ຫໍສະໝຸດກອງທັບປະຊາຊົນລາວ ໄປຖອດຖອນບົດຮຽນກ່ຽວກັບວຽກງານ

ຫໍສະໝຸດຢູ່ຫໍສະໝຸດກາງມະຫາວິທະຍາໄລແຫ່ງຊາດ.

        ໃນຕອນເຊົ້າ, ວັນທີ 19 ກັນຍາ 2023 ນີ້, ຫໍສະໝຸດກອງທັບປະຊາຊົນລາວ ໄດ້ໄປຖອດຖອນບົດຮຽນກ່ຽວກັບວຽກງານຫໍສະໝຸດຢູ່ ຫໍສະໝຸດກາງມະຫາວິທະຍາໄລແຫ່ງຊາດ,​ ນຳພາຄະນະໂດຍ ພັ.ທ ນ. ຄູນທອງ ທຳມະວົງ ຮອງ​ອຳ​ນວຍ​ການ ພ້ອມດ້ວຍພະນັກງານ-ນັກຮົບ ຫໍສະໝຸດກອງທັບເຂົ້າຮ່ວມ.

  ໂອກາດດັ່ງກ່າວ ອາຈານ​ ນ.​ ທອງວັນ ປັນຍາທອງ​ ຮອງອຳນວຍການຫໍສະໝຸດກາງມະຫາວິທະຍາໄລແຫ່ງຊາດ ຜູ້ຊີ້ນຳພະແນກວິຊາການ,​ ໄດ້ລາຍງານການເຄື່ອນໄຫວວຽກງານຕົວຈິງ, ເຊິ່ງສັງເກດຕີລາຄາ ແລະ ລວບລວມຂໍ້ມູນການຄຸ້ມຄອງວຽກງານຫໍສະໝຸດ​ ແລະ​ ໄດ້ມີການແລກປ່ຽນ, ຖ່າຍທອດປະສົບການ, ຖອດຖອນບົດຮຽນໃນຫຼາຍຫົວຂໍ້ໂດຍສະເພາະທາງດ້ານເຕັກນິກ, ວິຊາການຢ່າງກົງໄປກົງມາ ລະຫວ່າງ ຫໍສະໝຸດກາງມະຫາວິທະຍາໄລແຫ່ງຊາດ ແລະ ຫໍສະໝຸດກອງທັບ,​ ເຊິ່ງໄດ້ຍົກໃຫ້ເຫັນດ້ານດີ-ດ້ານອ່ອນ, ຂໍ້ສະດວກ ຂອງຫໍສະໝຸດດັ່ງກ່າວ.

        ການເຄື່ອນໄຫວຢ້ຽມຢາມ ພົບປະແລກປ່ຽນ, ຖອດຖອນບົດຮຽນໃນຄັ້ງນີ້, ເປັນການຫັດແໜ້ນຄວາມສາມັກຄີ, ສ້າງໄດ້ຄວາມຮັກແພງ, ໄມຕີຈິດ ມິດຕະພາບ ແລະ ເປັນ ການເພີ່ມພູນຄູນສ້າງມູນເຊື້ອອັນດີງາມດັ່ງກ່າວໃຫ້ສູງຂຶ້ນເລື້ອຍໆ.