ຫໍສະໝຸດກອງທັບປະຊາຊົນລາວ ຈັດຕັ້ງພິທີສະຫຼອງບຸນປີໃໝ່ລາວ ພສ 2567

ໃນເວລາ 10:00 ຂອງວັນທີ 9 ເມສາ 2024 ທີ່ຫໍສະໝຸດກອງທັບປະຊາຊົນລາວ ໄດ້ຈັດຕັ້ງພິທີສະຫຼອງບຸນປີໃໝ່ລາວ ພສ 2567 ດ້ວຍກິດຈະກຳສູດລົດນ້ຳ ເສຍເຄາະ ສົ່ງທ້າຍປີເກົ່າ ພສ 2566 ແລະ ຈັດພິທີບາສີສູ່ຂວັນຕ້ອນຮັບປີໃໝ່ ພສ 2567 ຢ່າງເບີກບານມ່ວນຊື່ນ, ດ້ວຍການກີນເຂົ້າສາມັກຄີ ແລະ ຫົດນ້ຳ ອວຍພອນກັນ. ໂດຍການເຂົ້າຮ່ວມຈາກຄະນະນຳບັນດາກົມກອງອ້ອມຂ້າງກົມໃຫຍ່ການເມືອງກອງທັບ, ກົມຄົ້ນຄວ້າ ວິທະຍາສາດປະຫວັດສາດ ປ້ອງກັນຄວາມສະຫງົບ, ຄູອາຈານ ໂຮງຮຽນ ມ.ສ ໜອງບອນ, ພ້ອມດ້ວຍ ພະນັກງານ-ນັກຮົບຫໍສະໝຸດກອງທັບປະຊາຊົນລາວ.

    ການຈັດພິທີສະຫຼອງບຸນປີໃໝ່ລາວ ໃນຄັ້ງນີ້ແມ່ນເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່, ເປັນການອວຍພອນເຊິ່ງກັນ ແລະ ກັນ, ເພື່ອສ້າງສັນຄວາມສາມັກຄີຮັກແພງ ກັບ ບັນດາກົມກອງເພື່ອນ ແລະ ອ້າຍນ້ອງພະນັກງານ - ນັກຮົບໃນກົມກອງ ຂໍໃຫ້ມີສຸຂະພາບ ແຂງແຮງ ໂຊກດີປີໃໝ່, ມີຄວາມປອດໄພທຸກປະການ, ມີຜົນສຳເລັດໃນໜ້າທີ່ການງານ.