໍ້ມູນຂ່າວສານ-ການສຶກສາ ວິທະຍາຄານສັນຕິບານປະຊາຊົນ ,​ ໄດ້ມີຄໍາເຫັນຕໍ່ກອງປະຊຸມ,​ ເຊິ່ງໄດ້ມີການແລກປ່ຽນ, ຖ່າຍທອດປະສົບການ, ຖອດຖອນບົດຮຽນໃນຫຼາຍຫົວຂໍ້ໂດຍ​ສະ​ເພາະ​ທາງ​ດ້ານເຕັກນິກ, ວິ​ຊາການຢ່າງ​​ກົງ​ໄປ​ກົງ​ມາ ລະຫວ່າງ ວິທະຍາຄານສັນຕິບານປະຊາຊົນ ແລະ​ ຫໍສະໝຸດກອງທັບ.​

  ສະຫາຍ ພັນໂທ​ ນ.​ ສົມຫວັງ​ ສິດທິສັກ​ ຫົວໜ້າພະແນກຫໍສະໝຸດວິທະຍາຄານສັນຕິບານປະຊາຊົນ​ ໄດ້ລາຍງານການເຄື່ອນໄຫວວຽກງານຕົວຈິງ,​ ເຊິ່ງສັງເກດຕີລາຄາ​ ແລະ​ ລວບລວມຂໍ້ມູນການຄຸ້ມຄອງວຽກງານຫໍສະໝຸດໃນການຖອດຖອນບົດຮຽນຄັ້ງນີ້ໃຫ້ແກ່ຫໍສະໝຸດກອງທັບ,​ ເຊິ່ງໄດ້ຍົກໃຫ້ເຫັນດ້ານດີ-ດ້ານອ່ອນ, ຂໍ້ສະດວກ ຂອງຫໍສະໝຸດດັ່ງກ່າວ.​

        ການເຄື່ອນໄຫວຢ້ຽມຢາມ ພົບປະແລກປ່ຽນ,​ ຖອດຖອນບົດຮຽນໃນຄັ້ງນີ້, ເປັນການຫັດແໜ້ນຄວາມສາມັກຄີ, ສ້າງໄດ້ຄວາມຮັກແພງ, ໄມຕີຈິດ ມິດຕະພາບ ແລະ ເປັນການເພີ່ມພູນຄູນສ້າງມູນເຊື້ອອັນດີງາມດັ່ງກ່າວໃຫ້ສູງຂຶ້ນເລື້ອຍໆ.​