ຫໍສະໝຸດກອງທັບປະຊາຊົນລາວ ເຂົ້າອວຍພອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 63 ປີ ແກ່ກົມຄົ້ນຄ້ວາ ວິທະຍາສາດ - ປະຫວັດສາດ ກະຊວງປ້ອງກັນຄວາມສະຫງົບ

ໃນເວລາ 10:30 ຂອງວັນທີ 02 ເມສາ 2024 ທີ່ຫ້ອງປະຊຸມຫໍພິພິທະພັນ ປ້ອງກັນຄວາມສະຫງົບ ໄດ້ມີການຕ້ອນຮັບການໄປອວຍພອນຂອງຄະນະຫໍສະໝຸດກອງທັບ, ເຊິ່ງນຳໂດຍ ທ່ານ ພັ.ອ ວຽງທອງ ວີດພາວົງ ອຳນວຍການຫໍສະໝຸດກອງທັບພ້ອມດ້ວຍຄະນະຈຳນວນ 7 ສະຫາຍ ໄດ້ນຳກະຕ່າຂອງຂວັນແລະຄຳອວຍພອນໄປມອບໃຫ້ ແກ່ຄະນະກົມຄົ້ນຄ້ວາ ວິທະຍາສາດ - ປະຫວັດສາດ ກະຊວງປ້ອງກັນຄວາມສະຫງົບ ໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 63 ປີ  (5 ເມສາ 1961 – 5 ເມສາ 2024)ໃຫ້ກຽດຕ້ອນຮັບໂດຍ ທ່ານ ພັ.ອ ປະລິນຍາໂທ ກໍລະກັນ ຄ້ຳພູປະຖົມ ຮອງຫົວໜ້າກົມຄົ້ນຄ້ວາ ວິທະຍາສາດ - ປະຫວັດສາດ ກະຊວງປ້ອງກັນຄວາມສະຫງົບ, ພ້ອມດ້ວຍພະນັກງານຈຳນວນໜຶ່ງ.

ພິທີການຕ້ອນຮັບການໄປອວຍພອນ ແມ່ນມີບັນຍາກາດດີ ແລະ ມີຄວາມອົບອຸ່ນຈິງໃຈດ້ວຍຄວາມສາມັກຄີ ມິດຕະພາບລະຫວ່າງ 2 ກຳລັງ ແລະ 2ກົມກອງ ເຊິ່ງສະແດງໃຫ້ເຫັນເຖິງມູນເຊື້ອອັນດີທີ່ເຄີຍປະຕິບັດສືບທອດກັນມາ.