ຫໍສະໝຸດກອງທັບປະຊາຊົນລາວ ຕ້ອນຮັບຄະນະຊ່ຽວຊານຫໍສະໝຸດກອງທັບປະຊາຊົນ ສສ ຫວຽດນາມ 

ວັນທີ 2 ກໍລະກົດ 2024 ນີ້, ຫໍສະໝຸດກອງທັບປະຊາຊົນລາວໄດ້ຕ້ອນຮັບຄະນະຊ່ຽວຊານຫໍສະໝຸດກອງທັບປະຊາຊົນ ສສ ຫວຽດນາມ ນໍາໂດຍ ສະຫາຍ ພັນເອກ ນາງ ເຈິນ ອຸດ ແຄງ ລີ ພະນັກງານພະແນກເຕັກນິກ ພ້ອມດ້ວຍຄະນະ ເນື່ອງໃນໂອກາດທີ່ເດີນທາງມາຢ້ຽນຢາມ ແລະ ເຮັດວຽກ ຢູ່ ສປປ ລາວ,ໃຫ້ກຽດເຂົ້າຮ່ວມຕ້ອນຮັບໂດຍ ມີ ສະຫາຍ ພັນເອກ ແກ້ວສຸວັນ ຜາງພິລາວົງ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງເມືອງກອງທັບປະຊາຊົນລາວ, ມີ ສະຫາຍ ພັນເອກ ວຽງທອງ ວິດພາວົງ ຜູ້ອໍານວຍການຫໍສະໝຸດກອງທັບ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ.

   ໃນໂອກາດດັ່ງກ່າວ ສະຫາຍ ພັນເອກ ວຽງທອງ ວິດພາວົງ ໄດ້ສະແດງຄວາມຍິນດີ ຕ້ອນຮັບຄະນະຊ່ຽວຊານຫໍສະໝຸດກອງທັບປະຊາຊົນ ສສ ຫວຽດນາມ ຢ່າງອົບອຸ່ນ ແລະ ຜ່ານບັນດາສະຫາຍໄປຍັງການນໍາກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ສສ ຫວຽດນາມ ທີ່ໄດ້ມີຄວາມເອົາໃຈໃສ່ໃນການຊ່ວຍເຫຼືອເບິ່ງແຍງ ແລະ ອໍານວຍຄວາມສະດວກ ໃຫ້ຄະນະຊ່ຽວຊານຫໍສະໝຸດກອງທັບ ສສ ຫວຽດນາມ ໄດ້ມາຢ້ຽມຢາມ ແລະ ເຮັດວຽກຮ່ວມກັບຫໍສະໝຸດກອງທັບປະຊາຊົນລາວໃນຄັ້ງນີ້. ເຊິ່ງການມາປະຕິບັດໜ້າທີ່ສາກົນ ເວົ້າລວມເວົ້າສະເພາະ ແມ່ນການມາຊ່ວຍເຫຼືອຫໍສະໝຸດກອງທັບປະຊາຊົນລາວ ແມ່ນສຸດທີ່ມີຄວາມໝາຍສໍາຄັນເພາະຢູ່ໃນທ່າມກາງທົ່ວພັກ-ລັດ,ທົ່ວປວງຊົນລາວທັງຊາດ ແລະ ທົ່ວກອງທັບ ພວກເຮົາພວມຢູ່ໃນທ່າມກາງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ການຈັດຕັ້ງສະເຫຼີມສະຫຼອງປີແຫ່ງມິດຕະພາບ ລາວ-ຫວຽດນາມ,ຫວຽດນາມ-ລາວ ຄົບຮອບ 47 ປີ.ພ້ອມທັງອວຍພອນໄຊ ໃຫ້ ສະຫາຍ ພັນເອກ ເຈິນ ອຸດ ແຄງ ລີ ພ້ອມດ້ວຍຄະນະ ຈົ່ງມີສຸຂະພາບແຂງແຮງ, ມີຜົນສໍາເລັດສູງໃນການປະຕິບັດໜ້າທີ່ສາກົນຂອງ ສະຫາຍ ໂດຍສະເພາະແມ່ນການເຮັດວຽກຮ່ວມກັບຫໍສະໝຸດກອງທັບປະຊາຊົນລາວໃນຄັ້ງນີ້ປະສົບຜົນສຳເລັດຕາມຄາດໝາຍ.